Kabzaa: ಕಬ್ಜದಲ್ಲಿ ಇರೋ ಆ ನಾಲ್ಕನೆ ಸ್ಟಾರ್ ಯಾರು? ಟ್ರೈಲರ್‌ನಲ್ಲಿ ರಿವೀಲ್ ಆಗಿದ್ದೇನು?

ಪ್ಯಾನ್ ಇಂಡಿಯಾ ಕಬ್ಜ ಸಿನಿಮಾದ ಕ್ರೇಜ್ ದಿನೇ ದಿನೇ ಹೆಚ್ಚಾಗುತ್ತಿದೆ. ಟ್ರೈಲರ್ ರಿಲೀಸ್ ಆದ್ಮೇಲಂತೂ ಇನ್ನಿಲ್ಲದ ಪ್ರಶ್ನೆಗಳೂ ಹುಟ್ಟಿಕೊಳ್ಳುತ್ತಿವೆ. ಆ ಪ್ರಶ್ನೆಗಳು ಒಂದೋ ಎರಡೋ ? ಎಲ್ಲವೂ ಅಷ್ಟೇ ಕುತೂಹಲವಾಗಿಯೇ ಇವೆ. ಕಬ್ಜ ಚಿತ್ರದ ಆ ನಾಲ್ಕನೆ ಸ್ಟಾರ್ ಯಾರು ಅನ್ನೋದೇ ಈಗಿನ ಕುತೂಹಲ ಆಗಿದೆ.

ಕಬ್ಜ ಸಿನಿಮಾದಲ್ಲಿ ಸಾಕಷ್ಟು ಪಾತ್ರಗಳಿವೆ. ಪ್ರತಿ ಪಾತ್ರಕ್ಕೂ ಅದರದ್ದೇ ಗತ್ತುಗಳೂ ಇವೆ. ಟ್ರೈಲರ್ ನಲ್ಲಿ ಬಹುತೇಕ ಪಾತ್ರಗಳ ಪರಿಚಯ ಆಗಿದೆ. ಒಂದೊಂದು ಪಾತ್ರವೂ ಈಗ ಜನರ ಗಮನ ಸೆಳೆಯೋ ಕೆಲಸ ಮಾಡುತ್ತಿವೆ. ಅದರಲ್ಲೂ ಈ ಚಿತ್ರದಲ್ಲಿರೋ ಒಂದು ಪಾತ್ರ ಯಾರನ್ನೋ ಹೋಲುತ್ತಿದೆ.

ಕಬ್ಜ ಚಿತ್ರದಲ್ಲಿ ಇಬ್ಬರೇ ಸ್ಟಾರ್‌ಗಳು ಇದ್ದಾರೆ ಅನ್ನುವ ವಿಷಯ ಇತ್ತು. ಆದರೆ ಹೋಗ್ತಾ ಹೋಗ್ತಾ ಮೂರನೇ ಸ್ಟಾರ್ ನಟನ ವಿಷಯ ಕೂಡ ಕೇಳಿ ಬಂತು. ಆ ಮೂರನೇ ಸ್ಟಾರ್ ಶಿವಣ್ಣ ಅನ್ನುವ ವಿಚಾರವನ್ನ ಸ್ವತಃ ಸಿನಿಮಾ ತಂಡ ಪೋಸ್ಟರ್ ಮೂಲಕ ಅಧಿಕೃತವಾಗಿಯೇ ಹೇಳಿಕೊಂಡಿದೆ.

ಕಬ್ಜ ಚಿತ್ರದ ಸುತ್ತ ಈಗ ಇನ್ನೂ ಒಂದು ವಿಚಾರ ಹರಿದಾಡುತ್ತಿದೆ. ಕಬ್ಜ ಚಿತ್ರದಲ್ಲಿ ಮೂವರು ಸ್ಟಾರ್ ಅಲ್ಲ, ನಾಲ್ವರು ಸ್ಟಾರ್ ನಟರಿದ್ದಾರೆ ಅನ್ನೋದೇ ಈಗಿನ ವೈರಲ್ ಸುದ್ದಿಯ ಒಟ್ಟು ತಿರುಳಾಗಿದೆ. ಇದರ ಬೆನ್ನಲ್ಲಿಯೇ ಆ ಸ್ಟಾರ್ ನಟ ಕ್ರೇಜಿ ಆಗಿದ್ದಾರೆ ಅನ್ನುವ ಮಾಹಿತಿ ಕೂಡ ಹರಿದಾಡುತ್ತಿದೆ.

ಕನ್ನಡ ಚಿತ್ರರಂಗದಲ್ಲಿ ಕ್ರೇಜಿ ಆಗಿರೋದು ಒಬ್ಬರೇ, ಅದುವೇ ಕ್ರೇಜಿ ಸ್ಟಾರ್ ರವಿಚಂದ್ರನ್. ಆದರೆ ಕಬ್ಜ ಚಿತ್ರದಲ್ಲಿ ಕ್ರೇಜಿ ಸ್ಟಾರ್ ರವಿಚಂದ್ರನ್ ಅಭಿನಯಿಸಿದ್ದಾರಾ? ಅನ್ನುವ ಅನುಮಾನ ಕೂಡ ಈಗ ಮೂಡಿದೆ.

ಕಬ್ಜ ಚಿತ್ರದ ಆ ನಾಲ್ಕನೆ ಹೀರೋ ಯಾರು ಅನ್ನುವ ಪ್ರಶ್ನೆಗೆ ಉತ್ತರ ಸಿಕ್ಕಿಲ್ಲ. ಆದರೆ ಸಿನಿಮಾ ತಂಡದ ಸದಸ್ಯರೊಬ್ಬರು ನಮ್ಮ ಚಿತ್ರದಲ್ಲಿ ಕ್ರೇಜಿ ಸ್ಟಾರ್ ನಟಿಸಿಲ್ಲ ಅನ್ನುವ ಸತ್ಯವನ್ನ ಹೇಳಿಕೊಂಡಿದ್ದಾರೆ. ಈಗ ಹರಿದಾಡುತ್ತಿರೋ ಪೋಟೋ ಮತ್ತು ವಿಷಯದ ಬಗ್ಗೆ ಸ್ಪಷ್ಟನೆ ಕೂಡ ಕೊಟ್ಟಿದ್ದಾರೆ.

ಕಬ್ಜ ಚಿತ್ರದಲ್ಲಿ ಕ್ರೇಜಿ ಸ್ಟಾರ್ ರವಿಚಂದ್ರನ್ ರೀತಿ ಕರ್ಲಿ ಹೇರ್‌ನಲ್ಲಿ ಕಾಣಿಸಿಕೊಂಡ ಆ ನಟ ಬೇರೆ ಯಾರೋ ಅಲ್ಲ. ಡೈರೆಕ್ಟರ್ ಶಂಕರ್ ನಿರ್ದೇಶನದ ಐ ಸಿನಿಮಾದ ವಿಲನ್ ಪಾತ್ರಧಾರಿ ಕಾಮರಾಜ್ ಆಗಿದ್ದು, ಚಿತ್ರದಲ್ಲಿ ಕಾಮರಾಜ್ ಒಂದು ಅದ್ಭುತವಾದ ಪಾತ್ರವನ್ನ ನಿರ್ವಹಿಸಿದ್ದಾರೆ.

ಕಬ್ಜ ಸಿನಿಮಾದಲ್ಲಿ ಇನ್ನು ಯಾವೆಲ್ಲ ಸರ್ಪ್ರೈಜ್ ಇವೆಯೋ ಏನೋ, ಸದ್ಯಕ್ಕೆ ಕಾಮರಾಜ್ ಅವರನ್ನೆ ಕ್ರೇಜಿ ಸ್ಟಾರ್ ಅಂದುಕೊಳ್ಳುವ ಮಂದಿಗೆ ಸಿನಿಮಾ ತಂಡವೇ ಒಂದು ಕ್ಲಾರಿಟಿ ಕೊಟ್ಟಿದೆ. ಇನ್ನುಳಿದಂತೆ ಮಾರ್ಚ್-17 ರಂದು ವಿಶ್ವದಾದ್ಯಂತ ಕಬ್ಜ ರಿಲೀಸ್ ಆಗುತ್ತಿದೆ. ಜನರಲ್ಲಿ ದಿನೇ ದಿನೇ ಒಂದು ಕುತೂಹಲವನ್ನೂ ಮೂಡಿಸಿದೆ.