Kabzaa Movie: ಭಾರತದ ಬಹು ನಿರೀಕ್ಷಿತ ಸಿನಿಮಾ ಲಿಸ್ಟ್​ನಲ್ಲಿ ಕನ್ನಡದ ಕಬ್ಜ! IMDb ಅಧಿಕೃತ ಪೋಸ್ಟರ್ ಔಟ್

ಕನ್ನಡದ ಕಬ್ಜ ಸಿನಿಮಾ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ರಿಲೀಸ್ ಆಗುತ್ತಿದೆ. ಆಯಾ ಭಾಷೆಯಲ್ಲೂ ಆರ್. ಚಂದ್ರು ತಮ್ಮ ಈ ಚಿತ್ರವನ್ನ ಪ್ರಚಾರ ಮಾಡಿದ್ದಾರೆ. ಸಿನಿಮಾದ ಕಂಟೆಂಟ್‌ ಕುರಿತು ಕ್ರೇಜ್ ಹುಟ್ಟಿಸಿದ್ದಾರೆ.

ಕಬ್ಜ ಚಿತ್ರದ ಟ್ರೈಲರ್ ಒಳ್ಳೆ ರೆಸ್ಪಾನ್ಸ್ ಪಡೆದಿದೆ. ಈ ರೆಸ್ಪಾನ್ಸ್ ಬಳಿಕ ಸಿನಿಮಾ ಟೀಮ್ ಮುಂಬೈಯಲ್ಲೂ ಹಂಗಾಮ ಮಾಡಿ ಬಂದಿದೆ. ಚಿತ್ರದ ನಾಯಕರು ಇಲ್ಲಿ ಬೈಕ್ ರೈಡ್ ಕೂಡ ಮಾಡಿ ಬಂದಿದ್ದಾರೆ.

ಪ್ಯಾನ್ ಇಂಡಿಯಾ ಕಬ್ಜ ಸಿನಿಮಾ ಬಹು ಕೋಟಿಯಲ್ಲಿ ನಿರ್ಮಾಣಗೊಂಡಿದೆ. ಚಿತ್ರದ ಕೋಟಿ ಲೆಕ್ಕ ಬೆಳ್ಳಿ ತೆರೆ ಮೇಲೆ ಬೇರೆಯದ್ದೇ ಹವಾ ಕ್ರಿಯೇಟ್ ಮಾಡುತ್ತದೆ ಅನ್ನುವ ನಂಬಿಕೆಯನ್ನ ಟ್ರೈಲರ್ ಮೂಡಿಸಿದೆ.

ಪ್ಯಾನ್ ಇಂಡಿಯಾ ಕಬ್ಜ ಚಿತ್ರ ಬಾಲಿವುಡ್‌ನಲ್ಲೂ ಕ್ರೇಜ್ ಹುಟ್ಟಿಸಿದೆ. 2023 ರ ಬಹು ನಿರೀಕ್ಷಿತ ಸಿನಿಮಾ ಅನ್ನುವ ವಿಷಯವೂ ಈಗಾಗಲೇ ತಿಳಿಸಿದೆ.

. ಕನ್ನಡದ ಕಬ್ಜ ಸಿನಿಮಾ IMDb ಪಟ್ಟಿಯಲ್ಲೂ ಇರೋದು ವಿಶೇಷ. ಇದೇ IMDb ಈಗ ಇನ್ನೂ ಒಂದು ಹೊಸ ವಿಷಯವನ್ನ ಹೇಳಿಕೊಂಡಿದೆ. ಇದು ನಿಜಕ್ಕೂ ವಿಶೇಷಗಳಲ್ಲಿ ವಿಶೇಷವೇ ಆಗಿದೆ.

ರಿಯಲ್ ಸ್ಟಾರ್ ಉಪೇಂದ್ರ ಅಭಿನಯದ ಕಬ್ಜ ಸಿನಿಮಾ Most Anticipated Indian Movie ಎಂದು IMDb ಹೇಳಿದೆ. ಈ ಮೂಲಕ ಕಬ್ಜ ಚಿತ್ರದ ಕ್ರೇಜ್ ಹೇಗಿದೆ ಅನ್ನುವುದನ್ನ IMDb ಹೇಳಿದೆ.

ಕಬ್ಜ ಸಿನಿಮಾ ಕನ್ನಡದ ಹೊಸ ಭರವಸೆ ಸಿನಿಮಾನೇ ಆಗಿದೆ. ಈ ಮೂಲಕ ಕಾಂತಾರ ಬಳಿಕ ಕಬ್ಜ ಸಿನಿಮಾ ಕೂಡ ಹೊಸ ಅಲೆ ಎಬ್ಬಿಸೋ ನಿರೀಕ್ಷೆಯನ್ನು ಹುಟ್ಟುಹಾಕಿದೆ.

ಕಬ್ಜ ಸಿನಿಮಾ ಎಲ್ಲ ಭಾಷೆಯಲ್ಲೂ ರಿಲೀಸ್ ಆಗುತ್ತಿದೆ. ಬಾಲಿವುಡ್‌ ಸೇರಿದಂತೆ ಎಲ್ಲ ಭಾಷೆಯಲ್ಲೂ ಈ ಚಿತ್ರ ತಂಡಕ್ಕೆ ಒಳ್ಳೆ ವೆಲ್‌ಕಮ್‌ ಸಿಕ್ಕಿದೆ. ಅಷ್ಟೇ ನಿರೀಕ್ಷೆಯನ್ನೂ ಎಲ್ಲೆಡೆ ಈ ಚಿತ್ರ ಮೂಡಿಸಿದೆ ಅಂತಲೇ ಹೇಳಬಹುದು.

ರಿಯಲ್ ಸ್ಟಾರ್ ಉಪೇಂದ್ರ ಮತ್ತು ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್, ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಅಭಿನಯದ ಈ ಚಿತ್ರ ಇದೇ ಮಾರ್ಚ್-17 ರಂದು ರಿಲೀಸ್ ಆಗುತ್ತದೆ.