Malaika Arora: 12 ವರ್ಷ ಚಿಕ್ಕವನ ಮೇಲೆ ಲವ್! ಏಜ್​ಗ್ಯಾಪ್ ಬಗ್ಗೆ ಕೊನೆಗೂ ಮಾತಾಡಿದ್ರು ಮಲೈಕಾ

ಬಾಲಿವುಡ್ ನಟಿ, ಫಿಟ್ನೆಸ್ ಬ್ಯೂಟಿ, ಮಾಡೆಲ್ ಮಲೈಕಾ ಅರೋರಾ ಅವರು ಇತ್ತೀಚೆಗೆ ತಮ್ಮ ರಿಲೇಷನ್​ಶಿಪ್ ಬಗ್ಗೆ ಮಾತನಾಡಿದ್ದಾರೆ. ಅರ್ಜುನ್ ಕಪೂರ್ ಅವರನ್ನು ಡೇಟ್ ಮಾಡುತ್ತಿರುವ ಮಲೈಕಾ ಅರೋರಾ ತಮ್ಮ ಸಂಬಂಧದ ಬಗ್ಗೆ ಮಾತನಾಡಿದ್ದಾರೆ.

ಬಾಲಿವುಡ್​ನ ಈ ಕ್ಯೂಟ್ ಜೋಡಿ ತಮ್ಮ ನಡುವಿನ ವಯಸ್ಸಿನ ಅಂತರದಿಂದ ಹಲವಾರು ಬಾರಿ ಟ್ರೋಲ್ ಆಗಿದ್ದಾರೆ. ಹಲವು ವರ್ಷಗಳಿಂದ ಡೇಟ್ ಮಾಡುತ್ತಿರುವ ಈ ಜೋಡಿಯ ಮದುವೆಯ ಬಗ್ಗೆ ಭಾರೀ ಕುತೂಹಲವಿದೆ. ಆದರೆ ಈ ಬಗ್ಗೆ ಇನ್ನೂ ಯಾವುದೇ ಅಪ್ಡೇಟ್ ಸಿಕ್ಕಿಲ್ಲ.

12 ವರ್ಷ ಚಿಕ್ಕ ಯುವಕನನ್ನು ಡೇಟ್ ಮಾಡುತ್ತಿರುವ ವಿಚಾರವಾಗಿ ಮಲೈಕಾ ಅವರನ್ನು ಬಹಳಷ್ಟು ಜನರು ಟೀಕಿಸಿದ್ದಾರೆ. ಇದೀಗ ನಟಿ ತಮ್ಮ ರಿಲೇಷನ್​ಶಿಪ್ ಬಗ್ಗೆ ಮುಕ್ತವಾಗಿ ಮಾತನಾಡಿದ್ದಾರೆ. ಅವರೇನು ಹೇಳಿದ್ರು?

ಬ್ರೈಡ್ಸ್ ಟುಡೆ ಜೊತೆ ಮಾತನಾಡಿದ ಮಲೈಕಾ ಅರೋರಾ ಈ ಬಗ್ಗೆ ಮಾತನಾಡಿದ್ದಾರೆ. ಅವನು ನನ್ನವನು. ನಾನು ಟ್ರೂ ಲವ್ ಕಂಡುಕೊಳ್ಳಲು ನಿಜಕ್ಕೂ ಅದೃಷ್ಟಂತೆ. ನನಗೆ ಲೈಫ್​ನಲ್ಲಿ ಮದುವೆ ಬಗ್ಗೆ ತಪ್ಪು ದೃಷ್ಟಿಕೋನವಿತ್ತು. ಆದರೆ ನಾನವನನ್ನು ಭೇಟಿಯಾದಾಗ ಅವನೊಂದಿಗೆ ಕನೆಕ್ಟ್ ಆದೆ, ಬೇಗ ಪ್ರೀತಿಯಲ್ಲಿ ಬಿದ್ದೆ ಎಂದಿದ್ದಾರೆ.

ಪ್ರೀತಿ ಎಂದರೇನು ಎಂದು ನನಗೆ ಗೊತ್ತು. ಒಬ್ಬರನ್ನು ತುಂಬಾ ಪರಿಶುದ್ಧವಾಗಿ ಪ್ರೀತಿಸುವುದು ತುಂಬಾ ಸುಂದರವಾದ ಭಾವನೆ ಎಂದು ನಟಿ ರಿವೀಲ್ ಮಾಡಿದ್ದಾರೆ. ಈ ಸಂದರ್ಭ 49 ವರ್ಷದ ಮಲೈಕಾ ಅವರಲ್ಲಿ ಅರ್ಜುನ್ ಕಪೂರ್​​ನಲ್ಲಿ ನೀವಿಷ್ಟಪಡುವ ಗುಣ ಯಾವುದು ಎಂದು ಕೇಳಲಾಗಿದೆ.

ನನಗನಿಸಿದಂತೆ ಅರ್ಜುನ್ ಕಪೂರ್ ಅವನ ವಯಸ್ಸಿಗೆ ಹೆಚ್ಚೇ ಬುದ್ದಿವಂತ. ತುಂಬಾ ಆಳವಾದ ಹಾಗೆಯೇ ಶಕ್ತಿಯುತ ಮನಸ್ಥಿತಿ ಉಳ್ಳವನು. ತುಂಬಾ ಫ್ರೀಯಾಗಿದ್ದು ಹೆಚ್ಚು ಕಾಳಜಿ ತೋರಿಸುತ್ತಾನೆ ಎಂದಿದ್ದಾರೆ.

ಹೀಗೆ ಹಲವಾರು ಗುಣಗಳು ನನಗೆ ಇಷ್ಟ. ಆದರೆ ಅರ್ಜುನ್​ನಲ್ಲಿ ನಾನು ಈ ಗುಣಗಳನ್ನು ತುಂಬಾ ಮೆಚ್ಚುತ್ತೇನೆ ಎಂದಿದ್ದಾರೆ ನಟಿ. ಈ ಸಂದರ್ಭ ಮಲೈಕಾ ಅವರಲ್ಲಿ ಅವರಿಬ್ಬರ ನಡುವಿನ ವಯಸ್ಸಿನ ಅಂತರದ ಬಗ್ಗೆಯೂ ಕೇಳಲಾಗಿದೆ.

ನಮ್ಮ ಜಗತ್ತು ಟ್ಯಾಗ್​ಗಳ ಬಗ್ಗೆ ತುಂಬಾ ಅಟ್ಯಾಚ್ಡ್ ಆಗಿದೆ. ಹೌದು, ನಮ್ಮಲ್ಲಿ ವಯಸ್ಸಿನ ಅಂತರ ಇದೆ. ಆದರೆ ಅದು ಯಾವತ್ತೂ ನಮ್ಮ ಮಧ್ಯೆ ಒಂದು ದೊಡ್ಡ ವಿಷಯವಾಗಿಲ್ಲ ಎಂದಿದ್ದಾರೆ ಮಲೈಕಾ.

ಮಲೈಕಾ ಅವರು ಇದಕ್ಕೂ ಮುನ್ನ ನಿರ್ಮಾಪಕ ಅರ್ಬಾಜ್ ಖಾನ್ ಅವರನ್ನು ಮದುವೆಯಾಗಿದ್ದರು. 18 ವರ್ಷಗಳ ವೈವಾಹಿಕ ಜೀವನದ ನಂತರ ಈ ಜೋಡಿ 2017ರಲ್ಲಿ ಬೇರ್ಪಟ್ಟರು. ನಂತರ ಮಲೈಕಾ ಅರ್ಜುನ್ ಜೊತೆ ಡೇಟಿಂಗ್ ಮಾಡುತ್ತಿದ್ದಾರೆ ಎನ್ನುವ ಸುದ್ದಿ ಹರಿದಾಡಿತು. 2019ರಲ್ಲಿ ಇವರ ರಿಲೇಷನ್​ಶಿಪ್ ಪಕ್ಕಾ ಆಯಿತು.