Oscars 2023: ಬೇಬಿ ಬಂಪ್​ನೊಂದಿಗೆ ಕಾಣಿಸಿಕೊಂಡ ಉಪಾಸನಾ; ಪತ್ನಿಗೆ 6 ತಿಂಗಳು ಎಂದ್ರು ರಾಮ್ ಚರಣ್

ಆಸ್ಕರ್ ನೈಟ್​​ನಲ್ಲಿ ಎಸ್ಎಸ್ ರಾಜಮೌಳಿ ಅವರ RRR ಸಿನಿಮಾ ತಂಡ ಎಲ್ಲರ ಆರ್ಕಷಣೆಯಾಗಿತ್ತು. ಸಿನಿಮಾದ 'ನಾಟು ನಾಟು' ಹಾಡು ಅತ್ಯುತ್ತಮ ಒರಿಜಿನಲ್ ಸಾಂಗ್ ವಿಭಾಗದಲ್ಲಿ ಪ್ರಶಸ್ತಿಯನ್ನು ಗೆದ್ದಿದೆ. ಈ ಪ್ರಶಸ್ತಿ ಕಾರ್ಯಕ್ರಮದಲ್ಲಿ ರಾಜಮೌಳಿ ಕೂಡ ಕುಟುಂಗ ಸಮೇತ ಭಾಗವಹಿಸಿದ್ರು. ಈ ವೇಳೆ ನಟ ರಾಮ್ ಚರಣ್ ತಮ್ಮ ಗರ್ಭಿಣಿ ಪತ್ನಿ ಉಪಾಸನಾ ಕಾಮಿನೇನಿ ಅವರೊಂದಿಗೆ ಆಗಮಿಸಿದ್ದರು.

ರಾಮ್ ಚರಣ್ ಪತ್ನಿ ಉಪಾಸನಾ ಅವರೊಂದಿಗೆ ರಾಜಮೌಳಿ ತಮ್ಮ ಪತ್ನಿಯೊಂದಿಗೆ ಆಗಮಿಸಿದ್ದರು. ಈ ಕಾರ್ಯಕ್ರಮದ ರೆಡ್ ಕಾರ್ಪೆಟ್ ಮೇಲೆ ರಾಮ್ ಅವರ ಪತ್ನಿ ತಮ್ಮ ಬೇಬಿ ಬಂಪ್ ಜೊತೆಗೆ ಕಾಣಿಸಿಕೊಂಡರು. ಈ ವೇಳೆ ಉಪಾಸನಾ ಫೋಟೋಗಳನ್ನು ಇನ್ಸ್ಟಾಗ್ರಾಮ್​ನಲ್ಲಿ ಹಂಚಿಕೊಂಡಿದ್ದಾರೆ.

95 ನೇ ಆಸ್ಕರ್ ಪ್ರಶಸ್ತಿ ಕಾರ್ಯಕ್ರಮ ಲಾಸ್ ಏಂಜಲೀಸ್ನಲ್ಲಿ ನಡೆಯಿತು. ಕಾರ್ಯಕ್ರಮದಲ್ಲಿ RRR ಸಿನಿಮಾ ತಂಡ ಜೊತೆಯಾಗಿ ಕಾಣಿಸಿಕೊಂಡಿದೆ. ಈ ವಿಶೇಷ ಸಂದರ್ಭದಲ್ಲಿ ಉಪಾಸನಾ ಅವರು ತಮ್ಮ 6 ತಿಂಗಳ ಬೇಬಿ ಬಂಪ್ ಜೊತೆ ಕಾಣಿಸಿಕೊಂಡಿದ್ದ ವಿಶೇಷವಾಗಿತ್ತು. ಈ ಸಂದರ್ಭದಲ್ಲಿ, ರಾಮ್ ಚರಣ್ ಮತ್ತು ಉಪಾಸನಾ ಮಾಧ್ಯಮಗಳೊಂದಿಗೆ ಮಾತಾಡಿದ್ದು, ನಟ ರಾಮ್ ಚರಣ್ ಮಗುವಿನ ಬಗ್ಗೆ ಕೂಡ ಪ್ರಸ್ತಾಪಿಸಿದ್ದಾರೆ.

ರಾಮ್ ಚರಣ್ ಮತ್ತು ಉಪಾಸನಾ ಮಾತಾಡಿದ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಇದೇ ವೇಳೆ ಮಾತಾಡಿದ ಉಪಾಸನಾ, ನಾನು ನಿಜಕ್ಕೂ ಆಸ್ಕರ್ ಪ್ರಶಸ್ತಿ ಕಾರ್ಯಕ್ರಮಕ್ಕೆ ಬಂದಿದ್ದೇನಾ ಇದೂ ನಿಜನಾ ಎಂದು ನನಗೆ ಆಶ್ಚರ್ಯವಾಗ್ತಿದೆ ಎಂದಿದ್ದಾರೆ. ರಾಮ್ ಅವರನ್ನು ಬೆಂಬಲಿಸಲು ನಾನು ಇಲ್ಲಿಗೆ ಬಂದಿದ್ದೇನೆ. ಇಡೀ RRR ತಂಡಕ್ಕೆ ಅಭಿನಂದನೆ ತಿಳಿಸಿದ್ದಾರೆ.

ಇದೇ ವೇಳೆ ನಟ ರಾಮ್ ಚರಣ್ ಅವರು ಪತ್ನಿ ಉಪಾಸನಾ ಈ 6 ತಿಂಗಳ ಗರ್ಭಿಣಿ ಎಂದು ಹೇಳಿದ್ದಾರೆ. ಈ ಮಗು ನಮ್ಮೆಲ್ಲರಿಗೂ ಸಾಕಷ್ಟು ಪ್ರೀತಿಯನ್ನು ಹೊತ್ತು ತರುತ್ತಿದೆ ಎಂದಿದ್ದಾರೆ. ಉಪಾಸನಾ ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ರೆಡ್ ಕಾರ್ಪೆಟ್ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಇದರಲ್ಲಿ ಅವರು ವೈಟ್ ಕಲರ್ ಸೀರೆಯಲ್ಲಿ ತುಂಬಾ ಮುದ್ದಾಗಿ ಕಾಣುತ್ತಿದ್ದಾರೆ.

ಉಪಾಸನಾ ಜೊತೆ ರಾಮ್ ಚರಣ್ ಕಾರ್ಯಕ್ರಮಕ್ಕೆ ಬ್ಲ್ಯಾಕ್ ಸೂಟ್ ಧರಿಸಿ ಆಗಮಿಸಿದ್ರು. ಸೂಟ್​ನಲ್ಲಿ ನಟ ಸಖತ್ ಆಗಿಯೇ ಕಾಣ್ತಿದ್ರು. ಉಪಾಸನಾ ಮುಖದಲ್ಲಿ ಗರ್ಭಿಣಿ ಕಳೆ ಬಂದಿದೆ ಎಂದು ಅಭಿಮಾನಿಗಳು ಕಮೆಂಟ್ ಮಾಡ್ತಿದ್ದಾರೆ.

ರಾಮ್ ಚರಣ್, ಉಪಾಸನಾ ಸಹ ಎಸ್ಎಸ್ ರಾಜಮೌಳಿ ಮತ್ತು ಅವರ ಪತ್ನಿಯೊಂದಿಗೆ ಫೋಟೋಗೆ ಪೋಸ್ ನೀಡಿದ್ದಾರೆ. ರಾಜಮೌಳಿ ಮತ್ತು ಅವರ ಪತ್ನಿ ಕೂಡ ದೇಸಿ ಶೈಲಿಯಲ್ಲಿ ಕಾಣಿಸಿಕೊಂಡರು. ಫೋಟೋಗಳು- ಉಪಾಸನಾ ಕೊನಿಡೆಲಾ ಇನ್ಸ್ಟಾಗ್ರಾಮ್)