Oscars 2023: ನಾಟು ನಾಟು ಹಾಡಿಗೆ ಆಸ್ಕರ್ ಪಡೆದ RRR ಸಿನಿಮಾ-ಈ ಹಿಂದೆ ಪ್ರಶಸ್ತಿ ಪಡೆದ ಭಾರತೀಯರು ಯಾರ್ಯಾರು?

ಭಾರತೀಯರಿಗೆ ಆಸ್ಕರ್ ಯಾವಾಗಲೂ ಒಂದು ಮಾಯಾಮೃಗವೇ ಸರಿ. ಇದನ್ನ ಪಡೆಯೋ ನಿಟ್ಟಿನಲ್ಲಿ ಬಾಲಿವುಡ್‌ನ ಎಲ್ಲ ದಿಗ್ಗಜರು ಪ್ರಯತ್ನಿಯಿಸಿದ್ದಾರೆ. ಆದರೆ ಅದು ಮೊದಲು ಒಲಿದದ್ದು ಮಾತ್ರ ಮಹಿಳಾ ಕಾಸ್ಟೂಮ್ ಡಿಸೈನರ್‌ ಭಾನು ಅಥಾಯ ಅವರಿಗೆ ಅನ್ನೋದು ವಿಶೇಷ. ರಿಚರ್ಡ್ ಅಟೆನ್ಬರೋ ನಿರ್ದೇಶನದ ಗಾಂಧಿ ಚಿತ್ರದ ಕಾಸ್ಟೂಮ್ ಡಿಸೈನ್‌ಗೆ ಆಸ್ಕರ್ ಬಂದಿತ್ತು. 1982 ರಲ್ಲಿ ಗಾಂಧಿ ಚಿತ್ರ ರಿಲೀಸ್ ಆಗಿತ್ತು.

ಭಾನು ಅಥಾಯ ಅವರಿಗೆ ಆಸ್ಕರ್ ಬಂದ್ಮೇಲೆ ಮತ್ತೆ ಭಾರತೀಯರಿಗೆ ಆಸ್ಕರ್ ಅಷ್ಟು ಬೇಗ ಏನೂ ಸಿಗಲಿಲ್ಲ. ಆದರೆ 1992 ರಲ್ಲಿ ಭಾರತೀಯ ಚಿತ್ರರಂಗದಲ್ಲಿ ಹೊಸ ರೀತಿಯ ಚಿತ್ರ ಕೊಟ್ಟ ಸತ್ಯಜೀತ್ ರೇ ಅವರಿಗೆ ಆಸ್ಕರ್ ಪ್ರಶಸ್ತಿ ಬಂತು. ಈ ಪ್ರಶಸ್ತಿಯನ್ನ ಇವರ ಜೀವಮಾನ ಸಾಧನೆಗೆ ಕೊಡಲಾಗಿತ್ತು.

ದಕ್ಷಿಣದ ಸಂಗೀತ ಮಾಂತ್ರಿಕ ಎ. ಆರ್. ರೆಹಮಾನ್ ಅವರು 2009 ಆಸ್ಕರ್ ಪ್ರಶಸ್ತಿ ಪಡೆದರು. ಡ್ಯಾನಿ ಬೋಯಲ್ ನಿರ್ದೇಶನದ ಸ್ಲಮ್ ಡಾಗ್ ಮಿಲಿಯನೇರ್ ಚಿತ್ರದ ಓರಿಜನಲ್ ಸ್ಕೋರ್ ವಿಭಾಗದಲ್ಲಿ ರೆಹಮಾನ್ ಪ್ರಶಸ್ತಿ ಪಡೆದರು.

ಸ್ಲಮ್ ಡಾಗ್ ಮಿಲಿಯನೇರ್ ಚಿತ್ರಕ್ಕೆ ಇನ್ನೂ ಎರಡು ವಿಭಾಗದಲ್ಲೂ ಆಸ್ಕರ್ ಪ್ರಶಸ್ತಿ ಬಂದಿದೆ. ಚಿತ್ರ ಸಾಹಿತಿ ಗುಲ್ಜಾರ್ ಮತ್ತು ರೆಹಮಾನ್ ಸೇರಿ ಅತ್ಯುತ್ತಮ ಹಾಡಿಗಾಗಿ ಆಸ್ಕರ್ ಪ್ರಶಸ್ತಿ ಬಂದಿದೆ.

ಸ್ಲಮ್ ಡಾಗ್ ಮಿಲಿಯೇನರ್ ಸಿನಿಮಾದಲ್ಲಿ ಅತ್ಯುತ್ತಮ ಸೌಂಡ್ ಮಿಕ್ಸಿಂಗ್ ವಿಭಾಗದಲ್ಲಿ ಕೂಡ ಪ್ರಶಸ್ತಿ ಬಂದಿದೆ. ಆ ಒಂದು ಆಸ್ಕರ್ ಪ್ರಶಸ್ತಿಗೆ ಕೇರಳದ ರಸೂಲ್ ಪೂಕಟ್ಟಿ ಅವರಿಗೆ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ.

ದಕ್ಷಿಣದ ಬಾಹುಬಲಿ ಡೈರೆಕ್ಟರ್ ಎಸ್. ಎಸ್. ರಾಜಮೌಳಿ ಅವರ ಟ್ರಿಪಲ್ ಆರ್ ಚಿತ್ರ ಈ ಸಲ ಆಸ್ಕರ್ ಅಂಗಳದಲ್ಲಿ ಇದೆ. ಎಂ. ಎಂ. ಕೀರವಾಣಿ ಸಂಗೀತ ನಾಟು ನಾಟು ಹಾಡು ಈಗಾಗಲೇ ಗೋಲ್ಡನ್ ಗ್ಲೋಬ್ ಪ್ರಶಸ್ತಿ ಪಡೆದುಕೊಂಡಿದೆ.

ಟ್ರಿಪಲ್ ಆರ್ ಚಿತ್ರದ ನಾಟು ನಾಟು ಹಾಡು ಕೂಡ ಆಸ್ಕರ್ ಪ್ರಶಸ್ತಿ ಪಡೆದಿದೆ. ಈ ಮೂಲಕ ದಕ್ಷಿಣದ ಸಿನಿಮಾ ಆಸ್ಕರ್ ಅಂಗಳದಲ್ಲಿ ಭಾರೀ ಸದ್ದು ಮಾಡಿದ್ದು, ದಕ್ಷಿಣ ಭಾರತೀಯರು ಹೆಮ್ಮೆ ಪಡುವಂತೆ ಮಾಡಿದೆ.