Udit Narayan Birthday: ಗಾಯಕ ಉದಿತ್ ನಾರಾಯಣ್‍ಗೆ ಹುಟ್ಟುಹಬ್ಬದ ಸಂಭ್ರಮ! ಇವರ 5 ಹಿಟ್ ಸಾಂಗ್​​ಗಳಿವು

ಭಾರತದ ಅತ್ಯಂತ ಪ್ರಸಿದ್ಧ ಗಾಯಕರಲ್ಲಿ ಒಬ್ಬರಾದ ಉದಿತ್ ನಾರಾಯಣ್ ಅವರು ಇಂದು ತಮ್ಮ 67 ನೇ ಹುಟ್ಟುಹಬ್ಬವನ್ನು ಆಚರಿಸಿಕೊಳ್ಳುತ್ತಿದ್ದಾರೆ.

ಉದಿತ್ ನಾರಾಯಣ್ ಅವರು ಹಲವಾರು ಹಿಂದಿ ಮತ್ತು ಅನೇಕ ಇತರ ಭಾಷೆಯ ಚಲನಚಿತ್ರಗಳಲ್ಲಿ ಹಾಡನ್ನು ಹೇಳಿದ್ದಾರೆ. ತಮ್ಮ ಸುಮಧುರವಾದ ಧ್ವನಿಯಿಂದ ಹೆಸರುವಾಸಿಯಾಗಿದ್ದಾರೆ.

ಮೂರು ರಾಷ್ಟ್ರೀಯ ಚಲನಚಿತ್ರ ಪ್ರಶಸ್ತಿಗಳು ಮತ್ತು ಐದು ಫಿಲ್ಮ್ ಫೇರ್ ಪ್ರಶಸ್ತಿಗಳನ್ನು ಪಡೆದಿದ್ದಾರೆ. ಮೂರು ದಶಕಗಳಿಗೂ ಹೆಚ್ಚು ಕಾಲ ತಮ್ಮ ಅಭಿಮಾನಿಗಳನ್ನು ರಂಜಿಸಿದ್ದಾರೆ.

'ರಬ್ಬ್ ಕರೇ ತುಜ್ಕೋ ಭೀ'- ಮುಜ್ಸೆ ಶಾದಿ ಕರೋಗಿ ಚಿತ್ರದ ರಬ್ಬ್ ಕರೇ ತುಜ್ಕೋ ಭೀ ಒಂದು ರೋಮ್ಯಾಂಟಿಕ್ ಸಾಂಗ್ ಆಗಿದ್ದು ಹೆಚ್ಚು ಹಿಟ್ ಪಡೆದಿತ್ತು. ಜಲೀಸ್ ಶೆರ್ವಾನಿ ಹಾಡಿನ ಸಾಹಿತ್ಯವನ್ನು ಬರೆದರೆ, ಸಂಗೀತ ನಿರ್ದೇಶಕ ಜೋಡಿ ಸಾಜಿದ್-ವಾಜಿದ್ ಸಂಗೀತ ಸಂಯೋಜಿಸಿದ್ದಾರೆ. ಸಲ್ಮಾನ್ ಖಾನ್, ಅಕ್ಷಯ್ ಕುಮಾರ್, ಮತ್ತು ಪ್ರಿಯಾಂಕಾ ಚೋಪ್ರಾ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ ಚಿತ್ರವು 2004 ರಲ್ಲಿ ಬಿಡುಗಡೆ ಆಗಿತ್ತು.

'ಆ ಗಯಾ ಆ ಗಯಾ'- 2002 ರ ಚಲನಚಿತ್ರ ಹಮ್ ತುಮ್ಹಾರೆ ಹೈ ಸನಮ್ ಹಲವಾರು ಹಿಟ್ ಹಾಡುಗಳನ್ನು ನೀಡಿತು ಮತ್ತು ಅವುಗಳಲ್ಲಿ ಒಂದು ನಾರಾಯಣ್ ಹಾಡಿರುವ ಡಿಸ್ಕೋ ನಂಬರ್ ಆ ಗಯಾ ಆ ಗಯಾ ಕೂಡ ಒಂದು. ಈ ಚಿತ್ರದ ಸಂಗೀತವನ್ನು ಸಾಜಿದ್-ವಾಜಿದ್ ಜೋಡಿಯು ಸಂಯೋಜಿಸಿದ್ದಾರೆ. ಸಮೀರ್ ಅದರ ಸಾಹಿತ್ಯವನ್ನು ಬರೆದಿದ್ದಾರೆ.

'ಶಾಮ್ ಭಿ ಖೂಬ್ ಹೈ'- ಯಾಗ್ನಿಕ್, ಕುಮಾರ್ ಸಾನು ಮತ್ತು ನಾರಾಯಣ್ ಅವರು ಹಾಡಿರುವ ಶಾಮ್ ಭಿ ಖೂಬ್ ಹೈ ಹಿಂದಿ ಹಾಡು 2002 ರಲ್ಲಿ ಬಿಡುಗಡೆಯಾದ ಕರ್ಜ್ ದಿ ಬರ್ಡನ್ ಆಫ್ ಟ್ರುತ್ ಚಲನಚಿತ್ರದ್ದು. ಅಬ್ಬಾಸ್ ಕಟಕ್ ಮತ್ತು ಸಮೀರ್ ಹಾಡಿನ ಸಾಹಿತ್ಯವನ್ನು ಬರೆದಿದ್ದಾರೆ.

'ಓ ಮೆಹಂದಿ ರಂಗ್ ಲಾಯಿ'- ಚಲ್ ಮೇರೆ ಭಾಯ್ ಚಿತ್ರದ ಓ ಮೆಹಂದಿ ರಂಗ್ ಲಯೀ, ಸೋನು ನಿಗಮ್ ಮತ್ತು ಜಸ್ಪಿಂದರ್ ನರುಲಾ ಸೇರಿದಂತೆ ನಾರಾಯಣ್ ಮತ್ತು ಯಾಗ್ನಿಕ್ ಅವರು ಹಾಡಿದ್ದಾರೆ. ಸಮೀರ್ ಇದರ ಸಾಹಿತ್ಯವನ್ನು ಬರೆದರೆ, ಆನಂದ್-ಮಿಲಿಂದ್ ಸಂಗೀತ ಸಂಯೋಜಿಸಿದ್ದಾರೆ. ಧವನ್ ನಿರ್ದೇಶನದ 2000 ರ ಚಲನಚಿತ್ರದಲ್ಲಿ ಸಂಜಯ್ ದತ್, ಸಲ್ಮಾನ್ ಖಾನ್, ಕರಿಷ್ಮಾ ಕಪೂರ್, ಹಿಮಾನಿ ಶಿವಪುರಿ ಮತ್ತು ದಿಲೀಪ್ ತಾಹಿಲ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.

'ಗೋರ್ ಗೋರ್ ಮುಖದೆ ಪೆ'- 1994 ರಲ್ಲಿ ಬಿಡುಗಡೆಯಾದ ಹಿಂದಿ ಚಲನಚಿತ್ರ ಸುಹಾಗ್ ನಮಗೆ ಹಲವಾರು ಮೆಗಾಹಿಟ್ ಹಾಡುಗಳನ್ನು ನೀಡಿದೆ. ಅವುಗಳಲ್ಲಿ ಒಂದು ಗೋರ್ ಗೋರ್ ಮುಖ್ಡೆ ಪೆ ಕೂಡ ಒಂದು. ಇದನ್ನು ನಾರಾಯಣ್ ಮತ್ತು ಯಾಗ್ನಿಕ್ ಅವರ ಹಾಡಿದ್ದಾರೆ.