ಮತ್ತೊಮ್ಮೆ‌ ಸಖತ್ ಹಾಟ್ ಲುಕ್​ನಲ್ಲಿ ಡಿಂಪಲ್ ಕ್ವೀನ್ Rachita Ram

ರಚಿತಾ ರಾಮ್​ ಅವರು ಸದ್ಯ ತಮ್ಮ ಬಹುನಿರೀಕ್ಷಿತ ಸಿನಿಮಾ ಲವ್​ ಯೂ ರಚ್ಚು ಚಿತ್ರದ ಹಾಡಿನಿಂದಾಗಿ ಸಖತ್ ಸದ್ದು ಮಾಡುತ್ತಿದ್ದಾರೆ. ಈ ಸಿನಿಮಾದಲ್ಲಿ ರಚಿತಾ ತಾಮ್​ ಅವರು ಸಖತ್​ ಹಾಟ್​ ಲುಕ್​ನಲ್ಲಿ ಕಾಣಿಸಿಕೊಂಡಿದ್ದಾರೆ.

ಲವ್​ ಯೂ ರಚ್ಚು ಸಿನಿಮಾದ ಮುದ್ದು ನೀನು ಹಾಡಿನಲ್ಲಿ ರಚಿತಾ ರಾಮ್​ ಕೃಷ್ಣ ಅಜಯ್ ರಾವ್ ಜೊತೆ ರೊಮ್ಯಾಂಟಿಕ್ ಆಗಿ ಕಾಣಿಸಿಕೊಂಡಿದ್ದಾರೆ. ಈ ಹಾಡಿನ ಪ್ರಮೋಷನ್​ಗಾಗಿ ಮಾಡಿಸಿರುವ ಕೆಲವು ಚಿತ್ರಗಳು ಸದ್ಯ ವೈರಲ್​ ಆಗಿವೆ.

ಲವ್ ಯೂ ರಚ್ಚು‌ ಚಿತ್ರದಲ್ಲಿ ರಚಿತಾರ ಬೋಲ್ಡ್ ಅವತಾರಕ್ಕೆ ಅಭಿಮಾನಿಗಳು ಕ್ಲೀನ್​ ಬೋಲ್ಡ್​ ಆಗಿದ್ದಾರೆ. ಐ ಲವ್ ಯೂ ಚಿತ್ರದ‌ ನಂತರ ಮತ್ತೊಮ್ಮೆ ಸಿಕ್ಕಾಪಟ್ಟೆ ಹಾಟ್ ಲುಕ್​ನಲ್ಲಿ ಕಾಣಿಸಿಕೊಂಡಿರುವುದು ಎಲ್ಲರ ಹುಬ್ಬೇರಿಸುವಂತೆ ಮಾಡಿದೆ.

ಗುರುದೇಶಪಾಂಡೆ‌ ನಿರ್ಮಾಣದ ಸಿನಿಮಾ ಇದಾಗಿದ್ದು, ಲವ್ ಯೂ ರಚ್ಚು ಚಿತ್ರದ ಮುದ್ದು ನೀನೆ‌ ಹಾಡಿನಲ್ಲಿ ರಚ್ಚು ಗ್ಲಾಮ್ ಅವತಾರಕ್ಕೆ ಸಿನಿಪ್ರಿಯರಿಂದ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ. ಖ್ಯಾತ ಗಾಯಕ ಸಿಡ್ ಶ್ರೀರಾಮ್ ಈ ಹಾಡನ್ನು ಹಾಡಿದ್ದಾರೆ.

ಐ ಲವ್​ ಯೂ ಸಿನಿಮಾದಲ್ಲಿ ಉಪೇಂದ್ರ ಅವರ ಜೊತೆ ಸಖತ್​ ಬೋಲ್ಡ್​ ಸೀನ್​ಗಳಲ್ಲಿ ಕಾಣಿಸಿಕೊಂಡಿದ್ದ ರಚಿತಾ ರಾಮ್​ ಈ ಹಿಂದೆ ತಪ್ಪು ಮಾಡಿಬಿಟ್ಟೆ ಎಂದು ಕಣ್ಣೀರಿಟ್ಟಿದ್ದರು. ತಮ್ಮ ತಂದೆ-ತಾಯಿ ತೆರೆ ಮೇಲೆ ತನ್ನನ್ನು ಈ ರೀತಿ ನೋಡಲು ಬಯಸುವುದಿಲ್ಲ. ಇನ್ನು ಮುಂದೆ ಇಂತಹ ದೃಶ್ಯಗಳಲ್ಲಿ ನಟಿಸೋದಿಲ್ಲ ಎಂದು ಸಂದರ್ಶನ ಒಂದರಲ್ಲಿ ಕಣ್ಣೀರಿಟ್ಟಿದ್ದರು.