ಹುಟ್ಟು ಹಬ್ಬದ ಸಂಭ್ರಮದಲ್ಲಿದ್ದ ‘ಮರಿ ಟೈಗರ್‘​​ಗೆ ಡಿಬಾಸ್ ಕೊಟ್ಟರು ಭರ್ಜರಿ ಗಿಫ್ಟ್​!

ನಟ ವಿನೋದ್ ಪ್ರಭಾಕರ್ ಅವರಿಗೆ ಇಂದು ಹುಟ್ಟು ಹಬ್ಬದ ಸಂಭ್ರಮ. ಮರಿ ಟೈಗರ್ ವಿನೋದ್ ಪ್ರಭಾಕರ್ ಬರ್ತ್​ಡೇ ದಿನ ಅಭಿಮಾನಿಗಳು ಕೇಕ್ ಕತ್ತರಿಸಿ ಸಂಭ್ರಮಿಸಿದ್ದಾರೆ. ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಕೂಡ ಸ್ನೇಹಿತ ವಿನೋದ್ ಪ್ರಭಾಕರ್ ಅವರನ್ನು ಮನೆಗೆ ಕರೆಸಿಕೊಂಡು ಕೇಕ್ ಕತ್ತರಿಸಿ ಭರ್ಜರಿ ಗಿಫ್ಟ್ ನೀಡಿದ್ದಾರೆ.

ಹುಟ್ಟು ಹಬ್ಬದ ಸಂಭ್ರಮದಲ್ಲಿದ್ದ ದರ್ಶನ್ ಅವರನ್ನು ಭೇಟಿ ಮಾಡಿದ ವಿನೋದ್ ಪ್ರಭಾಕರ್ ಅವರಿಗೆ, ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಭರ್ಜರಿ ಗಿಫ್ಟ್ ನೀಡಿದ್ದಾರೆ. ಆ ಗಿಫ್ಟ್ ಏನು ಗೊತ್ತಾ?.

‘ಹ್ಯಾಪಿ ಬರ್ತ್​ಡೇ ಟೈಗರ್‘ ಅಂತಾ ಬರೆಸಿರುವ ಕೇಕ್ ತರಿಸಿದ ದರ್ಶನ್, ಕೇಕ್ ಕಟ್ ಮಾಡಿಸಿ ಸ್ನೇಹಿತನಿಗೆ ತಿನ್ನಿಸಿ ಗಿಫ್ಟ್​ ವೊಂದನ್ನು ನೀಡಿದ್ದಾರೆ.

ಆದರೆ ದರ್ಶನ್ ಅವರು ನೀಡಿರುವ ಗಿಫ್ಟ್ ಏನು ಅನ್ನೋ ಸೀಕ್ರೆಟ್  ಬಗ್ಗೆ ನಟ ವಿನೋದ್​ ಪ್ರಭಾಕರ್​ ಬಿಟ್ಟುಕೊಟ್ಟಿಲ್ಲ.

ನಟ ವಿನೋದ್ ಪ್ರಭಾಕರ್ ಸಿನಿಮಾಗೆ  ಕಮ್​ಬ್ಯಾಕ್ ಮಾಡಲು ದರ್ಶನ್ ಅವರೇ ಸ್ಫೂರ್ತಿ. ಈ ಮಾತನ್ನು ವಿನೋದ್ ಹಲವಾರು ಭಾರೀ ಹೇಳಿಕೊಂಡಿದ್ದಾರೆ.

ವಿನೋದ್ ಪ್ರಭಾಕರ್ ನಟನೆಯ ಪ್ರತಿ ಚಿತ್ರಗಳಿಗೂ ನಟ ದರ್ಶನ್ ಸಾಥ್ ನೀಡುತ್ತಾ ಬಂದಿದ್ದಾರೆ.

ದರ್ಶನ್ ನಟನೆಯ ‘ರಾಬರ್ಟ್‘ ಸಿನಿಮಾದಲ್ಲೂ ವಿನೋದ್ ಪ್ರಭಾಕರ್ ಅಭಿನಯಿಸುತ್ತಿದ್ದಾರೆ.

ಸದ್ಯ ವಿನೋದ್ ಪ್ರಭಾಕರ್ ನಟನೆಯ ‘ಫೈಟರ್‘, ‘ಶ್ಯಾಡೋ‘ ಸಿನಿಮಾಗಳು ಬಿಡುಗಡೆಗೆ ಸಿದ್ಧವಾಗಿದೆ.