Nusrat Jahan: ನುಸ್ರತ್ ಜಹಾನ್​​ರಂತೆ ವಿದೇಶಕ್ಕೆ ಹೋಗಿ ವಿವಾಹವಾದ ಬಾಲಿವುಡ್​ ಸೆಲೆಬ್ರಿಟಿಗಳು ಇವರೇ..!

ನಟಿ ಹಾಗೂ ಟಿಎಂಸಿ ಸಂಸದೆ  ನುಸ್ರತ್​ ಜಹಾನ್​  (Nusrat Jahan)  ಹಾಗೂ ಉದ್ಯಮಿ ನಿಖಿಲ್​ ಜೈನ್​ಅವರು ಟರ್ಕಿಯಲ್ಲಿ ವಿವಾಹವಾಗಿದ್ದರು. ಈಗ ಇವರ ದಾಂಪತ್ಯದಲ್ಲಿ ಅಪಸ್ವರವೆದ್ದಿದ್ದು, ನುಸ್ರತ್​ ತಮ್ಮ ಮದುವೆ ಕುರಿತಾಗಿ ಕೊಟ್ಟಿರುವ ಹೇಳಿಕೆ ಎಲ್ಲರ ಹುಬ್ಬೇರುವಂತೆ ಮಾಡಿದೆ. ಟರ್ಕಿಯಲ್ಲಿ ಆದ ವಿವಾಹ ನಮ್ಮ ದೇಶದಲ್ಲಿ ಮಾನ್ಯವಲ್ಲ ಎಂದಿದ್ದಾರೆ ನುಸ್ರತ್​. ಸಾಮಾನ್ಯವಾಗಿ ಸೆಲೆಬ್ರಿಟಿಗಳು ಲೈಮ್​ ಲೈಟ್​ನಿಂದ ದೂರವಾಗಿ ಹೋಗಿ ವಿದೇಶಗಳಲ್ಲಿ ವಿವಾಹವಾಗುತ್ತಾರೆ. ಬಾಲಿವುಡ್​ನಲ್ಲೂ ಸಾಕಷ್ಟು ಮಂದಿ ದೂರದ ದೇಶಗಳಿಗೆ ಹೋಗಿ ಮದುವೆಯಾಗಿದ್ದಾರೆ.  (ಚಿತ್ರ ಕೃಪೆ: network 18)

ಬಾಲಿವುಡ್​ನ ಮೋಸ್ಟ್​ ಹ್ಯಾಪನಿಂಗ್​ ಕಪಲ್​ ದೀಪಿಕಾ ಪಡುಕೋಣೆ ಹಾಗೂ ರಣವೀರ್​ ಸಿಂಗ್​ ಅವರು ಇಟಲಿಯ ಲೇಕ್​ ಕೋಮೊದಲ್ಲಿ ಡೆಸ್ಟಿನೇಷನ್ ವೆಡ್ಡಿಂಗ್​ ಮಾಡಿಕೊಂಡಿದ್ದರು. ನಂತರ ಮುಂಬೈ ಹಾಗೂ ಬೆಂಗಳೂರಿನಲ್ಲಿ ಅದ್ಧೂರಿ ಆರತಕ್ಷತೆ ಮಾಡಿಕೊಂಡಿದ್ದರು. (ಚಿತ್ರ ಕೃಪೆ: Instagram/deepikapadukone)

ಬಾಲಿ ವುಡ್​ ನಟಿ ಅನುಷ್ಕಾ ಶರ್ಮಾ ಹಾಗೂ ಕ್ರಿಕೆಟರ್​ ವಿರಾಟ್​ ಕೊಹ್ಲಿ ಸಹ ಇಟಲಿಯಲ್ಲಿ ತಮ್ಮ ಕುಟುಂಬಗಳ ಸಮ್ಮುಖದಲ್ಲಿ ನಡೆದಿತ್ತು.  (ಚಿತ್ರ ಕೃಪೆ: anushkasharma/Instagram)

ನಟಿ ಪ್ರೀತಿ ಜಿಂಟಾ  ಅವರ ಮದುವೆಯೂ ಸಹ ಅಮೆರಿಕಾದಲ್ಲಿ ನಡೆದಿದ್ದು, ನಟಿಯ ಪತಿ ಅಮೆರಿಕಾದವರೇ ಆಗಿದ್ದಾರೆ.  (ಚಿತ್ರ ಕೃಪೆ: realpz/Instagram)

ರಾಣಿ ಮುಖರ್ಜಿ ಹಾಗೂ ನಿರ್ಮಾಪಕ ಮತ್ತು ನಿರ್ದೇಶಕ ಆದಿತ್ಯ ಚೋಪ್ರಾ ಅವರ ಮದುವೆಯೂ ನಡೆದಿದ್ದು ಇಟಲಿಯಲ್ಲೇ. (ಚಿತ್ರ ಕೃಪೆ: adityachopra/Instagram)

ನಟಿ ಸರ್ವೀನ್​ ಚಾವ್ಲಾ ಹಾಗೂ ಅಕ್ಷಯ್​ ಠಕ್ಕರ್​ ಅವರ ಮದುವೆಯೂ ಖಾಸಗಿ ಸಮಾರಂಭದಲ್ಲಿ ಇಟಲಿಯಲ್ಲಿ ಆಗಿತ್ತು.  (ಚಿತ್ರ ಕೃಪೆ: surveenchawla/Instagram)

ನಟ ಆಫ್ತಾಭ್ ಶಿವದಾಸಾನಿ ಹಾಗೂ ನೀನಾ ದೋಸಾಂಜ್​ ಅವರು ಶ್ರೀಲಂಕಾದಲ್ಲಿ ಮದುವೆಯಾಗಿದ್ದರು. ನಂತರ ಭಾರತದಲ್ಲಿ ತಮ್ಮ ಮದುವೆಯನ್ನು ನೋಂದಣಿ ಮಾಡಿಸಿದರು. (ಚಿತ್ರ ಕೃಪೆ:  aftabshivdasani/Instagram)

ಬೋನಿ ಕಪೂರ್​ ಅವರ ಸಂಬಂಧಿ ಹಾಗೂ ನಟ ಮೋಹಿತ್ ಮಾರ್ವಾಹ್​ ಅವರು  ಅಂತರಾ ಜತೆ  ದುಬೈನಲ್ಲಿ ಮದುವೆಯಾಗಿತ್ತು. ಈ ಮದುವೆಯಲ್ಲಿ ಶ್ರೀದೇವಿ ಅವರೂ ಭಾಗಿಯಾಗಿದ್ದರು. (ಚಿತ್ರ ಕೃಪೆ: sridevi.kapoor/Instagram)