Dulquer Salmaan: ನನ್ನಲ್ಲಿ ಎಷ್ಟು ಕಾರಿದೆ ಅಂತ ಹೇಳಿದ್ರೆ ನಂಗೇ ಪ್ರಾಬ್ಲೆಂ! ಹೀಗಂದಿದ್ಯಾಕೆ ನಟ ದುಲ್ಕರ್?

ಸಿನಿಮಾ ನಟ-ನಟಿಯರು (Film Actors) ಮತ್ತು ಕ್ರಿಕೆಟ್ ಆಟಗಾರರಿಗೆ (Cricket Players) ಈ ಸ್ಟೈಲಿಶ್ ಕಾರುಗಳು ಮತ್ತು ಬೈಕ್ ಗಳು ಅಂದ್ರೆ ತುಂಬಾನೇ ಇಷ್ಟ. ಅದಕ್ಕೆ ಅನ್ಸುತ್ತೆ ಸಿನೆಮಾ ನಟರು ಮತ್ತು ಕ್ರಿಕೆಟ್ ಆಟಗಾರರು ತಮ್ಮ ಮನೆಯಲ್ಲಿ ಅನೇಕ ರೀತಿಯ ಬೈಕ್ ಮತ್ತು ಕಾರುಗಳನ್ನು (Bike And Cars) ಹೊಂದಿರುತ್ತಾರೆ.

ಹೌದು, ದುಲ್ಕರ್​ ಸಲ್ಮಾನ್​ ಬಳಿಯೂ ತುಂಬಾನೇ ಕಾರುಗಳಿವೆ. ಆದರೆ ಆ ಕಾರುಗಳ ಸಂಖ್ಯೆ ಹೇಳಲು ಈ ನಟ ಧೈರ್ಯನೇ ಮಾಡಲಿಲ್ಲ ನೋಡಿ. ಹಾಗಿದ್ರೆ ಇವರಲ್ಲಿರೋ ಕಾರುಗಳೆಷ್ಟು, ಯಾವೆಲ್ಲಾ ಕಾರುಗಳಿವೆ ಎಂದು ತಿಳಿಬೇಕಾದ್ರೆ ಈ ಲೇಖನವನ್ನು ಓದಿ.

ಕಾರು ಉತ್ಸಾಹಿಯಾಗಿರುವ ನಟ ದುಲ್ಕರ್ ಸಲ್ಮಾನ್ ಅವರು ಇತ್ತೀಚೆಗೆ ತಮ್ಮ ಹಲವಾರು ಕಾರುಗಳನ್ನು ಹೊಂದಿರುವ ಕಲೆಕ್ಷನ್ ಬಗ್ಗೆ ತೆರೆದಿಟ್ಟಿದ್ದಾರೆ. ಟಾಪ್ ಗೇರ್ ಇಂಡಿಯಾಗೆ ನೀಡಿದ ಒಂದು ಸಂದರ್ಶನದಲ್ಲಿ ದುಲ್ಕರ್ ಅವರು ತಮ್ಮ ಕಾರು ಸಂಗ್ರಹ ತುಂಬಾನೇ ಆಸಕ್ತಿದಾಯಕವಾಗಿದೆ ಅಂತ ಹೇಳಿದ್ದಾರೆ.

ಇನ್ನೂ ಅವರು ಹೊಂದಿರುವ ಕಾರುಗಳ ಸಂಖ್ಯೆಯ ಬಗ್ಗೆ ಕೇಳಿದಾಗ, ಅವರು ನಿಖರವಾದ ಸಂಖ್ಯೆಯನ್ನು ನೀಡಲು ನಿರಾಕರಿಸಿದರು ಮತ್ತು ಹೀಗೆ ನಿಖರವಾದ ಸಂಖ್ಯೆಯನ್ನು ನಾನು ನಿಮಗೆ ಹೇಳಿದರೆ, ನಾನು ತೊಂದರೆಗೆ ಸಿಲುಕಬಹುದು ಎಂದು ಸಹ ಆ ಸಂದರ್ಭದಲ್ಲಿ ಹೇಳಿದ್ದಾರೆ.

ಈ ಸಂದರ್ಶನದಲ್ಲಿ ದುಲ್ಕರ್ ಅವರು ಕಾರುಗಳ ಸಂಖ್ಯೆಯನ್ನು ಹೇಳಲು ನಿರಾಕರಿಸಿದರೂ, ಅವರಿಗೆ ಕಾರು ಓಡಿಸುವಾಗ ಯಾವ ರೀತಿಯ ಹಾಡುಗಳನ್ನು ಕೇಳಲು ಇಷ್ಟ ಮತ್ತು ಅವರ ಕಾರ್ ರೈಡಿಂಗ್​ಗೆ ಯಾವ ರಸ್ತೆ ಇಷ್ಟ ಅನ್ನೋದನ್ನು ಮನಬಿಚ್ಚಿ ಹೇಳಿಕೊಂಡಿದ್ದಾರೆ.

"ನನ್ನ ಬಳಿ ಇರುವುದು ಕೇವಲ ಹೊಸ ಕಾರುಗಳ ಸಂಗ್ರಹವಲ್ಲ, ನನ್ನ ಬಳಿ ಸಾಕಷ್ಟು ಬಳಸಿದ ಹಳೆಯ ಕಾರುಗಳು ಸಹ ಇವೆ. ನಾನು ಕೆಟ್ಟು ಹೋದ ಕಾರುಗಳನ್ನು ಮತ್ತೆ ರಿಪೇರಿ ಮಾಡಿಸಿಕೊಳ್ಳುತ್ತೇನೆ" ಎಂದು ದುಲ್ಕರ್ ಅವರು ಹೇಳಿದರು ಮತ್ತು ಅವರ ಸಂಗ್ರಹದಲ್ಲಿರುವ ಕಾರುಗಳ ನಿಖರವಾದ ಸಂಖ್ಯೆಯನ್ನು ಮಾತ್ರ ಅವರು ಬಹಿರಂಗಪಡಿಸಲು ಸಾಧ್ಯವಿಲ್ಲ ಎಂದು ಹೇಳಿದರು.

ದುಲ್ಕರ್​ ಡ್ರೈವಿಂಗ್ ಅನ್ನು ಆನಂದಿಸುವ ರಸ್ತೆಗಳ ಬಗ್ಗೆ ಮಾತನಾಡುತ್ತಾ "ಕ್ಯಾಲಿಫೋರ್ನಿಯಾದ ಮಾರ್ಗ 1 ನನಗೆ ತುಂಬಾನೇ ಇಷ್ಟವಾದ ರಸ್ತೆ. ನಾನು ಸ್ಯಾನ್ ಫ್ರಾನ್ಸಿಸ್ಕೋದಿಂದ ಲಾಸ್ ಏಂಜಲೀಸ್​​ವರೆಗೆ ಡ್ರೈವ್ ಮಾಡಿದ್ದೇನೆ. ನಾನು ಮಾಂಟೆರಿಯಿಂದ ಡ್ರೈವ್ ಮಾಡುತ್ತಾ ಹೋಗಿ ಅಲ್ಲಿರುವ ಎಲ್ಲಾ ಕಾರ್ ಕ್ಲಬ್ ಗಳನ್ನು ನೋಡಿದೆ. ಆ ರಸ್ತೆ ಮಾತ್ರ ತುಂಬಾನೇ ಸುಂದರವಾಗಿದೆ, ನಾನು ಆ ರಸ್ತೆಯನ್ನು ತುಂಬಾನೇ ಇಷ್ಟಪಡುತ್ತೇನೆ" ಎಂದು ಹೇಳಿದ್ದಾರೆ.

"ನಾನು ಕೇಳುವ ಸಂಗೀತ ನನ್ನ ಡ್ರೈವಿಂಗ್ ಮೇಲೆ ಪರಿಣಾಮ ಬೀರುತ್ತದೆ. ಹಾಡು ತುಂಬಾನೇ ವೇಗವಾಗಿದ್ದರೆ, ನಾನು ಕಾರನ್ನು ತುಂಬಾನೇ ವೇಗವಾಗಿ ಓಡಿಸುತ್ತೇನೆ. ವಾಸ್ತವವಾಗಿ, ನಾನು ಚೆನ್ನೈ ಮತ್ತು ದುಬೈನಲ್ಲಿ ಕೆಲಸಕ್ಕೆ ಪ್ರಯಾಣಿಸುತ್ತಿದ್ದಾಗ, ಅಲ್ಲಿನ ಜನರು ಚೆನ್ನಾಗಿ ಕಾರು ಓಡಿಸದೆ ಇದ್ದಾಗ, ನನಗೆ ಕೆಟ್ಟ ಕೋಪ ಬರುತ್ತಿತ್ತು. ಅದಕ್ಕಾಗಿಯೇ ನನ್ನನ್ನು ನಾನು ಶಾಂತಗೊಳಿಸಿಕೊಳ್ಳಲು ನಾನು ಫ್ರಾಂಕ್ ಸಿನಾಟ್ರಾ ಮತ್ತು ಡಿಮಾ ಅವರ ಹಾಡುಗಳನ್ನು ಕೇಳಲು ಪ್ರಾರಂಭಿಸಿದೆ" ಎಂದು ನಟ ದುಲ್ಕರ್ ಹೇಳಿದರು.

ಇನ್ನು ಆರ್ ಬಾಲ್ಕಿ ಅವರ ‘ಚುಪ್’ ಚಿತ್ರದಲ್ಲಿ ಕೊನೆಯ ಬಾರಿಗೆ ತೆರೆಯ ಮೇಲೆ ಕಾಣಿಸಿಕೊಂಡ ದುಲ್ಕರ್ ಸಲ್ಮಾನ್ ಅವರು ತಮ್ಮ ಮುಂಬರುವ ಮಲಯಾಳಂ ಚಿತ್ರ ‘ಗ್ಯಾಂಗ್ಸ್ಟರ್ ಡ್ರಾಮಾ ಕಿಂಗ್ ಆಫ್ ಕೋಥಾ’ ಬಿಡುಗಡೆಗಾಗಿ ಕಾಯುತ್ತಿದ್ದಾರೆ.