Jr NTR: RRR ಸಿನಿಮಾ ಸ್ಟಾರ್ ಅಭಿಮಾನಿಗಳಿಗೆ ಗುಡ್​ನ್ಯೂಸ್!

ಯಂಗ್ ಟೈಗರ್ ಜೂನಿಯರ್ ಎನ್​​ಟಿಆರ್ ಇತ್ತೀಚೆಗೆ ರಾಜಮೌಳಿ ಅವರ ತ್ರಿಬಲ್ ಆರ್ ಚಿತ್ರದಲ್ಲಿ ನಟಿಸಿ ಪ್ಯಾನ್ ಇಂಡಿಯಾ ರೇಂಜ್​ನಲ್ಲಿ ಸೂಪರ್ ಕ್ರೇಜ್ ತಂದರು. ಎನ್‌ಟಿಆರ್ ತ್ರಿಬಲ್ ಆರ್​ನಲ್ಲಿ ತಮ್ಮ ಅಭಿನಯದಿಂದ ಪ್ರೇಕ್ಷಕರ ಮನಸು ಗೆದ್ದರು.

ಈ ಸಿನಿಮಾ ಭಾರತದಲ್ಲಿ ಮಾತ್ರವಲ್ಲದೇ ವರ್ಲ್ಡ್​ ರೇಂಜ್‌ನಲ್ಲಿ ಮನ್ನಣೆ ಪಡೆಯುತ್ತಿದೆ. ಚಿತ್ರವು ಮಾರ್ಚ್ 24, 2022 ರಂದು ಬಿಡುಗಡೆಯಾಯಿತು.

ಇದು ಪ್ರಸ್ತುತ ಆಸ್ಕರ್ ರೇಸ್‌ನಲ್ಲಿ ಹಾಲಿವುಡ್ ಚಲನಚಿತ್ರಗಳೊಂದಿಗೆ ಸ್ಪರ್ಧಿಸುತ್ತಿದೆ. ಈ ಚಿತ್ರದ ನಾಟು ನಾಟು ಹಾಡು ಈಗಾಗಲೇ ಆಸ್ಕರ್ ಬೆಸ್ಟ್ ಒರಿಜಿನಲ್ ಸಾಂಗ್ ವಿಭಾಗದಲ್ಲಿ ಶಾರ್ಟ್‌ಲಿಸ್ಟ್ ಆಗಿದೆ. ಅಂತಿಮ ಪಟ್ಟಿಯನ್ನು ಜನವರಿ 24 ರಂದು ಪ್ರಕಟಿಸಲಾಗುತ್ತದೆ. ತದನಂತರ ಮಾರ್ಚ್ 12 ರಂದು ವಿಜೇತರಿಗೆ ಆಸ್ಕರ್ ಪ್ರಶಸ್ತಿಗಳನ್ನು ನೀಡಲಾಗುತ್ತದೆ.

ಇದೇ ವೇಳೆ, ಮೇ 20 ರಂದು ಎನ್‌ಟಿಆರ್ ಹುಟ್ಟುಹಬ್ಬದ ಸಂದರ್ಭದಲ್ಲಿ ಅವರ ಅಭಿಮಾನಿಗಳು ಭರ್ಜರಿ ಉಡುಗೊರೆಯನ್ನು ಸಿದ್ಧಪಡಿಸುತ್ತಿದ್ದಾರೆ.

ಮೇ 20ರಂದು ಎನ್‌ಟಿಆರ್‌ ವೃತ್ತಿಬದುಕಿನ ದೊಡ್ಡ ಹಿಟ್‌ ಆಗಿರುವ ಸಿಂಹಾದ್ರಿ ಮತ್ತೊಮ್ಮೆ ಥಿಯೇಟರ್‌ಗಳಲ್ಲಿ ಬಿಡುಗಡೆಯಾಗಲಿದೆಯಂತೆ. ಈ ಸಿನಿಮಾ ಕಲೆಕ್ಷನ್ ಎಷ್ಟಾಗುತ್ತೆ  ಎಂದು ಕಾದುನೋಡಬೇಕಿದೆ.

ಆರ್‌ಆರ್‌ಆರ್ ನಂತರ, ಎನ್‌ಟಿಆರ್ ಶೀಘ್ರದಲ್ಲೇ ತಮ್ಮ 30 ನೇ ಚಿತ್ರವನ್ನು ಕೊರಟಾಲ ಶಿವ ಅವರೊಂದಿಗೆ ಮಾಡಲಿದ್ದಾರೆ.

ಈ ಸಿನಿಮಾ ಪ್ಯಾನ್ ಇಂಡಿಯಾ ಲೆವೆಲ್ ನಲ್ಲಿ ದೊಡ್ಡ ಮಟ್ಟದಲ್ಲಿ ಮೂಡಿಬರುತ್ತಿದೆ. ಸದ್ಯ ಪ್ರಿ-ಪ್ರೊಡಕ್ಷನ್ ಕೆಲಸ ಮಾಡುತ್ತಿದ್ದಾರೆ.