Nivedita Gowda: ತಲೆ ಸುತ್ತು, ವಾಂತಿಯಾಗ್ತಿದೆ ಎಂದು ಗುಡ್​ನ್ಯೂಸ್ ಕೊಟ್ಟ ನಿವಿ

ಇತ್ತೀಚೆಗೆ ನಿವೇದಿತಾ ಗೌಡ ಗರ್ಭಿಣಿ ಎಂದು ಸುದ್ದಿಯಾಗಿತ್ತು. ನಂತರ ಅದು ಸುಳ್ಳು ಎಂದೂ ಗೊತ್ತಾಗಿತ್ತು. ಈಗ ಮತ್ತೆ ಗುಡ್​ನ್ಯೂಸ್ ಕೊಟ್ಟಿದ್ದಾರೆ ಬಿಗ್​ಬಾಸ್ ನಿವಿ.

ಚಂದನ್ ಶೆಟ್ಟಿ ಹಾಗೂ ನಿವೇದಿತಾ ಗೌಡ ಪೋಷಕರಾಗುತ್ತಿದ್ದಾರೆ. ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ ಎಂಬ ಸುದ್ದಿ ವೈರಲ್ ಆಗಿತ್ತು. ಸುದ್ದಿ ಎಲ್ಲೆಡೆ ಹರಿದಾಡುತ್ತಿದ್ದಂತೆ ಚಂದನ್ ಶೆಟ್ಟಿ ಸದ್ಯ ಆ ಪ್ಲಾನ್ ಇಲ್ಲ ಎಂದಿದ್ದರು.

ಆದರೆ ನಿವಿ ಈಗ ಮತ್ತೊಂದು ಸ್ಟೇಟ್ಮೆಂಟ್ ಕೊಟ್ಟಿದ್ದಾರೆ. ಗಿಚ್ಚಿ ಗಿಲಿಗಿಲಿ-2ನಲ್ಲಿ ಸ್ಪರ್ಧಿಸುತ್ತಿರುವ ನಿವಿ ವೇದಿಕೆಯ ಮೇಲೆ ಸ್ಕಿಟ್ ಮುಗಿದು ತೀರ್ಪುಗಾರರ ಬಳಿ ಮಾತನಾಡುವಾಗ ತಾನು ತಾಯಿಯಾಗುತ್ತಿದ್ದೇನೆ ಎಂದಿದ್ದಾರೆ.

ನಿವೇದಿತಾ ಒಂದು ತಟ್ಟೆಯಲ್ಲಿ ಮಾವಿನಕಾಯಿ, ಹುಣಸೆ ಹಣ್ಣು ತಂದು ವೇದಿಕೆಯ ಮೇಲೆ ಇಟ್ಟರು. ನಿರೂಪಕ ನಿರಂಜನ್ ಇದೆಲ್ಲಾ ಏನು ಎಂದು ಪ್ರಶ್ನೆ ಮಾಡಿದ್ದಾರೆ. ಈಗ ಇದೆಲ್ಲಾ ತಂದಿರುವುದು ಯಾಕೆಂದು ಶ್ರುತಿ ಕೇಳಿದಾಗ `ನಾನು ಎರಡು ತಿಂಗಳ ಪ್ರೆಗ್ನೆಂಟ್’ ಎಂದು ನಿವೇದಿತಾ ಗೌಡ ಹೇಳಿದ್ದಾರೆ.

ಈ ಸೀಸನ್‌ನಲ್ಲಿ ನಾನು ತುಂಬಾ ಗ್ಲೋ ಆಗಿ ಕಾಣುತ್ತೀದ್ದೀನಿ ಎಂದು ಸಾಧು ಸರ್ ಹೇಳಿದ್ರು. ಅದಕ್ಕೆ ಇದುವೇ ಕಾರಣ ಎಂದು ಹೇಳಿದ್ದಾರೆ. ಇದು ಅಲ್ಲಿ ಕುಳಿತಿದ್ದ ಎಲ್ಲರಿಗೂ ಅಚ್ಚರಿ ಮೂಡಿಸಿದೆ.

ನನಗೆ ತಲೆ ಸುತ್ತು, ವಾಂತಿ ಆಗುತ್ತದೆ. ಬೆಳಗ್ಗೆ ಎಳಲು ಆಗುವುದಿಲ್ಲ. ನಾನು ಪ್ರೆಗ್ನೆಂಟ್ ಎಂದು ನಿವೇದಿತಾ ಶೋ ವೇದಿಕೆಯಲ್ಲಿ ಹೇಳಿದ್ದಾರೆ.

ಆದರೆ ಇದನ್ನು ನೋಡಿದ ನೆಟ್ಟಿಗರು ಮಾತ್ರ ಪ್ರಚಾರಕ್ಕಾಗಿ ಏನೇನ್ ಮಾಡ್ತಾರಪ್ಪಾ ಎಂದು ಗೊಣಗುತ್ತಿದ್ದಾರೆ. ಅಸಲಿ ವಿಚಾರ ಏನೆನ್ನುವುದು ವಾರಾಂತ್ಯದ ಎಪಿಸೋಡ್​ನಲ್ಲಿ ರಿವೀಲ್ ಆಗಲಿದೆ.