ರಿವೀಲ್​ ಆಯ್ತು Nikhil Kumaraswamy ಅಭಿನಯದ Rider ಚಿತ್ರದ ರಿಲೀಸ್​ ಡೇಟ್​..!

ನಿಖಿಲ್ ಕುಮಾರಸ್ವಾಮಿ ಅವರು ರಾಜಕೀಯ ಹಾಗೂ ಸಿನಿಮಾ ಎರಡರಲ್ಲೂ ಸಕ್ರಿಯರಾಗಿದ್ದಾರೆ. ಲಾಕ್​ಡೌನ್​ ತೆರವುಗೊಂಡ ನಂತರ ನಿಖಿಲ್​ ತಮ್ಮ ನಾಲ್ಕನೇ ಸಿನಿಮಾದ ಚಿತ್ರೀಕರಣಲ್ಲಿ ಬ್ಯುಸಿಯಾಗಿದ್ದಾರೆ.

ಜಾಗ್ವಾರ್​, ಸೀತಾರಾಮ ಕಲ್ಯಾಣ ಹಾಗೂ ಕುರುಕ್ಷೇತ್ರ ಚಿತ್ರದ ನಂತರ ಯುವರಾಜ ನಿಖಿಲ್ ನಟಿಸುತ್ತಿರುವ ಸಿನಿಮಾ ರೈಡರ್​. ಟಾಲಿವುಡ್​ ನಿರ್ದೇಶಕ ವಿಜಯ್​ಕುಮಾರ್ ಕೊಂಡ ಈ ಚಿತ್ರಕ್ಕೆ ಆ್ಯಕ್ಷನ್​ ಕಟ್​ ಹೇಳಿದ್ದಾರೆ. 

ಲಾಕ್​ಡೌನ್​ ತೆರವುಗೊಂಡ ನಂತರ ರೈಡರ್​ ಚಿತ್ರತಂಡ ನಿಧಾನವಾಗಿ ಶೂಟಿಂಗ್ ಪೂರ್ಣಗೊಳಿಸಿತು. ಸಿನಿಮಾ ಪ್ರಚಾರದ ಜೊತೆಗೆ ಒಂದರ ಹಿಂದೆ ಒಂದರಂತೆ ಹಾಡುಗಳನ್ನು ಬಿಡುಗಡೆ ಮಾಡುತ್ತಿದೆ. ಈಗ ಈ ಚಿತ್ರತಂಡ ಸಿನಿಮಾದ ರಿಲೀಸ್​ ಡೇಟ್​ ಪ್ರಕಟಿಸಿದೆ. 

ಲಡಾಖ್​ ಸೇರಿದಂತೆ ಇತರೆ ಭಾಗಗಳಲ್ಲಿ ಶೂಟಿಂಗ್​ ಮುಗಿಸಿರುವ ರೈಡರ್​ ಸಿನಿಮಾ ಇದೇ ವರ್ಷ ರಿಲೀಸ್​ ಆಗಲಿದೆ. ಡಿಸೆಂಬರ್​ 24ರಂದು ತೆರೆಗೆ ಬರಲು ರೈಡರ್​ ಸಿದ್ಧವಾಗಿದೆ.

ರೈಡರ್​ ಸಿನಿಮಾದ ಹಿಂದೆ ಹಾಗೂ ಮುಂದೆ ಬಿಗ್ ಬಜೆಟ್​ ಹಾಗೂ ಸ್ಟಾರ್​ ನಟರ ಸಿನಿಮಾಗಳು ತೆರೆಗಪ್ಪಳಿಸುತ್ತಿವೆ. ಕ್ರಿಸ್ಮಸ್​ಗೆ ರಣವೀರ್​ ಸಿಂಗ್​ ಹಾಗೂ ದೀಪಿಕಾ ಪಡುಕೋಣೆ ಅಭಿನಯದ 83 ರಿಲೀಸ್​ ಆದರೆ, ಡಿಸೆಂಬರ್ 31ಕ್ಕೆ ರಕ್ಷಿತ್​ ಶೆಟ್ಟಿ ಅಭಿನಯದ 777 ಚಾರ್ಲಿ ತೆರೆಗೆ ಬರಲಿದೆ. ಇವುಗಳ ಜೊತೆಗೆ ಹಾಲಿವುಡ್​ ಸಿನಿಮಾಗಳೂ ಕ್ರಿಸ್ಮಸ್​ಗೆ ಲಗ್ಗೆ ಇಡುವ ಸಾಧ್ಯತೆ ಇದೆ.

ನಿಖಿಲ್​ ಕುಮಾರಸ್ವಾಮಿ ಅವರಿಗೆ ನಾಯಕಿಯಾಗಿ ಕಶ್ಮೀರಾ ಪರದೇಶಿ ನಟಿಸಿರುವ ಈ ರೈಡರ್ ಸಿನಿಮಾಗೆ ಬಾಕ್ಸಾಫಿಸ್​​ನಲ್ಲಿ ತುಂಬಾ ದೊಡ್ಡ ಮಟ್ಟದ ಸ್ಪರ್ಧೆ ಎದುರಾಗೋದು ಗ್ಯಾರಂಟಿಯಾಗಿದೆ.