Nikhil Kumaraswamy: ಸ್ನೇಹಿತರ ದಿನದಂದು ನಂಬಿಕಸ್ಥ ಗೆಳೆಯನ ಚಿತ್ರ ಹಂಚಿಕೊಂಡ ನಿಖಿಲ್​ ಕುಮಾರಸ್ವಾಮಿ..!

ನಿಖಿಲ್​ ಕುಮಾರಸ್ವಾಮಿ ಮದುವೆ ಆಗಿದ್ದೇ ಆಗಿದ್ದು.... ಸಾಮಾಜಿಕ ಜಾಲತಾಣದಲ್ಲಿ ಮೊದಲಿಗಿಂತಲೂ ಕೊಂಚ ಹೆಚ್ಚಾಗಿಯೇ ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯರಾಗಿದ್ದಾರೆ.

ಕೊರೋನಾ ಲಾಕ್​ಡೌನ್​ನಿಂದಾಗಿ ಈಗ ಹೆಚ್ಚಿನ ಸಮಯವನ್ನು ಸಾಮಾಜಿಕ ಜಾಲತಾಣದಲ್ಲೇ ಕಳೆಯುವಂತಾಗಿದೆ.

ತೋಟದ ಮನೆಯಲ್ಲಿ ಸುತ್ತಾಡುತ್ತಾ ಕಾಲ ಕಳೆದರೂ ಸಹ ಅಭಿಮಾನಿಗಳೊಂದಿಗೆ ಸಂಪರ್ಕದಲ್ಲಿರಲು ಹಾಗೂ ಅವರನ್ನು ರಂಜಿಸಲು ಸದ್ಯಕ್ಕೆ ಇರುವ ಏಕೈಕ ಮಾರ್ಗ ಸೋಶಿಯಲ್​ ಮೀಡಿಯಾ.

ವ್ಯಾಯಾಮ ಅಂತ ದಿನದಲ್ಲಿ ಕೆಲ ಗಂಟೆ ಕಳೆಯುವ ನಿಖಿಲ್​ ಆಗಾಗ ಪುಸ್ತಕವನ್ನೂ ಓದುತ್ತಾರೆ.

ಸದ್ಯಕ್ಕೆ ತಮ್ಮ ತೋಟದ ಮನೆಯಲ್ಲೇ ಹೆಚ್ಚಿನ ಸಮಯ ಕಳೆಯುತ್ತಿರುವ ನಿಖಿಲ್​ಗೆ ಕೃಷಿ ಮಾಡುವ ಮನಸ್ಸಾಗಿದೆ. ಈ ಬಗ್ಗೆ ಅವರೇ ಈ ಹಿಂದೆ ಹೇಳಿಕೊಂಡಿದ್ದರು.

ಈಗ ತಮ್ಮ ತೋಟದ ಮನೆಯಲ್ಲೇ ಮುದ್ದಿನ ಮಡದಿ ಜೊತೆ ತೆಗೆಸಿಕೊಂಡಿರುವ ಹೊಸ ಫೋಟೋವನ್ನು ಹಂಚಿಕೊಂಡಿದ್ದಾರೆ ನಿಖಿಲ್​.

ಆದರೆ ಈ ಫೋಟೋದಲ್ಲಿ ಒಂದು ವಿಶೇಷವಿದೆ. ನಿಖಿಲ್​-ರೇವತಿ ತೋಟದಲ್ಲಿರುವ ನಾಯಿ ಜೊತೆ ಖುಷಿಯಾಗಿ ಕಾಲ ಕಳೆಯುತ್ತಿದ್ದಾರೆ. ಇಂದು ಸ್ನೇಹಿತರ ದಿನವಾಗಿದ್ದು, ಅದರ ಅಂಗವಾಗಿಯೇ ಮನುಷ್ಯನ ನಂಬಿಕಸ್ಥ ಹಾಗೂ ಒಳ್ಳೆಯ ಸ್ನೇಹಿತ ನಾಯಿ ಎಂದು ಹೇಳುತ್ತಾ ಈ ಫೊಟೋ ಹಂಚಿಕೊಂಡಿದ್ದಾರೆ.

ಈ ಹಿಂದೆ ಬಿಡದಿಯ ತೋಟದ ಮನೆಯಲ್ಲಿ ಪ್ರಕೃತಿಯ ನಡುವೆ ಪತ್ನಿಯೊಂದಿಗೆ ವ್ಯಾಯಾಮ ಮಾಡುತ್ತಿರುವ ವಿಡಿಯೋ ಹಂಚಿಕೊಂಡಿದ್ದರು ನಿಖಿಲ್​.

ನಿಖಿಲ್​-ರೇವತಿ

ನಿಖಿಲ್​ ಕುಮಾರಸ್ವಾಮಿ