Puneeth Rajkumar: ಪುನೀತ್​ ರಾಜ್​ಕುಮಾರ್​ ಟ್ವಿಟರ್​ ಖಾತೆಯಲ್ಲಿ ಹಿಂದಿ ಪದದ ಬಳಕೆ: ಗರಂ ಆದ ನೆಟ್ಟಿಗರು..!

ಪುನೀತ್​ ರಾಜ್​ಕುಮಾರ್​ ತಮ್ಮ ಹುಟ್ಟುಹಬ್ಬಕ್ಕೆ ಶುಭ ಕೋರಿದ ಅಭಿಮಾನಿ ದೇವರುಗಳಿಗೆ ಧನ್ಯವಾದ ತಿಳಿಸಿದ್ದರು. ಅದಕ್ಕೆ ಸಾಕಷ್ಟು ಮೆಚ್ಚುಗೆ ಸಹ ವ್ಯಕ್ತವಾಗಿತ್ತು.

ಟ್ವಿಟರ್​ನಲ್ಲಿ ತಮಗೆ ವಿಶ್​ ಮಾಡಿದ ಸೆಲೆಬ್ರಿಟಿಗಳಿಗೆ ಪ್ರತಿಯೊಬ್ಬರಿಗೂ ಧನ್ಯವಾದ ತಿಳಿಸುವ ಬರದಲ್ಲಿ ಪುನೀತ್​ ರಾಜ್​ಕುಮಾರ್​ ಅವರು ಹಿಂದಿ ಪದದ ಬಳಕೆ ಮಾಡಿದ್ದಾರೆ.

ಅಷ್ಟಕ್ಕೂ ಪುನೀತ್​ ಬಳಕೆ ಮಾಡಿರುವ ಪದ ಯಾವುದು ಅಂತೀರಾ..?

ನಿರ್ಮಾಪಕ ವಿಜಯ್​ ಕಿರಗಂದೂರು ಅವರು ಪುನೀತ್ ಅವರಿಗೆ ಕನ್ನಡದಲ್ಲಿ ಶುಭ ಕೋರಿದ್ದಾರೆ. ಅದಕ್ಕೆ ಇಂಗ್ಲಿಷ್​ನಲ್ಲಿ ಪ್ರತಿಕ್ರಿಯೆ ನೀಡಲಾಗಿದ್ದು ಕೊನೆಯಲ್ಲಿ ವಿಜಯ್​ ಕಿರಗಂದೂರು ಜೀ ಎಂದು ಬಳಸಲಾಗಿದೆ.

ಪುನೀತ್​ ಅವರ ಟ್ವಿಟರ್​ನಲ್ಲಿ ಜೀ ಎನ್ನುವ ಪದ ಬಳಕೆ ಮಾಡಲಾಗಿದ್ದು, ಅದರ ಬದಲಾಗಿ ಕನ್ನಡದ ಪದವನ್ನೇ ಬಳಸಬಹುದಿತ್ತು ಎಂದು ನೆಟ್ಟಿಗರು ಪ್ರಶ್ನಿಸುತ್ತಿದ್ದಾರೆ.

ನಾವು ರಾಜ್​ಕುಮಾರ್ ಅವರ ಅಭಿಮಾನಿಗಳು, ನಿಮ್ಮಿಂದ ಕನ್ನಡವನ್ನೇ ನಿರೀಕ್ಷಿಸೋದು. ಹೆಚ್ಚಾಗಿ ಕನ್ನಡದಲ್ಲೇ ವ್ಯವಹರಿಸಿ ಎಂದು ಮನವಿ ಮಾಡಿದ್ದಾರೆ ಅಭಿಮಾನಿಗಳು.

ಇನ್ನೂ ಕೆಲವರು ಪುನೀತ್​ ಅವರ ಟ್ವಿಟರ್​ ಹ್ಯಾಂಡಲ್​ ಮಾಡುವ ಅಡ್ಮಿನ್​ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.