Prem: ನೆನಪಿರಲಿ ಪ್ರೇಮ್​ಗೆ ಜಾಕ್​ ಪಾಟ್​ ಹೊಡೆಯಲಿದೆಯಂತೆ: ಅದಕ್ಕೆ ಕಾರಣ ಏನು ಗೊತ್ತಾ..?

ಸ್ಯಾಂಡಲ್​ವುಡ್​ನ ಹ್ಯಾಂಡ್ಸಮ್​ ಹೀರೋ ನೆನಪಿರಲಿ ಪ್ರೇಮ್,​ ಪ್ರಾಣ ಚಿತ್ರದ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟವರು.

ಆದರೆ ಅವರಿಗೆ ಹೆಸರು ತಂದುಕೊಟ್ಟಿದ್ದು ಮಾತ್ರ ನೆನಪಿರಲಿ ಚಿತ್ರ. ಹೌದು ಇದೇ ಕಾರಣಕ್ಕೆ ಸಿನಿಮಾದ ಹೆಸರು ನೆನಪಿರಲಿ ಈಗ ಅವರ ಹೆಸರಿನ ಜೊತೆಗೇ ಸೇರಿ ಹೋಗಿದೆ.

ನೆನಪಿರಲಿ, ಜೊತೆ ಜೊತೆಯಲಿ, ಪಲ್ಲಕಿ ಸೇರಿದಂತೆ ಹಲವಾರು ಹಿಟ್​ ಸಿನಿಮಾಗಳನ್ನು ಕೊಟ್ಟಿರುವ ಪ್ರೇಮ್​ ಜೀವನಕ್ಕೆ ಅದೃಷ್ಟ ತಂದುಕೊಟ್ಟಿದ್ದು ಅವರ ಪತ್ನಿ ಜ್ಯೋತಿ ಎಂದು ಇಂದಿಗೂ ಹೇಳುತ್ತಾರೆ ಈ ನಟ.

ನಟ ಪ್ರೇಮ್​ ಅವರ ಮನೆಯಲ್ಲಿ ಭೀಮನ ಅಮಾವಾಸ್ಯೆ ಪೂಜೆ ಜೋರಾಗಿಯೇ ನಡೆದಿದೆ. ಜ್ಯೋತಿ ಪತಿಯ ಪಾದ ಪೂಜೆ ಮಾಡಿದ್ದಾರೆ. ಈ ಫೋಟೋವನ್ನು ಪ್ರೇಮ್​ ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಜ್ಯೋತಿಯನ್ನು ಪ್ರೀತಿಸಿದ ನಂತರ ಪ್ರೇಮ್​ ಅವರ ಆಯಸ್ಸು ಹೆಚ್ಚಾಯಿತಂತೆ. ಮದುವೆಯಾದ ನಂತರ ಅದೃಷ್ಟ ಖುಲಾಯಿಸಿತಂತೆ. ಈಗ ಪಾದಪೂಜೆ ಮಾಡಿದ್ದಾರೆ ಇದರಿಂದ ಜಾಕ್​ ಪಾಟ್​ ಹೊಡೆಯುತ್ತೆ ಎಂದು ಪತ್ನಿಯನ್ನು ಹಾಡಿ ಹೊಗಳಿದ್ದಾರೆ ಪ್ರೇಮ್​.

ಪಾದಪೂಜೆ ಮಾಡಿದ ಮಡದಿ ಜ್ಯೋತಿ ಅವರಿಗೆ ಗುಲಾಭಿ ಹೂವಿನ ಗುಚ್ಛ ನೀಡಿ, ಹ್ಯಾಪಿ ರೋಜ್​ ಡೇ ಎಂದಿದ್ದಾರೆ.

ಈ ಹೃದಯದ ಸಿದ್ಧತೆ ನೀನು.... ಉಸಿರಾಟದ ಪದ್ಧತಿ ನೀನು... HAPPY ROSE DAY ಡಾರ್ಲಿಂಗು ಅಂತ ಮಡದಿಗಾಗಿ ಕವಿತೆ ಬರೆದಿದ್ದಾರೆ ಪ್ರೇಮ್​.

ಸಿನಿಮಾಗೆ ಬರುವ ಮೊದಲೇ ಪ್ರೇಮ್​ ಹಾಗೂ ಜ್ಯೋತಿ ಪ್ರೀತಿಸಿ ವಿವಾಹವಾಗಿದ್ದರು. ದೊಡ್ಡವರ ಇಷ್ಟಕ್ಕೆ ವಿರುದ್ಧವಾಗಿ ಮದುವೆಯಾಗಿದ್ದು, ನಂತರ ಮತ್ತೆ ಎರಡನೇ ಸಲ ವಿವಾಹವಾಗಿದ್ದರು.

ಪ್ರೇಮ್​ -ಜ್ಯೋತಿ ದಂಪತಿಗೆ ಮುದ್ದಾದ ಮಗಳು ಹಾಗೂ ಮಗ ಇದ್ದಾರೆ.

ಪ್ರೇಮ್​ ಸದ್ಯ 'ಪ್ರೇಮಂ ಪೂಜ್ಯಂ' ಎಂಬ ವಿಭಿನ್ನ ಲವ್ ಸ್ಟೋರಿಯಲ್ಲಿ ನಟಿಸುತ್ತಿದ್ದಾರೆ.