Neha Dhupia: ಮದುವೆಗೂ ಮುನ್ನ ಗರ್ಭಿಣಿಯಾದ ಬಾಲಿವುಡ್ ನಟಿ! ನೇಹಾ ಧೂಪಿಯಾಗೆ ಪೋಷಕರು ಕೊಟ್ರು ಡೆಡ್​ಲೈನ್!

ಬಾಲಿವುಡ್ ನಟಿ ನೇಹಾ ಧೂಪಿಯಾ ಕೂಡ ಜನಪ್ರಿಯ ನಟಿಯಾಗಿದ್ದಾರೆ. ಬಹುಬೇಡಿಕೆಯ ನಟಿಯಾಗಿದ್ದಾಗಲೇ ನೇಹಾ ಅವರು ಅಂಗದ್ ಬೇಡಿಯನ್ನು ವಿವಾಹವಾಗಿದ್ದರು. ಆತುರದ ಮದುವೆಯ ಹಿಂದೆ ಏನಾಗಿದೆ ಎಂಬುದನ್ನು ನಟಿ ಹೇಳಿದ್ದಾರೆ.

ಮದುವೆಗೂ ಮುನ್ನ ನೇಹಾ ಧೂಪಿಯಾ ಗರ್ಭಿಣಿಯಾಗಿದ್ದರಂತೆ. ಹೀಗಾಗಿ ಅವಸರದಲ್ಲಿ ಮದುವೆಯಾಗಿದ್ದಾಗಿ ನೇಹಾ ಹೇಳಿಕೊಂಡಿದ್ದಾರೆ. ನೇಹಾ ಧೂಪಿಯಾ ಗರ್ಭಿಣಿಯಾದ ಬಳಿಕ ಹಸೆಮಣೆ ಏರಿದ್ದಾರೆ.

ನೇಹಾ ಮತ್ತು ಅಂಗದ್ ಮೇ 10, 2018 ರಂದು ವಿವಾಹವಾದರು. ಸಿಖ್ ಸಂಪ್ರದಾಯದ ಪ್ರಕಾರ ಮದುವೆ ನಡೆಯಿತು. ಇದು ಅಭಿಮಾನಿಗಳಷ್ಟೇ ಅಲ್ಲ ಬಾಲಿವುಡ್ ಮಂದಿಯನ್ನೇ ಬೆಚ್ಚಿ ಬೀಳಿಸುವ ಮದುವೆ ಆಗಿತ್ತು. ಮದುವೆಯ ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಾಕಿದಾಗ ಎಲ್ಲರಿಗೂ ವಿಷಯ ತಿಳಿಯಿತು. ಇದಾದ ಕೆಲವೇ ದಿನಗಳಲ್ಲಿ ನೇಹಾ ತಾನು ಗರ್ಭಿಣಿ ಎಂದು ಪೋಸ್ಟ್ ಮೂಲಕ ಘೋಷಿಸಿದರು .

ಮದುವೆಗೂ ಮುನ್ನವೇ ಗರ್ಭಿಣಿಯಾಗಿದ್ದ ನೇಹಾ ಅವರನ್ನು ನೆಟ್ಟಿಗರು ಟ್ರೋಲ್ ಮಾಡಿದ್ದಾರೆ. ಐದು ವರ್ಷಗಳ ನಂತರ, ಹಠಾತ್ ಮದುವೆ ಮತ್ತು ಗರ್ಭಧಾರಣೆಯ ಘೋಷಣೆಯ ಹಿಂದೆ ಏನಾಯಿತು ಎಂದು ನೇಹಾ ವಿವರಿಸುತ್ತಾರೆ

ಜೂಮ್ ಗೆ ನೀಡಿದ ಸಂದರ್ಶನದಲ್ಲಿ ಮಾತಾಡಿದ ನೇಹಾ, ನಾನು ಮದುವೆಗೂ ಮುನ್ನವೇ ಗರ್ಭಿಣಿಯಾಗಿದ್ದೆ ಎಂದು ಹೇಳಿದ್ದೆ. ಬಳಿಕ ನನ್ನ ಪೋಷಕರಿಗೆ ವಿಷಯ ತಿಳಿಸಿದೆ ಎಂದು ನಟಿ ಹೇಳಿಕೊಂಡಿದ್ದಾರೆ.

ನಟಿ ನೇಹಾ ಫೋಷಕರು 72 ಗಂಟೆಗಳ ಕಾಲಾವಕಾಶ ನೀಡಿದ್ದರಂತೆ. ಮುಂಬೈಗೆ ಹೋಗಿ ಇನ್ನೆರಡು ದಿನದಲ್ಲಿ ಮದುವೆಯಾಗಬೇಕು ಎಂದು ನಿರ್ಧರಿಸಿದ್ದರಂತೆ. ತನ್ನ ಕುಟುಂಬ ಮತ್ತು ಪ್ರೀತಿಪಾತ್ರರು ಕೂಡ ಎಲ್ಲವನ್ನೂ ಒಪ್ಪಿಕೊಂಡಿದ್ರು ಎಂದು ನೇಹಾ ಹೇಳಿದ್ದಾರೆ. ಟ್ರೋಲ್ಗಳ ಬಗ್ಗೆಯೂ ಮಾತಾಡಿದ್ರು.

ಆಗಸ್ಟ್ 2018 ರಲ್ಲಿ ತನ್ನ ಗರ್ಭಧಾರಣೆಯ ಘೋಷಣೆಯ ನಂತರ ಟ್ರೋಲಿಂಗ್ ಬಗ್ಗೆ ಮಾತಾಡಿದ ನಟಿ, ತನ್ನ ಆಯ್ಕೆಗಳು ಯಾರನ್ನೂ ನೋಯಿಸಲಿಲ್ಲ ಎಂದು ಸಮರ್ಥಿಸಿಕೊಂಡರು. ನಿಮಗೆ ಬೇಕಾದುದನ್ನು ಮತ್ತು ನೀವು ಇಷ್ಟಪಡುವದನ್ನು ಮಾಡುವುದರಿಂದ ಯಾವುದೇ ಸಮಸ್ಯೆ ಇಲ್ಲ ಎಂದು ನೇಹಾ ಹೇಳಿದರು

ಮೇ 10 ರಂದು ದಂಪತಿ ತಮ್ಮ ಐದನೇ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸಿಕೊಂಡರು. ಅವರು ಈಗ ಮೆಹರ್ ಮತ್ತು ಗುರಿಖ್ ಅವರ ಪೋಷಕರಾಗಿದ್ದಾರೆ. ನಟಿ ಕೊನೆಯದಾಗಿ 2022 ರಲ್ಲಿ ಬಿಡುಗಡೆಯಾದ 'ಎ ಥರ್ಡ್ ಡೇ' ಚಿತ್ರದಲ್ಲಿ ನಟಿಸಿದ್ದಾರೆ. ಇದರಲ್ಲಿ ನೇಹಾ ಗರ್ಭಿಣಿ ಪೊಲೀಸ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ರು.