Alia Bhatt: ಮಗ-ಸೊಸೆಗಾಗಿ ನೀತು ಕಪೂರ್ ಸ್ಪೆಷಲ್ ಪೋಸ್ಟ್!

ಆಲಿಯಾ ಭಟ್ ಹಾಗೂ ರಣಬೀರ್ ಕಪೂರ್ ಅವರು ಮೊದಲ ವಿವಾಹ ವಾರ್ಷಿಕೋತ್ಸವವನ್ನು ಆಚರಿಸುತ್ತಿದ್ದಾರೆ. ಈ ಸಂದರ್ಭ ಹಿರಿಯ ನಟಿ, ರಣಬೀರ್ ಕಪೂರ್ ಅವರ ತಾಯಿ ಮಗ ಹಾಗೂ ಸೊಸೆಗೆ ವಿವಾಹ ವಾರ್ಷಿಕೋತ್ಸವದ ಶುಭಾಶಯಗಳನ್ನು ತಿಳಿಸಿದ್ದಾರೆ.

ನನ್ನ ಪ್ರೀತಿಯ ಇಬ್ಬರಿಗೂ ವಿವಾಹ ವಾರ್ಷಿಕೋತ್ಸವದ ಶುಭಾಶಯಗಳು. ನನ್ನ ಹೃದಯ ಬಡಿತ ನೀವು. ಪ್ರೀತಿ ಹಾಗೂ ಆಶೀರ್ವಾದಗಳು ಎಂದು ಬರೆದಿದ್ದಾರೆ. ಈ ಮೂಲಕ ಪ್ರೀತಿಯಿಂದ ಯುವ ಜೋಡಿಗೆ ಶುಭ ಹಾರೈಸಿದ್ದಾರೆ.

ಕಳೆದ ವರ್ಷ ಏಪ್ರಿಲ್ 14ರಂದು ಈ ಜೋಡಿ ಮದುವೆಯಾದರು. ಖಾಸಗಿಯಾಗಿ ಹಾಗೆಯೇ ಅದ್ಧೂರಿಯಾಗಿ ನಡೆದ ಕಾರ್ಯಕ್ರಮದಲ್ಲಿ ಇವರು ವಿವಾಹಿತರಾದರು. ರಣಬೀರ್ ಅವರ ಮನೆ ವಾಸ್ತುನಲ್ಲಿ ಈ ಕಾರ್ಯಕ್ರಮ ನಡೆದಿತ್ತು.

ಇಬ್ಬರ ಆತ್ಮೀಯ ಸ್ನೇಹಿತರು ಹಾಗೂ ಆಪ್ತರು ಮಾತ್ರ ಮದುವೆಯಲ್ಲಿ ಭಾಗಿಯಾಗಿದ್ದರು. ಇವರಿಬ್ಬರ ವಿವಾಹದ ನಂತರ ಆಲಿಯಾ ಭಟ್ ರಾಹಾಗೆ ಅಮ್ಮನಾಗಿದ್ದಾರೆ. ಈಗ ಇಬ್ಬರೂ ಪೋಷಕರಾಗಿ ಬ್ಯುಸಿಯಾಗಿದ್ದಾರೆ.

ನಮ್ಮ ಮಗು ಇಲ್ಲಿದೆ. ಎಂಥಾ ಮ್ಯಾಜಿಕಲ್ ಹುಡುಗಿ ಇವಳು. ಇದು ನಮ್ಮ ಜೀವನದ ಸಿಹಿಯಾದ ಸುದ್ದಿ. ನಾವು ಪೋಷಕರಾಗಿ ಆಶೀರ್ವದಿಸಲ್ಪಟ್ಟಿದ್ದೇವೆ. ಲವ್ ಲವ್ ಲವ್ ಆಲಿಯಾ ಹಾಗೂ ರಣಬೀರ್ ಎಂದು ಬರೆದಿದ್ದಾರೆ.

ಆಲಿಯಾ ಹಾಗೂ ರಣಬೀರ್ ಅವರು 5 ವರ್ಷಗಳಿಂದ ಡೇಟಿಂಗ್ ಮಾಡುತ್ತಿದ್ದರು. ಮೀಡಿಯಾ ಗಮನ ಅವರ ಮೇಲಿದ್ದರೂ ಅವರ ಸಂಬಂಧ ಮಾತ್ರ ರಹಸ್ಯವಾಗಿ ಉಳಿದಿತ್ತು. ಮದುವೆಗೆ ಸ್ವಲ್ಪ ಮೊದಲು ಇಬ್ಬರೂ ಜೊತೆಯಾಗಿ ಕಾಣಿಸಿಕೊಂಡರು. ಕೆಲವು ಪಾರ್ಟಿ, ಇವೆಂಟ್​ಗಳಲ್ಲಿ ಜೋಡಿಯಾಗಿ ಕಾಣಿಸಿಕೊಂಡರು.

ಇವರಿಬ್ಬರ ಲವ್​ಸ್ಟೋರಿ ಬ್ರಹ್ಮಾಸ್ತ್ರ ಸೆಟ್​​ನಲ್ಲಿ ಶುರುವಾಗಿತ್ತು. ಸಿನಿಮಾಗಳ ಕುರಿತು ನಮಗಿಬ್ಬರಿಗೂ ಇರುವ ಪ್ರೀತಿ ನಮ್ಮ ಸಂಬಂಧದಲ್ಲಿ ಪ್ರಮುಖ ಪಾತ್ರ ವಹಿಸಿತು ಎಂದು ಆಲಿಯಾ ರಿವೀಲ್ ಮಾಡಿದ್ದಾರೆ.