Nayanthara: ಬಾಡಿಗೆ ತಾಯ್ತನ ವಿವಾದ! ಬಲವಾದ ಸಾಕ್ಷಿಯೊಂದಿಗೆ ಕೇಸ್​​ಗೆ ರೆಡಿಯಾಗ್ತಿದ್ದಾರೆ ನಯತಾರಾ-ವಿಘ್ನೇಶ್

ಮದುವೆಯಾದ ನಾಲ್ಕೇ ತಿಂಗಳಲ್ಲಿ ಎರಡು ಮಕ್ಕಳ ತಾಯಿಯಾದ ನಯನತಾರಾ ತಾಯಿಯಾದ ಸುದ್ದಿ ಅಚ್ಚರಿಯಾಗಿತ್ತು. ನಟ ಮತ್ತು ನಿರ್ದೇಶಕ ವಿಘ್ನೇಶ್ ಶಿವನ್ ಅವರನ್ನು ಪ್ರೀತಿಸಿ ಮದುವೆಯಾಗಿದ್ದಾರೆ.

ವಿಘ್ನೇಶ್ ಶಿವನ್ ಅವಳಿ ಗಂಡು ಮಕ್ಕಳ ಪೋಷಕರಾಗಿದ್ದಾರೆ. ಅಭಿಮಾನಿಗಳು ಇವರು ಶುಭ ಹಾರೈಸಿದರೂ ಇವರು ಪೋಷಕರಾದ ಬಗ್ಗೆ ತೀವ್ರ ಚರ್ಚೆ ಶುರುವಾಗಿದೆ.

ಬಾಡಿಗೆ ತಾಯ್ತನದ ಮೂಲಕ ನಯನ್-ವಿಘ್ನೇಶ್ ದಂಪತಿ ಈ ಅವಳಿ ಮಕ್ಕಳಿಗೆ ಜನ್ಮ ನೀಡಿರುವುದು ವಿವಾದಕ್ಕೆ ಕಾರಣವಾಗಿದೆ. ಭಾರತೀಯ ಕಾನೂನಿನ ಪ್ರಕಾರ, ಬಾಡಿಗೆ ತಾಯ್ತನದ ಅಡಿಯಲ್ಲಿ ಮಗುವಿಗೆ ಜನ್ಮ ನೀಡಲು ಕೆಲವು ನಿಯಮಗಳಿವೆ. ಆದರೆ ನಯನ ದಂಪತಿ ಆ ಎಲ್ಲ ನಿಯಮಗಳನ್ನು ಪಾಲಿಸಿದ್ದಾರಾ? ಎನ್ನುವುದು ವಿವಾದ.

ಇದು ಅಕ್ರಮ ಎಂದು ಹಲವರು ಪ್ರಸ್ತಾಪಿಸುತ್ತಿದ್ದಂತೆ ಚರ್ಚೆ ಜೋರಾಯಿತು. ತಮಿಳುನಾಡು ಸರ್ಕಾರ ಈ ವಿಚಾರವಾಗಿ ಪ್ರತಿಕ್ರಿಯಿಸಿದ್ದು, ನಯನ ದಂಪತಿಗೆ ನೋಟಿಸ್ ನೀಡಿದೆ. ನಯನ ಅವಳಿ ಪ್ರಕರಣದಲ್ಲಿ ಸೂಕ್ತ ತನಿಖೆ ನಡೆಸಲಾಗುವುದು ಎಂದು ತಮಿಳುನಾಡು ಆರೋಗ್ಯ ಸಚಿವ ಎಂ.ಸುಬ್ರಮಣ್ಯಂ ಹೇಳಿದ್ದಾರೆ.

ನಯನ ಅವಳಿ ಮಕ್ಕಳ ವಿವಾದದ ತನಿಖೆಗಾಗಿ ಸರ್ಕಾರ ಮೂರು ಸದಸ್ಯರ ತನಿಖಾ ಸಮಿತಿಯನ್ನು ರಚಿಸಿದೆ. ಈ ಸಮಿತಿಯು ತನಿಖೆ ಆರಂಭಿಸಲಿದ್ದು, ಮೊದಲ ಹಂತದ ತನಿಖೆ ಪೂರ್ಣಗೊಂಡ ಬಳಿಕ ನಯನತಾರಾ ಹಾಗೂ ವಿಘ್ನೇಶ್ ಅವರನ್ನು ಈ ಸಮಿತಿಗೆ ಕರೆಸಲಾಗುವುದು ಎಂದು ತಿಳಿಸಲಾಗಿದೆ.

ಈ ನಡುವೆ ನಯನ ದಂಪತಿಗಳು ಈ ತನಿಖೆಗೆ ರೆಡಿಯಾಗಿದ್ದಾರೆಯಂತೆ. ಶಿಕ್ಷೆಯಿಂದ ತಪ್ಪಿಸಿಕೊಳ್ಳಲು ಬಲವಾದ ಕಾರಣ ತೋರಿಸಲು ಹೊರಟಿದ್ದಾರೆ ಎಂಬ ಮಾತು ಕೇಳಿ ಬಂದಿದೆ. ಸಿನಿಮಾ ವಲಯದಲ್ಲಿ ಕೇಳಿಬರುತ್ತಿರುವ ಮಾಹಿತಿ ಪ್ರಕಾರ ಅವರು ತೋರಿಸುತ್ತಿರುವ ಕಾರಣದಿಂದ ಈ ವಿವಾದಕ್ಕೆ ಯಾವುದೇ ತೊಂದರೆ ಆಗುವುದಿಲ್ಲವಂತೆ.

ನಯನತಾರಾ ಬಾಡಿಗೆ ತಾಯಿ ದುಬೈನಲ್ಲಿದ್ದಾರೆ. ದುಬೈನಲ್ಲಿ ಬಾಡಿಗೆ ತಾಯ್ತನಕ್ಕೆ ಯಾವುದೇ ನಿಯಮಗಳಿಲ್ಲ ಎಂದು ಹೇಳಲಾಗುತ್ತಿದ್ದು, ಈ ವಿಚಾರದಲ್ಲಿ ನಯನ ದಂಪತಿಗೆ ಯಾವುದೇ ದೊಡ್ಡ ಸಮಸ್ಯೆ ಎದುರಾಗದು ಎನ್ನಲಾಗುತ್ತಿದೆ. ಈ ಲೆಕ್ಕಾಚಾರವನ್ನು ನೋಡಿದರೆ ನಯನ-ವಿಘ್ನೇಶ್ ಸರಿಯಾದ ಪ್ಲಾನ್ ಮಾಡಿಕೊಂಡು ಈ ಸರೊಗಸಿ ವಿಧಾನವನ್ನು ಆಯ್ಕೆ ಮಾಡಿಕೊಂಡಿದ್ದಾರೆ ಎನ್ನಲಾಗುತ್ತಿದೆ.

ವಿಘ್ನೇಶ್ ಅವರೊಂದಿಗಿನ ಮದುವೆಯಾದ ಕೆಲವು ತಿಂಗಳ ನಂತರ, ನಯನತಾರಾ ಶೂಟಿಂಗ್ ಸೆಟ್​ಗೆ ಮರಳಿದರು. ಇತ್ತೀಚೆಗಷ್ಟೇ ಬಿಡುಗಡೆಯಾಗಿ ಯಶಸ್ವಿಯಾದ ಗಾಡ್ ಫಾದರ್ ಸಿನಿಮಾದಲ್ಲಿ ನಯನ ಪ್ರಮುಖ ಪಾತ್ರ ನಿರ್ವಹಿಸಿದ್ದರು. ನಯನತಾರಾ ಈ ಸಿನಿಮಾದ ಯಶಸ್ಸಿನ ಸಂಭ್ರಮದಲ್ಲಿದ್ದಾರೆ.