Nayanthara-Vignesh: 6 ವರ್ಷಗಳ ಹಿಂದೆ ಮದುವೆಯಾಗಿದ್ದ ನಯನತಾರಾ-ವಿಘ್ನೇಶ್! ಸರೋಗಸಿ ವಿವಾದದಲ್ಲಿ ಬಿಗ್ ಟ್ವಿಸ್ಟ್

ನಟಿ ನಯನತಾರಾ ಮತ್ತು ನಿರ್ದೇಶಕ ಪತಿ ವಿಘ್ನೇಶ್ ಶಿವನ್ ಅವರು ಅಕ್ಟೋಬರ್ 9 ರಂದು ಅವಳಿ ಗಂಡುಮಕ್ಕಳಿಗೆ ಪೋಷಕರಾದ ಸಿಹಿ ಸುದ್ದಿ ಕೊಟ್ಟರು. ಆದರೆ ಇದು ಭಾರೀ ಚರ್ಚೆಗೆ ಕಾರಣವಾಯಿತು.

ಅವರ ಮಕ್ಕಳ ಜನನದ ಸುದ್ದಿಯು ವೈರಲ್ ಆದ ನಂತರ ಜನವರಿಯಿಂದ ಭಾರತದಲ್ಲಿ ಬಾಡಿಗೆ ತಾಯ್ತನ ಕಾನೂನುಬಾಹಿರವಾಗಿದೆ ಎಂದು ಹಲವಾರು ಜನರು ಚರ್ಚಿಸಿದ್ದಾರೆ.

ಕೆಲವು ವಿನಾಯಿತಿಗಳನ್ನು ಹೊರತುಪಡಿಸಿ, ಸೆಲೆಬ್ರಿಟಿ ದಂಪತಿಗಳು ನಿಯಮಗಳನ್ನು ಉಲ್ಲಂಘಿಸಿದರೇ ಎನ್ನುವ ಪ್ರಶ್ನೆ ಜೋರಾಗಿ ರಾಜ್ಯ ಸರ್ಕಾರವೂ ಇದರಲ್ಲಿ ಹಸ್ತಕ್ಷೇಪ ಮಾಡಬೇಕಾಯ್ತು.

ತಮಿಳುನಾಡು ಆರೋಗ್ಯ ಸಚಿವ ಮಾ ಸುಬ್ರಮಣಿಯನ್ ಕೂಡ ದಂಪತಿಯ ಬಾಡಿಗೆ ತಾಯ್ತನ ಪ್ರಕ್ರಿಯೆಯ ಬಗ್ಗೆ ಅನುಮಾನಗಳನ್ನು ವ್ಯಕ್ತಪಡಿಸಿದರು.

ಅವರು ಕಾನೂನಿನ ಪ್ರಕಾರ ಹೋಗಿದ್ದಾರೆಯೇ ಎಂದು ವಿಚಾರಿಸಲು ವೈದ್ಯಕೀಯ ಸೇವೆಗಳ ನಿರ್ದೇಶಕರನ್ನು ಕೇಳುವುದಾಗಿ ಹೇಳಿದ್ದಾರೆ.

ದಂಪತಿಗಳು ತಮ್ಮ ವಿವಾಹದ ನಾಲ್ಕು ತಿಂಗಳೊಳಗೆ ಪೋಷಕರಾಗಿದ್ದರಿಂದ ಇದು ವಿವಾದವನ್ನು ಹುಟ್ಟುಹಾಕಿತು. ಇದೀಗ ತಮಿಳುನಾಡು ಆರೋಗ್ಯ ಇಲಾಖೆಗೆ ದಂಪತಿ ಸಲ್ಲಿಸಿರುವ ಅಫಿಡವಿಟ್ ಪ್ರಕಾರ, ಅವಳಿ ಮಕ್ಕಳು ಜನಿಸಿದ ಬಾಡಿಗೆ ತಾಯಿಗೆ ನಟಿ ನಯನತಾರಾ ಸಂಬಂಧಿ ಎಂದು ತಿಳಿದುಬಂದಿದೆ.

ಅದು ಕಾನೂನಿನ ಪ್ರಕಾರ ಮಾಡಲಾಗಿದೆ ಎನ್ನಲಾಗಿದೆ. ಬಾಡಿಗೆದಾರರು ದುಬೈನಿಂದ ಹೊರಗಿದ್ದಾರೆ. ಆ ದೇಶದಲ್ಲಿ ನಯನತಾರಾ ಸರೋಗಸಿ ಕೆಲಸಗಳನ್ನು ಮಾಡಿದ್ದಾರೆ ಎನ್ನಲಾಗಿದೆ.

ನಯನತಾರಾ ಮತ್ತು ವಿಘ್ನೇಶ್ ಆರು ವರ್ಷಗಳ ಹಿಂದೆ ತಮ್ಮ ವಿವಾಹವನ್ನು ನೋಂದಾಯಿಸಿಕೊಂಡಿದ್ದಾರೆ ಎಂದು ಅಫಿಡವಿಟ್‌ನಲ್ಲಿ ಉಲ್ಲೇಖಿಸಲಾಗಿದೆ. ಅಂದರೆ ಈ ಜೋಡಿ ಮದುವೆಯಾಗಿ 6 ವರ್ಷ ಆಗಿದೆ.

ದಂಪತಿ ಸರೋಗಸಿ ಬಗ್ಗೆ ಸ್ಪಷ್ಟನೆ ನೀಡಿದ್ದರೂ ಇದು ಎಷ್ಟರ ಮಟ್ಟಿಗೆ ಮನವರಿಕೆಯಾಗಲಿದೆ ಅಥವಾ ಮುಂದೆ ಸಮಸ್ಯೆಯಾಗುವುದಿಲ್ಲ ಎನ್ನುವ ಬಗ್ಗೆ ಇನ್ನೂ ಸ್ಪಷ್ಟನೆ ಇಲ್ಲ.