Nayanthara: ಫೋನ್ ಒಡೆದು ಹಾಕ್ತೀನಿ! ಅಭಿಮಾನಿ ಮೇಲೆ ಸಿಟ್ಟಾದ ನಯನತಾರಾ

ಕಾಲಿವುಡ್ ನಟಿ ನಯನತಾರಾ ಹಾಗೂ ವಿಘ್ನೇಶ್ ಶಿವನ್ ಅವರು ಇತ್ತೀಚೆಗೆ ಕಾಮಾಕ್ಷಿ ಅಮ್ಮನ್ ದೇವಾಲಯಕ್ಕೆ ಭೇಟಿ ಕೊಟ್ಟಿದ್ದಾರೆ. ಕುಂಭಕೋಣಂ ಸಮೀಪದ ಕಾಮಾಕ್ಷಿ ದೇವಾಲಯಕ್ಕೆ ಬಂದ ಜೋಡಿ ಈಗ ಸುದ್ದಿಯಾಗಿದ್ದಾರೆ.

ಆದರೆ ದೇವರ ದರ್ಶನ ಮೊದಲೇ ಪ್ಲಾನ್ ಮಾಡಿದಂತೆ ನಡೆದಿಲ್ಲ. ಬದಲಾಗಿ ನಯನತಾರಾ ದಂಪತಿ ಬಂದ ಕಾರಣ ದೊಡ್ಡ ಸಂಖ್ಯೆಯಲ್ಲಿ ಅಭಿಮಾನಿಗಳು ಸೇರಿದ್ದರು. ಲೇಡಿ ಸೂಪರ್​ಸ್ಟಾರ್​ ಅವರನ್ನು ನೋಡಲು ಬಂದ ಅಭಿಮಾನಿಗಳಿಂದಾಗಿ ದಂಪತಿಗೆ ದೇವರ ದರ್ಶನ ಮಾಡಲು ಸಮಸ್ಯೆಯಾಯಿತು.

ಪೊಲೀಸರು ಪರಿಸ್ಥಿತಿಯನ್ನು ನಿಭಾಯಿಸಲು ಸಾಕಷ್ಟು ಪ್ರಯತ್ನಪಟ್ಟಿದ್ದರು. ಪೂಜೆ ಆದ ನಂತರ ನಯನತಾರಾ ಹಾಗೂ ವಿಘ್ನೇಶ್ ಇನ್ನೊಂದು ದೇವಾಲಯದತ್ತ ತೆರಳಿದ್ದಾರೆ. ಆ ಸಂದರ್ಭ ನಟಿ ಅಭಿಮಾನಿಯ ಮೇಲೆ ಸಿಟ್ಟಾದ್ರು.

ವಿಘ್ನೇಶ್ ಶಿವನ್ ಹಾಗೂ ನಯನತಾರಾ ದೇವಸ್ಥಾನಕ್ಕೆ ಬಂದಾಗ ಅಭಿಮಾನಿಗಳು ಮುಗಿಬಿದ್ದರು. ಅಭಿಮಾನಿಗಳು ಈ ಜೋಡಿಯನ್ನು ರೈಲ್ವೇ ನಿಲ್ದಾಣದಲ್ಲಿ ಭೇಟಿಯಾಗಿ ಸ್ವಾಗತಿಸಿದ್ದಾರೆ. ನಟಿಯ ಫೋಟೋ ತೆಗೆಯಲು ಪ್ರಯತ್ನಿಸುತ್ತಿದ್ದ ಅಭಿಮಾನಿ ಮೇಲೆ ನಟಿ ಸಿಟ್ಟಾದರು.

ಅಭಿಮಾನಿ ನಯನತಾರಾ ಅವರ ಫೋಟೋ ಕ್ಲಿಕ್ ಮಾಡಲು ಪ್ರಯತ್ನಿಸುತ್ತಿದ್ದರು. ಇದರಿಂದ ಸಿಟ್ಟಾದ ನಯನತಾರಾ ಫೋನ್ ಒಡೆದು ಹಾಕ್ತೀನಿ ಎಂದು ಸಿಟ್ಟಾಗಿದ್ದಾರೆ.

ನಯನತಾರಾ ತಮಿಳು ಸಿನಿಮಾ ಇಂಡಸ್ಟ್ರಿಯಲ್ಲಿ ಫೇಮಸ್ ಹೆಸರು. ನಯನತಾರಾ ಅವರು ಕನೆಕ್ಟ್ ಸಿನಿಮಾದಲ್ಲಿ ಕೊನೆಯಬಾರಿ ಕಾಣಿಸಿಕೊಂಡಿದ್ದರು. ಈ ಹಾರರ್ ಸಿನಿಮಾವನ್ನು ಅಶ್ವಿನ್ ಶರವಣನ್ ಅವರು ನಿರ್ದೇಶಿಸಿದ್ದರು.

ನಯನತಾರಾ ಅವರು ಸದ್ಯ ಬಾಲಿವುಡ್​ನ ಜವಾನ್ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ನಟಿ ಇದರಲ್ಲಿ ಶಾರುಖ್ ಖಾನ್ ಅವರ ಜೊತೆ ತೆರೆ ಹಂಚಿಕೊಳ್ಳಲಿದ್ದಾರೆ. ಕಿಂಗ್ ಖಾನ್ ಆ್ಯಕ್ಷನ್ ಸಿನಿಮಾ ಮೂಲಕ ಬಾಲಿವುಡ್​ಗೆ ಎಂಟ್ರಿ ಕೊಟ್ಟಿದ್ದಾರೆ.

ಈ ಸಿನಿಮಾವನ್ನು ಅಟ್ಲೀ ನಿರ್ದೇಶಿಸುತ್ತಿದ್ದಾರೆ. ಇದರಲ್ಲಿ ವಿಜಯ್ ಸೇತುಪತಿ ಹಾಗೂ ಪ್ರಿಯಾಮಣಿ ಕೂಡಾ ನಟಿಸಿದ್ದಾರೆ. ಈ ವರ್ಷದ ಕೊನೆಯಲ್ಲಿ ಸಿನಿಮಾ ರಿಲೀಸ್ ಆಗುವ ಸಾಧ್ಯತೆ ಇದೆ. ನಯನತಾರಾ ಇರೈವನ್ ಸಿನಿಮಾವನ್ನು ಮಾಡುತ್ತಿದ್ದಾರೆ.