Nayanthara-Casting Couch: ಕಾಸ್ಟಿಂಗ್ ಕೌಚ್‌ ಬಗ್ಗೆ ನಯನತಾರಾ ಶಾಕಿಂಗ್ ಹೇಳಿಕೆ! ಲೇಡಿ ಸೂಪರ್‌ಸ್ಟಾರ್‌ಗೂ ಆಗಿತ್ತಾ ಕಹಿ ಅನುಭವ?

ಕಾಸ್ಟಿಂಗ್ ಕೌಚ್ ಎಂಬುದು ಚಿತ್ರರಂಗದಲ್ಲಿ ಎಂದಿಗೂ ಮುಗಿಯದ ಗಂಭೀರ ಆರೋಪ ಸಿನಿಮಾ ಅವಕಾಶಗಳ ಹೆಸರಿನಲ್ಲಿ ಮಹಿಳೆಯರನ್ನು ದೈಹಿಕವಾಗಿ ಬಳಸಿಕೊಳ್ಳಲಾಗುತ್ತಿದೆ ಎಂದು ಈಗಾಗಲೇ ಹಲವು ನಾಯಕಿಯರು ಆರೋಪಿಸಿದ್ದಾರೆ. ಇದೀಗ ನಟಿ ನಯನತಾರ ಈ ಬಗ್ಗೆ ಮಾತನಾಡಿದ್ದಾರೆ.

ದಕ್ಷಿಣ ಭಾರತದ ಲೇಡಿ ಸೂಪರ್‌ಸ್ಟಾರ್ ಆಗಿ ಬೆಳೆದ ನಯನತಾರಾ ತಮ್ಮ ವೃತ್ತಿಜೀವನದ ಅನುಭವಗಳ ಬಗ್ಗೆ ಮಾತನಾಡುವಾಗ ಕಾಸ್ಟಿಂಗ್ ಕೌಚ್ ಬಗ್ಗೆ ಆಘಾತಕಾರಿ ಕಾಮೆಂಟ್‌ಗಳನ್ನು ಮಾಡಿದ್ದಾರೆ. ಇಂಡಸ್ಟ್ರಿಯಲ್ಲಿ ಕಾಸ್ಟಿಂಗ್ ಕೌಚ್ ಇದೆ ಎಂದು ನಯನ ಸೆನ್ಸೇಷನಲ್ ಕಾಮೆಂಟ್ ಮಾಡಿದ್ದು, ತಾನೂ ಕೂಡ ಅಂತಹ ಸನ್ನಿವೇಶಗಳನ್ನು ಎದುರಿಸಿದ್ದೇನೆ ಎಂದು ಹೇಳಿದ್ದಾರೆ.

ತಾನು ಇಂಡಸ್ಟ್ರಿಗೆ ಹೊಸಬಳಾದ್ದಾಗ ಕಾಸ್ಟಿಂಗ್ ಕೌಚ್ ಅನುಭವಗಳನ್ನು ಎದುರಿಸಿದ್ದೆ ಎಂದಿದ್ದಾರೆ. ಕಮಿಟ್ ಮೆಂಟ್ ಮಾಡಿಕೊಳ್ಳುವಂತೆ ಕೆಲವರು ಕಿರುಕುಳ ನೀಡಿದ್ದಾರೆ ಎಂದು ಹೇಳಿದ್ದಾರೆ.

ಅವರ ಬೇಡಿಕೆಗಳನ್ನು ನೇರವಾಗಿ ತಿರಸ್ಕರಿಸಿದ್ದೇನೆ ಎಂದು ನಯನತಾರಾ ಹೇಳಿದ್ದಾರೆ. ಆ ಘಟನೆಯ ನಂತರ ನನ್ನೊಂದಿಗೆ ಯಾರೂ ಈ ರೀತಿ ಹುಚ್ಚುಚ್ಚಾಗಿ ವರ್ತಿಸಲಿಲ್ಲ ಎನ್ನುತ್ತಾರೆ ನಯನ. ತನ್ನ ಪ್ರತಿಭೆಯನ್ನು ನಂಬಿ ಈ ಮಟ್ಟಕ್ಕೆ ಬಂದಿದ್ದೇನೆ ಎಂದರು.

ಇಂಡಸ್ಟ್ರಿಯಲ್ಲಿ ಕಾಸ್ಟಿಂಗ್ ಕೌಚ್ ಇದೆ ಎಂದ ನಯನತಾರಾ.. ಅದು ನಮ್ಮ ನಡವಳಿಕೆಯ ಮೇಲೂ ಅವಲಂಬಿತವಾಗಿದೆ ಎಂಬುದು ಗಮನಾರ್ಹ. ನಮ್ಮ ನಡತೆ ಸರಿಯಿಲ್ಲದಿದ್ದರೂ ಇಂತಹ ಕಷ್ಟಗಳು ಬರುತ್ತವೆ ಎಂದಿದ್ದಾರೆ.

ನಯನ ಮಾಡಿರುವ ಈ ಕಾಮೆಂಟ್‌ಗಳ ಬಗ್ಗೆ ಭಿನ್ನಾಭಿಪ್ರಾಯ ವ್ಯಕ್ತವಾಗಿದೆ. ಇದು ಈ ಹಿಂದೆ ನಡೆದಿದ್ದರೆ ಈಗ ಬಹಿರಂಗಪಡಿಸುವುದೇಕೆ? ಎಂದು ಕೆಲವರು ಪ್ರಶ್ನಿಸುತ್ತಿದ್ದರೆ, ಇನ್ನು ಕೆಲವರು ಮೀಟೂ ಆಂದೋಲನದ ಸಂದರ್ಭದಲ್ಲಿ ಸುಮ್ಮನಿರುವುದೇಕೆ ಅಂತ ಪ್ರಶ್ನಿಸಿದ್ದಾರೆ.

ಬೆಳ್ಳಿತೆರೆಯಲ್ಲಿ ತಮ್ಮ ಪವರ್ ತೋರಿಸುತ್ತಿರುವ ನಯನತಾರಾ ಹಲವು ಭಾಷೆಗಳಲ್ಲಿ ಸೂಪರ್ ಡೂಪರ್ ಹಿಟ್ ಸಿನಿಮಾ ಮಾಡಿದ್ದಾರೆ. ಸದ್ಯ ಅವರು ಕನೆಕ್ಟ್ ಸಿನಿಮಾ ಮಾಡುತ್ತಿದ್ದಾರೆ. ಚಿತ್ರದ ಪ್ರಚಾರದ ಭಾಗವಾಗಿ ಕಾಸ್ಟಿಂಗ್ ಕೌಚ್ ಕುರಿತು ನಯನತಾರಾ ಪ್ರತಿಕ್ರಿಯಿಸಿದ್ದಾರೆ.

ನಯನತಾರಾ ಇತ್ತೀಚೆಗೆ ವಿಘ್ನೇಶ್ ಶಿವನ್ ಅವರನ್ನು ವಿವಾಹವಾದರು. ಜೂನ್ 9 ರಂದು ಮಹಾಬಲಿಪುರಂನಲ್ಲಿ ಅವರ ಮದುವೆ ಅದ್ಧೂರಿಯಾಗಿ ನಡೆಯಿತು.

ಮದುವೆಯಾದ ನಾಲ್ಕು ತಿಂಗಳ ನಂತರ ತಮಗೆ ಅವಳಿ ಮಕ್ಕಳಿದ್ದಾರೆ ಎಂದು ಘೋಷಿಸಿದ ನಯನ ವಿಘ್ನೇಶ್ ದಂಪತಿ ದಿಢೀರ್ ಶಾಕ್ ನೀಡಿದ್ದರು. ಬಾಡಿಗೆ ತಾಯ್ತನದ ಮೂಲಕ ದಂಪತಿಗೆ ಪೋಷಕರಾಗಿ ಬಡ್ತಿ ಪಡೆದ್ರು.