Nayanathara: ಮದುವೆಯಾಗಿ 4 ತಿಂಗಳಿಗೆ ಮಗು! ಹೊಸ ಫೋಟೋಸ್ ವೈರಲ್

ಇತ್ತೀಚೆಗೆ ದಕ್ಷಿಣದ ಪ್ರಸಿದ್ಧ ನಿರ್ದೇಶಕ ವಿಘ್ನೇಶ್ ಶಿವನ್ ಅವರು ನಯನತಾರಾ ಅವರ ಅವಳಿ ಮಕ್ಕಳೊಂಗಿನ ಕೆಲವು ಹೊಸ ಫೋಟೋಸ್ ಶೇರ್ ಮಾಡಿದ್ದಾರೆ. ಚಿತ್ರಗಳಲ್ಲಿ, ಲೇಡಿ ಸೂಪರ್​ ಸ್ಟಾರ್ ತನ್ನ ಮಕ್ಕಳನ್ನು ತೋಳುಗಳಲ್ಲಿ ಹಿಡಿದಿರುವುದನ್ನು ಕಾಣಬಹುದು.

ಚಿತ್ರ ನಿರ್ಮಾಪಕರು ತಮ್ಮ ಪತ್ನಿ ಅಂದರೆ ನಯನತಾರಾ ಅವರನ್ನು ವಿಶ್ವದ ಅತ್ಯುತ್ತಮ ತಾಯಿ ಎಂದು ಬಣ್ಣಿಸಿದ್ದಾರೆ. ತಾಯಂದಿರ ದಿನದ ವಿಶೇಷ ದಿನದಂದು ಅಂದರೆ ಮೇ 14 ರಂದು ಈ ಫೋಟೋಸ್ ಹಂಚಿಕೊಂಡಿದ್ದಾರೆ. ಈ ಬಗ್ಗೆ ಅಭಿಮಾನಿಗಳಿಂದ ಸಾಕಷ್ಟು ಕಮೆಂಟ್‌ಗಳು ಬರುತ್ತಿವೆ.

ಚಿತ್ರಗಳನ್ನು ಹಂಚಿಕೊಂಡ ವಿಘ್ನೇಶ್, 'ವಿಶ್ವದ ಅತ್ಯುತ್ತಮ ತಾಯಿಗೆ ಮೊದಲ ತಾಯಂದಿರ ದಿನದ ಶುಭಾಶಯಗಳು' ಎಂದು ಶೀರ್ಷಿಕೆ ನೀಡಿದ್ದಾರೆ. ಮಕ್ಕಳು ಹುಟ್ಟಿದಾಗ ಆಸ್ಪತ್ರೆಯಿಂದ ತೆಗೆದ ಫೋಟೋಗಳಂತೆ ಕಾಣಿಸುತ್ತದೆ. ನಟಿ ತನ್ನ ಮಗುವನ್ನು ತನ್ನ ತೋಳುಗಳಲ್ಲಿ ಹಿಡಿದಿದ್ದರು. ತಾಯಿಯಾದ ಮೇಲೆ ಅವರ ಮುಖದಲ್ಲಿ ಸಂತೋಷ ಸ್ಪಷ್ಟವಾಗಿ ಕಾಣಿಸಿದೆ.

ಮತ್ತೊಂದು ಪೋಸ್ಟ್‌ನಲ್ಲಿ ವಿಘ್ನೇಶ್ ಅವರು ನಯನತಾರಾ ತಮ್ಮ ಮಕ್ಕಳನ್ನು ಮುದ್ದಿಸುತ್ತಿರುವ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ. ಈ ಚಿತ್ರಗಳನ್ನು ಹಂಚಿಕೊಂಡಿರುವ ಅವರು, 'ಪ್ರೀತಿಯ ನಯನ' ತಾಯಿಯಾಗಿ ನೀವು ಸಹ 10 ರಲ್ಲಿ 10 ಎಂದು ಕ್ಯಾಪ್ಶನ್ ಬರೆದಿದ್ದಾರೆ. ನನ್ನ ಚಿನ್ನ, ನಿನಗೆ ಬಹಳಷ್ಟು ಪ್ರೀತಿ ಮತ್ತು ಶಕ್ತಿ! ನಿಮ್ಮ ಮೊದಲ ತಾಯಂದಿರ ದಿನ ಮತ್ತು ನಮ್ಮೆ ಕನಸು ನನಸಾಗಿದೆ ಎಂದಿದ್ದಾರೆ.

ನಯನತಾರಾ ಮತ್ತು ವಿಘ್ನೇಶ್ ಶಿವನ್ ಜೂನ್ 9, 2022 ರಂದು ವಿವಾಹವಾದರು. ನಾಲ್ಕು ತಿಂಗಳ ನಂತರ ಬಾಡಿಗೆ ತಾಯ್ತನದ ಮೂಲಕ ಅವಳಿ ಗಂಡು ಮಕ್ಕಳನ್ನು ಸ್ವಾಗತಿಸಿದರು. ಅಕ್ಟೋಬರ್‌ನಲ್ಲಿ ಡೈರೆಕ್ಟರ್ ಇಂಟರ್ನೆಟ್‌ನಲ್ಲಿ ತಂದೆಯಾದ ಸುದ್ದಿಯನ್ನು Instagramನಲ್ಲಿ ಶೇರ್ ಮಾಡಿದ್ದರು.

ಬಾಡಿಗೆ ತಾಯ್ತನಕ್ಕೆ ಸಂಬಂಧಿಸಿದಂತೆ ಭಾರತದಲ್ಲಿ ಕಟ್ಟುನಿಟ್ಟಿನ ಕಾನೂನಿರುವ ಕಾರಣ ಈ ಬಗ್ಗೆ ಕೆಲವು ವಿವಾದಗಳೂ ನಡೆದಿದ್ದವು.

ಕೆಲವು ವಿಶೇಷ ಪ್ರಕರಣಗಳ ಹೊರತಾಗಿ, ಬಾಡಿಗೆ ತಾಯ್ತನವನ್ನು ಜನವರಿ 2022 ರಿಂದ ದೇಶದಲ್ಲಿ ಕಾನೂನುಬಾಹಿರವೆಂದು ಘೋಷಿಸಲಾಗಿದೆ ಎಂದು ಅನೇಕ ಕಾನೂನು ತಜ್ಞರು ಹೇಳುತ್ತಾರೆ.