Bollywood Actor: ಪ್ರತಿ ತಿಂಗಳೂ 10 ಲಕ್ಷ ಕೊಟ್ರೂ ಆಕೆಗೆ ಸಾಕಾಗುತ್ತಿಲ್ಲ, ಹಣಕ್ಕಾಗಿ ಡ್ರಾಮಾ ಮಾಡ್ತಿದ್ದಾಳೆ ಎಂದ್ರು ನಟ ನವಾಜುದ್ದೀನ್ ಸಿದ್ಧಿಕಿ

ಆಲಿಯಾ ಅವರ ನಿರಂತರ ಆರೋಪಗಳಿಗೆ ನವಾಜುದ್ದೀನ್ ಸಿದ್ದಿಕಿ ಪ್ರತಿಕ್ರಿಯಿಸಿರಲಿಲ್ಲ, ಆದರೆ ಅವರ ಮೌನ ಎಲ್ಲರ ಕಣ್ಣಿಗೂ ಅವರೇ ವಿಲನ್ ಎಂಬಂತೆ ಕಾಣ್ತಿತ್ತು. ಇದೀಗ ನಟ ಎಲ್ಲದ್ದಕ್ಕೂ ಉತ್ತರ ನೀಡಿದ್ದಾರೆ. ಸೋಷಿಯಲ್ ಮೀಡಿಯಾದಲ್ಲಿ ಬರೆದುಕೊಂಡ ನಟ, ತನ್ನ ಇಬ್ಬರು ಮಕ್ಕಳಿಗಾಗಿ ನಾನು ಯಾವುದೇ ಆರೋಪಗಳಿಗೆ ಪ್ರತಿಕ್ರಿಯಿಸಲಿಲ್ಲ ಎಂದು ಹೇಳಿದ್ದಾರೆ.

ಸೋಶಿಯಲ್ ಮೀಡಿಯಾಗಳು, ಮಾಧ್ಯಮಗಳಲ್ಲಿ ಹರಿದಾಡ್ತಿರುವ ಈ ಎಲ್ಲಾ ಆರೋಪಗಳು ಸುಳ್ಳು. ನಾನು ಆಲಿಯಾ ಗಂಡ-ಹೆಂಡತಿ ಅಲ್ಲ ನಾವು ವರ್ಷಗಳ ಹಿಂದೆಯೇ ವಿಚ್ಛೇದನ ಪಡೆದಿದ್ದೇವೆ ಎಂದು ನವಾಜುದ್ದೀನ್ ಹೇಳಿದ್ದಾರೆ. ಆಲಿಯಾ ನಾನು ಪತಿ-ಪತ್ನಿಗಳಲ್ಲ, ವರ್ಷಗಳ ಕಾಲ ಬೇರೆಯಾಗಿದ್ದೇವೆ ಮತ್ತು ವಿಚ್ಛೇದನ ಪಡೆದಿದ್ದೇವೆ ಎಂದು ಸ್ಪಷ್ಟಪಡಿಸಿದರು. ಅವರು ಮಕ್ಕಳ ಜವಾಬ್ದಾರಿಯನ್ನು ಮಾತ್ರ ಒಪ್ಪುತ್ತಾರೆ.

ಕಳೆದ 45 ದಿನಗಳಿಂದ ನನ್ನ ಮಕ್ಕಳು ಬಂಧಿಯಾಗಿದ್ದಾರೆ. ದುಬೈನಲ್ಲಿ ಶಾಲೆಗೆ ಹೋಗಿ 45 ದಿನಗಳಾಗಿವೆ. ಆಲಿಯಾ ತನ್ನ ಮಕ್ಕಳನ್ನು ದುಬೈನಲ್ಲಿ ನಾಲ್ಕು ತಿಂಗಳು ಬಿಟ್ಟು ಹಣಕ್ಕಾಗಿ ಮನೆಗೆ ಕರೆತರುತ್ತಾಳೆ.

ಕಳೆದ 2 ವರ್ಷಗಳಿಂದ ತಮ್ಮ ಮಾಜಿ ಪತ್ನಿಗೆ ಪ್ರತಿ ತಿಂಗಳು ಕನಿಷ್ಠ 10 ಲಕ್ಷ ಕೊಡುತ್ತಿದ್ದೇನೆ. ಮಕ್ಕಳೊಂದಿಗೆ ದುಬೈಗೆ ತೆರಳುವ ಮುನ್ನ ತಿಂಗಳಿಗೆ 5-7 ಲಕ್ಷ ರೂ ಕೊಡ್ತೇನೆ. ಇದು ಶಾಲಾ ಪೀಸ್ ಹಾಗೂ ಪ್ರಯಾಣ ಮತ್ತು ಆಸ್ಪತ್ರೆ ವೆಚ್ಚಗಳಿಗಾಗಿ ನೀಡ್ತಿದ್ದೇನೆ.

ಆಲಿಯಾ ತನ್ನ ಮಕ್ಕಳ ತಾಯಿ ಎಂಬ ಕಾರಣಕ್ಕೆ ಆರ್ಥಿಕವಾಗಿ ಸಹಾಯ ಮಾಡಲು ಸಿದ್ಧನಾಗಿದ್ದೆ. ಮಕ್ಕಳಿಗೆ ಓಡಾಡಲು ದುಬಾರಿ ಕಾರುಗಳನ್ನು ಖರೀದಿಸಿ ನೀಡಿದ್ದೆ. ಆದರೆ ಆಲಿಯಾ ಕಾರುಗಳನ್ನು ಮಾರಿ ಆ ಹಣವನ್ನು ತನ್ನ ಸ್ವಂತ ಅಗತ್ಯಗಳಿಗಾಗಿ ಬಳಸಿಕೊಂಡಿದ್ದಾಳೆ.

ಮಕ್ಕಳಿಗಾಗಿ ವೆರ್ಸೋವಾದಲ್ಲಿ ದುಬಾರಿ ಅಪಾರ್ಟ್ ಮೆಂಟ್ ಕೂಡ ಖರೀದಿಸಿದ್ದೆ. ದುಬೈನಲ್ಲಿ ಅಪಾರ್ಟ್ಮೆಂಟ್ ಬಾಡಿಗೆಗೆ ನೀಡಲಾಗಿತ್ತು. ಆಲಿಯಾ ಅಲ್ಲಿ ಆರಾಮವಾಗಿ ವಾಸಿಸುತ್ತಿದ್ದಾಳೆ.

ನನ್ನಿಂದ ಹೆಚ್ಚು ಹಣ ಪಡೆಯುವುದೊಂದೇ ಆಲಿಯಾಳ ಗುರಿ ಎಂದು ಸಿದ್ದಿಕಿ ಆರೋಪಿಸಿದ್ದಾರೆ. ಇದಕ್ಕಾಗಿ ಅವಳು ತನ್ನ ಮತ್ತು ತನ್ನ ತಾಯಿಯ ವಿರುದ್ಧ ನಿರಂತರವಾಗಿ ದೂರು ನೀಡುತ್ತಿದ್ದಾಳೆ. ಹಣ ಕೊಟ್ರೆ ದೂರು ಹಿಂಪಡೆಯುತ್ತಾಳೆ ಎಂದು ಹೇಳಿದ್ದಾರೆ.