ನವರಾತ್ರಿ ವಿಶೇಷ: ದೇವಿಯ ಅವತಾರ ತಾಳಿದ ನಟಿ Shwetha Srivatsav

ಸದಾ ವಿಭಿನ್ನವಾದ ಹಾಗೂ ಆಯಾ ಸಂದರ್ಭಕ್ಕೆ ತಕ್ಕಂತೆ ಫೋಟೋಶೂಟ್​ ಮಾಡುವುಕ್ಕೆ ಖ್ಯಾತರಾಗಿರುವ ನಟಿ ಶ್ವೇತಾ ಶ್ರೀವಾತ್ಸವ. ಈ ಸಲ ನವರಾತ್ರಿಯ ಪ್ರಯುಕ್ತ ವಿಶೇಷವಾಗಿ ಫೋಟೋಶೂಟ್​ಗೆ ಪೋಸ್​ ಕೊಟ್ಟಿದ್ದಾರೆ. 

ದಸರಾ ಹಬ್ಬಕ್ಕೆಂದು ಮಾಡಿರುವ ಫೋಟೋಶೂಟ್​ನಲ್ಲಿ ಶ್ವೇತಾ ಶ್ರೀವಾತ್ಸವ ಅವರು ದುರ್ಗೆಯ ಅವತಾರ ತಾಳಿದ್ದಾರೆ. ಮಗಳ ಜತೆ ದೇವಿಯ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ.

ಹಬ್ಬದ ನಿಮಿತ್ತ ದೇವಿಯ ಉಡುಗೆ ತೊಟ್ಟು, ಥೇಟ್​ ದೇವಿಯ ರೂಪದಲ್ಲಿಯೇ ಫೋಟೋಶೂಟ್​ಗೆ ಪೋಸ್​ ಕೊಟ್ಟಿದ್ದಾರೆ. ಆ ಚಿತ್ರಗಳನ್ನು ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಶ್ವೇತಾ ಶ್ರೀವಾತ್ಸವರು ಆಧುನಿಕ ಮಹಿಳೆ ಏನೆಲ್ಲ ಕೆಲಸಗಳನ್ನು ಮಾಡುತ್ತಾಳೆ ಎಂಬುದನ್ನು ಈ ಫೋಟೋಶೂಟ್​ನಲ್ಲಿ ತೋರಿಸಿದ್ದಾರೆ. ಒಂದು ಮಗಳ ಆರೈಕೆಯ ತಾಯಿಯಾಗಿ ಕಾಣಿಸಿಕೊಂಡಿದ್ದಾರೆ.

ಒಂದು ಕೈಯಲ್ಲಿ ಭಗವದ್ಗೀತೆ, ಚಾಕು, ಲ್ಯಾಪ್​ಟಾಪ್​, ಪೆನ್ನು, ಯೋಗ ಮ್ಯಾಟ್​, ಗಿಡದ ಪಾಟ್​, ಗ್ಯಾಸ್ ಲೈಟರ್, ಮೊಬೈಲ್​ ಜೊತೆಗೆ ಮಗಳನ್ನು ಎತ್ತಿಕೊಂಡಿದ್ದಾರೆ. ಶ್ವೇತಾ ಅವರ ಈ ಫೋಟೋಗೆ ನೆಟ್ಟಿಗರು ಸಖತ್ತಾಗಿ ಕಮೆಂಟ್ ಮಾಡುತ್ತಿದ್ದಾರೆ.

ಮಗಳು ಅಶ್ಮಿತಾಳಿಗೂ ಸೀರೆಯುಡಿಸಿ, ಆಭರಣಗಳನ್ನು ಧರಿಸಿ, ಕೈಗೆ ತ್ರಿಶೂಲ ಕೊಟ್ಟು ಕ್ಯೂಟ್​ ಪೋಟೋಶೂಟ್​ ಮಾಡಿಸಿದ್ದಾರೆ ಶ್ವೇತಾ ಶ್ರೀವಾತ್ಸವ. ಇನ್ನು ಸಿಂಪಲ್ ನಟಿಯ ಸಿನಿಮಾ ವಿಷಯಕ್ಕೆ ಬಂದರೆ ಹೋಪ್​ ಎಂಬ ಚಿತ್ರದಲ್ಲಿ ನಟಿಸುತ್ತಿದ್ದಾರೆ.