Nargis Fakhri: ಬಾಲಿವುಡ್​ನಲ್ಲಿ ಲೈಂಗಿಕ ಶೋಷಣೆ; ಕಾಸ್ಟಿಂಗ್ ಕೌಚ್ ಬಗ್ಗೆ ನಟಿ ನರ್ಗೀಸ್ ಫಕ್ರಿ ಶಾಕಿಂಗ್ ಸ್ಟೇಟ್​ಮೆಂಟ್​

ನರ್ಗಿಸ್ ಫಕ್ರಿ ಇಮ್ತಿಯಾಜ್ ಅಲಿ ಅವರ ರಾಕ್​ಸ್ಟಾರ್ ಚಿತ್ರದ ಮೂಲಕ ಬಾಲಿವುಡ್​ಗೆ ಎಂಟ್ರಿ ಮಾಡಿದ ನಟಿ ನರ್ಗಿಸ್ ಫಕ್ರಿ. ಇದೀಗ ನರ್ಗಿಸ್ ಹೇಳಿಕೆ ಬಾಲಿವುಡ್​ನಲ್ಲಿ ಭಾರೀ ಸಂಚಲನ ಮೂಡಿಸಿದೆ.

ಇತ್ತೀಚೆಗೆ ಸಂದರ್ಶನವೊಂದರಲ್ಲಿ ಮಾತಾಡಿದ ನರ್ಗೀಸ್ ಬಾಲಿವುಡ್​ನಲ್ಲಿನ ತನ್ನ ಸಿನಿಮಾ ಏರಿಳಿತ ಹಾಗೂ ಸಿನಿ ಜರ್ನಿ ಬಗ್ಗೆ ಮಾತಾಡಿದ್ದಾರೆ. ಅಷ್ಟೇ ಅಲ್ಲದೇ ಈ ವೇಳೆ ಬಾಲಿವುಡ್​ನಲ್ಲಿ ನಡೆಯೋ ಲೈಂಗಿಕ ಶೋಷಣೆಯ ಬಗ್ಗೆಯೂ ಪ್ರತಿಕ್ರಿಯಿಸಿದ್ದಾರೆ.

ಲೈಂಗಿಕ ಕಿರುಕುಳ ಅನೇಕ ಕ್ಷೇತ್ರಗಳಲ್ಲಿದೆ. ಬಾಲಿವುಡ್​ನಲ್ಲಿ ನಟಿಯರಿಗೆ ಲೈಂಗಿಕ ಕಿರುಕುಳ ನೀಡಲಾಗುತ್ತಿದ್ಯಾ ಎನ್ನುವ ಪ್ರಶ್ನೆಯನ್ನು ನಟಿಗೆ ಕೇಳಲಾಗಿದೆ.

ಈ ಪ್ರಶ್ನೆಗೆ ಉತ್ತರಿಸಿದ ನಟಿ ನರ್ಗೀಸ್, ಈ ಇಂಡಸ್ಟ್ರಿಯಲ್ಲಿ ಎಲ್ಲರೂ ಅವರವರ ಮನಸ್ಸಿಗೆ ತಕ್ಕಂತೆ ನಡೆದುಕೊಳ್ಳುತ್ತಾರೆ. ಸರ್ವೈವಲ್ ಆಫ್ ದಿ ಫಿಟೆಸ್ಟ್ ತತ್ವವು ಇಲ್ಲಿ ಅನ್ವಯಿಸುತ್ತದೆ ಎಂದು ಅನೇಕ ಜನರು ಹೇಳುತ್ತಾರೆ.

ಆದರೆ ಏನನ್ನಾದರೂ ಪಡೆಯಲು ನಾನು ಏನು ಬೇಕಾದ್ರೂ ಮಾಡಲು ಸಿದ್ಧವಿಲ್ಲ. ನನ್ನ ಮಾನಸಿಕ ಮತ್ತು ದೈಹಿಕ ಆರೋಗ್ಯವು ನನಗೆ ಅತ್ಯಂತ ಮುಖ್ಯವಾಗಿದೆ ಎಂದು ನಟಿ ನರ್ಗೀಸ್ ಹೇಳಿದ್ದಾರೆ.

ನರ್ಗಿಸ್ ಫಕ್ರಿ, ನಾನು ಇತರರಂತೆ ಕೆಟ್ಟ ಅನುಭವವನ್ನು ಹೊಂದಿಲ್ಲ ಅದೇ ನನ್ನ ಅದೃಷ್ಟ. ಆದರೆ, ಇಲ್ಲಿ ಜನರು ಹೆಚ್ಚಾಗಿ ಒತ್ತಡ ಹೇರುತ್ತಾರೆ. ಅಷ್ಟೇ ಅಲ್ಲದೇ ಸಿನಿಮಾ, ಸಂಭಾವನೆ ವಿಚಾರದಲ್ಲಿ ವಿವಿಧ ಬೇಡಿಕೆಗಳನ್ನು ಇಡುತ್ತಾರೆ.

ಆದರೆ ನಾನು ಇಂತಹ ಜನರು ಹಾಗೂ ಘಟನೆಗಳಿಂದ ದೂರವಿರಲು ಪ್ರಯತ್ನಿಸುತ್ತೇನೆ. ನನ್ನ ಮಿತಿ ನನಗೆ ಗೊತ್ತು ಎಂದು ನರ್ಗಿಸ್ ಫಕ್ರಿ ಹೇಳಿದರು.

ಸಿನಿಮಾ ಬಗ್ಗೆ ಮಾತಾಡಿದ, ನರ್ಗೀಸ್ ಇತ್ತೀಚೆಗೆ ಶಿವಶಾಸ್ತ್ರಿ ಬಲ್ಬೋವಾ ಚಿತ್ರದಲ್ಲಿ ಕಾಣಿಸಿಕೊಂಡರು. ಇದರಲ್ಲಿ ಅವರು ಅನುಪಮ್ ಖೇರ್ ಮತ್ತು ನೀನಾ ಗುಪ್ತಾ ಅವರೊಂದಿಗೆ ತೆರೆ ಹಂಚಿಕೊಂಡಿದ್ದಾರೆ.