Pavitra Lokesh-Naresh: ಪವಿತ್ರಾ ಲೋಕೇಶ್ ಜೊತೆ ಅಫೇರ್; ಕೊಲೆ ಮಾಡಲು ಸುಪಾರಿ ಕೊಟ್ಟಿದ್ದಾರೆ ರಮ್ಯಾ: ನರೇಶ್ ಆರೋಪ

ಕಳೆದ ಕೆಲವು ದಿನಗಳಿಂದ ಹಿರಿಯ ನಟ ನರೇಶ್ ಅವರ ಮದುವೆ ವಿಚಾರ ಸಖತ್ ಸುದ್ದಿಯಾಗಿದೆ. ನರೇಶ್, ಪವಿತ್ರಾ ಲೋಕೇಶ್ರನ್ನು 4ನೇ ಮದುವೆಯಾಗಲು ಸಜ್ಜಾಗಿದ್ದಾರೆ.

ನರೇಶ್ ಬಗ್ಗೆ ಆರೋಪಗಳ ಸುರಿಮಳೆಗೈದಿರುವ ರಮ್ಯಾಗೆ ಗಂಡನಿಗೆ ಡಿವೋರ್ಸ್ ಕೊಡಲು ಇಷ್ಟವಿಲ್ಲ. ಕೃಷ್ಣ ಅವರ ಘನತೆಗೆ ಧಕ್ಕೆಯಾಗಬಾರದು ಎನ್ನುವ ಉದ್ದೇಶದಿಂದ ಇಷ್ಟು ವರ್ಷ ಮೌನವಾಗಿದ್ದೆ. ಆದರೆ, ನರೇಶ್​ಗೆ ವಿಚ್ಛೇದನ ನೀಡುವ ಉದ್ದೇಶ ನನಗಿಲ್ಲ ಎಂದು ರಮ್ಯಾ ಹೇಳಿದ್ದಾರೆ

ಮತ್ತೊಂದೆಡೆ ನಟಿ ಪವಿತ್ರಾ ಲೋಕೇಶ್ ಅವರನ್ನು ವಿವಾಹವಾಗಲು ನರೇಶ್ ತುದಿಗಾಲಿನಲ್ಲಿ ನಿಂತಿದ್ದಾರೆ. ಕಳೆದ ಕೆಲವು ತಿಂಗಳಿಂದ ಒಟ್ಟಿಗೆ ವಾಸ ಮಾಡ್ತಿದ್ದಾರೆ. ಇದೀಗ ರಮ್ಯಾ ರಘುಪತಿ ವಿರುದ್ಧ ಆರೋಪಗಳ ಸುರಿಮಳೆಗೈದಿದ್ದಾರೆ.

ವಿಚ್ಛೇದನಕ್ಕಾಗಿ ಕೋರ್ಟ್ ಮೆಟ್ಟಿಲೇರಿರುವ ನರೇಶ್, ಪತ್ನಿ ರಮ್ಯಾ ರಘುಪತಿಯಿಂದ ತನ್ನ ಜೀವಕ್ಕೆ ಅಪಾಯವಿದೆ ಎಂದು ಹೇಳಿಕೆ ನೀಡಿದ್ದಾರೆ. ನಮ್ಮಿಬ್ಬರಿಗೂ ಕೂಡಲೇ ವಿಚ್ಛೇದನ ನೀಡಿ ಎಂದು ನರೇಶ್ ಮನವಿ ಮಾಡಿದ್ದಾರೆ.

2010ರ ಮಾರ್ಚ್ 3ರಂದು ರಮ್ಯಾ ಅವರನ್ನು ಮದುವೆಯಾಗಿರುವುದಾಗಿ ಹೇಳಿದ ನರೇಶ್, ವರದಕ್ಷಿಣೆ ಕೂಡ ತೆಗೆದುಕೊಂಡಿಲ್ಲ ಎಂದು ಹೇಳಿದ್ದರು. ಇದೀಗ ಮದುವೆಯಾದ ಕೆಲವು ತಿಂಗಳಿನಿಂದಲೇ ರಮ್ಯಾರಿಂದ ನನಗೆ ಕಿರುಕುಳ ಶುರುವಾಗಿತ್ತು ಎಂದು ನರೇಶ್ ಹೇಳಿದ್ದಾರೆ. ಕೆಲವರು ತನ್ನ ಬ್ಯಾಂಕ್ ಅಕೌಂಟ್ ಗಳಿಂದ ಹಣ ಪಡೆದಿದ್ದಾರೆ ಎಂದು ನರೇಶ್ ಕೋರ್ಟ್​ಗೆ ತಿಳಿಸಿದ್ದಾರೆ.

ನನ್ನ ಫೋನ್ ಕೂಡ ಹ್ಯಾಕ್ ಆಗಿದೆ. ರಮ್ಯಾ ನಿಂದನೆಯನ್ನು ಸಹಿಸಲಾಗದೆ ವಿಚ್ಛೇದನ ನೀಡುವಂತೆ ಕೋರ್ಟಿನ ಮೊರೆ ಹೋಗಿರುವುದಾಗಿ ನರೇಶ್ ಹೇಳಿದ್ದಾರೆ.

ರಮ್ಯಾಳಿಂದ ನಾನು ನರಕಯಾತನೆ ಅನುಭವಿಸಿದ್ದೇನೆ. ಗ್ಯಾಂಗ್ ಜೊತೆ ಸೇರಿ ನನ್ನನ್ನು ಕೊಲೆ ಮಾಡಲು ಸುಪಾರಿ ಕೊಟ್ಟಿದ್ದಳು. ನನ್ನ ಜೀವ ಅಪಾಯದಲ್ಲಿದೆ. ಕೊಲೆ ಮಾಡ್ತಾರೆ ಎನ್ನುವ ಭಯದಿಂದಲೇ ನಾನು ಎಲ್ಲಿಗೂ ಏಕಾಂಗಿಯಾಗಿ ಹೋಗುವುದಿಲ್ಲ ಎಂದು ನರೇಶ್ ಹೇಳಿದ್ದಾರೆ.

ನರೇಶ್ ಮತ್ತು ಪವಿತ್ರಾ ಲೋಕೇಶ್ ಮೈಸೂರಿನ ಹೋಟೆಲ್ ರೂಮ್ನಲ್ಲಿದ್ದಾಗ 3ನೇ ಪತ್ನಿ ರಮ್ಯಾ ಕೈಗೆ ರೆಡ್ ಹ್ಯಾಂಡ್ ಆಗಿ ಸಿಕ್ಕಿಬಿದ್ದಿದ್ದಾರೆ. ಆ ವೇಳೆ ರಮ್ಯಾ ಇಬ್ಬರ ವಿರುದ್ಧವೂ ಪೊಲೀಸ್ ದೂರು ನೀಡಿ ಗಲಾಟೆ ಮಾಡಿದ್ದರು. ಬಳಿಕ ನರೇಶ್, ಪವಿತ್ರಾ ಲೋಕೇಶ್ ಅವರನ್ನು 4ನೇ ಮದುವೆಯಾಗಲು ಸಿದ್ಧತೆ ಮಾಡಿಕೊಳ್ತಿದ್ದಾರೆ.