Naresh-Pavitra Lokesh: ಕನ್ನಡದ ನಟಿ, ತೆಲುಗು ನಟ! ನರೇಶ್-ಪವಿತ್ರಾ ಮದುವೆ ನಿಜಾನಾ?

ತೆಲುಗು ನಟ ನರೇಶ್ ಹಾಗೂ ಸ್ಯಾಂಡಲ್​ವುಡ್ ನಟಿ ಪವಿತ್ರಾ ಲೋಕೇಶ್ ಅವರು ಕೊನೆಗೂ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಸೌತ್​ನ ಈ ಜೋಡಿ ಮದುವೆ ಫೋಟೋಸ್ ವೈರಲ್ ಆಗುತ್ತಿವೆ.

ನರೇಶ್ ಹಾಗೂ ಪವಿತ್ರಾ ಅವರ ಸಂಬಂಧ ದೊಡ್ಡಮಟ್ಟದಲ್ಲಿ ಸುದ್ದಿಯಾಗಿದ್ದಾರೆ. ಸೌತ್​ನ ಈ ವಿವಾಹಿಕ ನಟ ಹಾಗೂ ನಟಿ ಪ್ರೇಮ ಸಂಬಂಧದಿಂದ ತೆಲುಗು ಹಾಗೂ ಸ್ಯಾಂಡಲ್​ವುಡ್ ಸಿನಿ ಇಂಡಸ್ಟ್ರಿಯಲ್ಲಿ ದೊಡ್ಡ ಮಟ್ಟದಲ್ಲಿ ಚರ್ಚೆಯಾಗಿದ್ದಾರೆ.

ಸುಂದರವಾದ ಮಂಟಪದಲ್ಲಿ ಶಾಸ್ತ್ರೋಕ್ತವಾಗಿ ಈ ಜೋಡಿ ಮದುವೆಯಾಗಿದ್ದಾರೆ. ಆದರೆ ಈ ಜೋಡಿ ಮದುವೆಯಾಗಿದ್ದು ನಿಜವಾ ಸುಳ್ಳಾ ಎನ್ನುವುದೇ ಜನರ ಡೌಟ್.

ಈ ಹಿಂದೆಯೇ ನರೇಶ್ ಅವರು ಪವಿತ್ರಾ ಜೊತೆ ಲಿಪ್ ಕಿಸ್ ಮಾಡುವ ವಿಡಿಯೋವನ್ನು ಹಂಚಿಕೊಂಡಿದ್ದರು. ಆಗಲೇ ಇವರಿಬ್ಬರು ಮದುವೆ ಹಿಂಟ್ ಸಿಕ್ಕಿತ್ತು.

ಆದರೆ ನಂತರದಲ್ಲಿ ಇದ್ಯಾವುದೋ ಸಿನಿಮಾ ಶೂಟಿಂಗ್, ಅಥವಾ ಜಾಹೀರಾತು ಇರಬೇಕು ಎಂದು ಎಲ್ಲರೂ ಚರ್ಚಿಸಿದ್ದರು. ಆದರೆ ಈ ಜೋಡಿ ವಿಡಿಯೋ ಬಗ್ಗೆ ಯಾವುದೇ ಸ್ಪಷ್ಟನೆ ಕೊಡಲಿಲ್ಲ.

ಹಾಗಾಗಿ ಆ ವಿಡಿಯೋ ರಿಯಲ್ ಎಂದು ನಿರ್ಧಾರಕ್ಕೆ ಬಂದರು ನೆಟ್ಟಿಗರು. ಈ ಮದುವೆ ವಿಚಾರದಲ್ಲಿಯೂ ಹಾಗೆಯೇ ಆಗಿದೆ. ವಿಡಿಯೋ ಹರಿಬಿಟ್ಟು ಶಾಕ್ ಕೊಟ್ಟಿದ್ದಾರೆ ನರೇಶ್.

ಪವಿತ್ರಾ ಹಾಗೂ ನರೇಶ್ ಅವರು ವಧು-ವರರಾಗಿ ವರಮಾಲೆ ಧರಿಸಿ ಶಾಸ್ತ್ರೋಕ್ತವಾಗಿ ಮದುವೆಯಾಗಿದ್ದಾರೆ. ನರೇಶ್ ಅವರ ಅಧಿಕೃತ ಟ್ವಿಟರ್ ಖಾತೆಯಿಂದಲೇ ವಿಡಿಯೋ ಕೂಡಾ ಶೇರ್ ಆಗಿದೆ.

ಹಾಗಾಗಿ ಇದು ಫೇಕ್ ಮದುವೆ ಆಗಿರಲು ಸಾಧ್ಯವಿಲ್ಲ ಎನ್ನುತ್ತಿದ್ದಾರೆ ಕೆಲವರು. ವೇರಿಫೈಡ್ ಟ್ವಿಟರ್ ಖಾತೆಯಿಂದ ವಿವಾಹದ ವಿಡಿಯೋ ಶೇರ್ ಮಾಡಿ ಆಶೀರ್ವಾದ ಕೇಳಿರುವಾಗ ಇದು ಫೇಕ್ ಆಗಿರಲು ಸಾಧ್ಯವಿಲ್ಲ ಎನ್ನುವುದು ಕೆಲವರ ಅಭಿಪ್ರಾಯ.