Pavitra Lokesh: ಮನಸು ಒಂದಾದ್ಮೇಲೆ ಮದುವೆ ಬೇಕಾ? ನರೇಶ್ ಹೇಳಿಕೆಗೆ ಪವಿತ್ರಾ ಲೋಕೇಶ್ ಶಾಕ್

ಸ್ಯಾಂಡಲ್​ವುಡ್ ನಟಿ ಪವಿತ್ರಾ ಲೋಕೇಶ್ ಹಾಗೂ ಟಾಲಿವುಡ್ ನಟ ನರೇಶ್ ಅವರ ಮತ್ತೆ ಮದುವೆ ಸಿನಿಮಾದ ಟ್ರೈಲರ್ ರಿಲೀಸ್ ಆಗಿದೆ. ಇದರಲ್ಲಿ ನರೇಶ್ ಹಾಗೂ ಪವಿತ್ರಾ ಅವರ ಲವ್​ಸ್ಟೋರಿ ರಿವೀಲ್ ಆಗಿದೆ. ತಮ್ಮ ನಿಜ ಜೀವನದ ಘಟನೆಗಳ ಮೇಲೆಯೇ ಈ ಜೋಡಿ ಸಿನಿಮಾ ಮಾಡಿದ್ದಾರೆ ಎಂದು ಹೇಳಲಾಗಿದೆ.

ಪವಿತ್ರಾ ಲೋಕೇಶ್-ನರೇಶ್ ಮತ್ತೆ ಮದುವೆ ಕುರಿತು ಈಗಾಗಲೇ ಟೀಸರ್ ರಿಲೀಸ್ ಆಗಿ ಸುದ್ದಿಯಾಗಿತ್ತು. ಇದರಲ್ಲಿ ನರೇಶ್ ಅವರ ಪತ್ನಿ ರಮ್ಯಾ ಅವರ ರೋಲ್ ಕೂಡಾ ಇದೆ. ನಿಜ ಜೀವನವನ್ನೇ ಈ ಜೋಡಿ ತೆರೆಯ ಮೇಲೆ ತರುತ್ತಿದ್ದು ತೆಲುಗಿನಲ್ಲಿ ಮಳ್ಳಿ ಪೆಳ್ಳಿ ಎಂದೂ ಕನ್ನಡದಲ್ಲಿ ಮತ್ತೆ ಮದುವೆ ಎಂದೂ ಸಿನಿಮಾ ಬರುತ್ತಿದೆ.

ಇದೀಗ ತಮ್ಮದೇ ನಿಜ ಜೀವದ ಕಥೆಯನ್ನು ಸಿನಿಮಾ ಮೂಲಕ ಹೇಳೋಕೆ ಹೊರಟಿದ್ದಾರೆ ಈ ಜೋಡಿ. ಇನ್ನು ಟ್ರೈಲರ್ ರಿಲೀಸ್ ಕಾರ್ಯಕ್ರಮದಲ್ಲಿ ನೀವಿಬ್ಬರು ಮದುವೆ ಆಗಿದ್ದೀರಾ? ಆಗಲಿದ್ದೀರಾ ಎನ್ನುವ ಪ್ರಶ್ನೆಗೆ ನರೇಶ್ ಉತ್ತರಿಸಿದ್ದಾರೆ. ಮದುವೆ ಎನ್ನುವ ವ್ಯವಸ್ಥೆ ಈಗ ಮುರಿದು ಬೀಳುತ್ತಿದೆ. ಐದಾರು ಫ್ಯಾಮಿಲಿ ಕೋರ್ಟ್ ಇದೆ ಅಂದರೆ ಮದುವೆ ವ್ಯವಸ್ಥೆ ಹಾಳಾಗ್ತಿದೆ ಎಂದೇ ಅರ್ಥ. ಆ ವ್ಯವಸ್ಥೆಯನ್ನು ಗೌರವಿಸಿ ನಾವು 'ಮಳ್ಳಿ ಪೆಳ್ಳಿ' ಸಿನಿಮಾ ಮಾಡಿದ್ದೇವೆ ಎಂದಿದ್ದಾರೆ.

ಕೆಲವರು ತಾಳಿ ಹಾಕಿಕೊಳ್ಳುತ್ತಾರೆ. ಕೆಲವರು ಉಂಗುರು ಹಾಕ್ತಾರೆ. ಒಂದೊಂದು ಧರ್ಮದಲ್ಲಿ ಒಂದೊಂದು ರೀತಿ ಮದುವೆ ಆಗುತ್ತಾರೆ. ಎರಡು ಹೃದಯಗಳು ಒಂದಾಗುವುದೇ ಮದುವೆ ನಿಜವಾದ ಅರ್ಥ. ಹೃದಯಗಳು ಒಂದಾಗಿವೆ ಎಂದ ಮೇಲೆ ನಾವು ಮದುವೆ ಆದ ಹಾಗೇನಾ ಅಥವಾ ಆಗಿಲ್ಲಾ ಅಂತಾನಾ ಎಂದಿದ್ದಾರೆ ನರೇಶ್. ಈ ಹೇಳಿಕೆಗೆ ಪವಿತ್ರಾ ಶಾಕ್ ಆಗಿದ್ದಾರೆ.

ಈ ಜೋಡಿಯ ರಿಯಲ್ ಲವ್ ಶುರು ಆಗಿದ್ದು ಹೇಗೆ (Pavithra Lokesh-Naresh Movie) ಅನ್ನುವ ವಿಷಯ ರಿವೀಲ್ ಆಗಿದೆ. ರಿಲೀಸ್ ಆದ ಟ್ರೈಲರ್‌ನಲ್ಲಿ ಎಲ್ಲದರ (Matte Maduve Updates) ಝಲಕ್ ಇದೆ.

ಚಿತ್ರದ ಈಗಿನ ಟ್ರೈಲರ್ ಇನ್ನಷ್ಟು ಕನ್ಫ್ಯೂಜನ್ ಕ್ರಿಯೇಟ್ ಮಾಡಿದೆ. ಸಿನಿಮಾದಲ್ಲಿರೋ ಲವ್ ಸ್ಟೋರಿ ರಿಯಲ್ ಅನ್ನೋಮಟ್ಟಿಗೆ ಇಲ್ಲಿ ಅದರ ಝಲಕ್ ತೋರಲಾಗಿದೆ.

ಮತ್ತೆ ಮದುವೆ ಸಿನಿಮಾದಲ್ಲಿ ಪವಿತ್ರಾ ಮತ್ತು ನರೇಶ್ ಲವ್ ಸ್ಟೋರಿಯ ಅಸಲಿ ಮ್ಯಾಟರ್ ಕೂಡ ಇದೆ. ಪವಿತ್ರಾ ಪತಿಯ ವಿಚಾರವೂ ಇಲ್ಲಿ ಬಂದು ಹೋಗುತ್ತದೆ. ನರೇಶ್ ಅವರ ಮೂವರು ಹೆಂಡ್ತಿಯರ ವಿಚಾರವೂ ಇಲ್ಲಿ ಪ್ರಸ್ತಾಪ ಆಗಿದೆ.