Simba: ಬಹುಭಾಷಾ ತಾರೆ ಸಿಂಬಾ ಇನ್ನಿಲ್ಲ, ಕನ್ನಡ - ಮಲಯಾಳಂ ಸಿನಿಮಾಗಳಲ್ಲಿ ಇವ್ನೇ ಎಲ್ರಿಗಿಂತ ಕ್ಯೂಟ್​

ಸ್ಯಾಂಡಲ್​ವುಡ್​ನಲ್ಲಿ ಜನಪ್ರಿಯವಾಗಿದ್ದ ಈ ಸಿಂಬಾ, ಒಂದು ರೀತಿಯಲ್ಲಿ ಸ್ಯಾಂಡಲ್​ವುಡ್​ ಸೇರಿದವನಂತೆ ಇದ್ದ. ಹೇಳಿದ ಮಾತನ್ನು ಕೇಳುತ್ತಿದ್ದ ಸಿಂಬಾ ಎಂದರೆ ಪ್ರತಿಯೊಬ್ಬರಿಗೂ ಬಹಳ ಇಷ್ಟ.

ಸಿಂಬಾನಿಗೆ ಕೇವಲ 9 ವರ್ಷವಾಗಿದ್ದು, ಮಾಲೀಕ ವರುಣ್ ಆಗಲಿ ಅದರ ಟ್ರೈನರ್​ ಸ್ವಾಮಿಯಾಗಲಿ ಸಿಂಬಾ ಸಾವಿನ ನೋವಿನಿಂದ ಹೊರಬರದೆ, ನೋವನ್ನು ಅನುಭವಿಸುತ್ತಿದ್ದಾರೆ.

ಸಿಂಬಾ ಕೇವಲ 30 ತಿಂಗಳುಗಳಿದ್ದಾಗ ಸ್ವಾಮಿ ಟ್ರೈನಿಂಗ್ ನೀಡಲು ಆರಂಭಿಸಿದ್ದರು. ಮನೆಯ ಸದಸ್ಯರಲ್ಲಿ ಒಬ್ಬರಂತಿದ್ದ ಸಿಂಬಾ ನಿಧನ ವರುಣ್​ಗೆ ಹಾಗೂ ಅವರ ಕುಟುಂಬಸ್ಥರಿಗೆ ಅರಗಿಸಿಕೊಳ್ಳಲು ಕಷ್ಟವಾಗುತ್ತಿದೆ.

ಸಿಂಬಾನನ್ನ ಮೊದಲು ಕರೆದುಕೊಂಡು ಬಂದಾಗ ಟ್ರೈನ್​ ಮಾಡುವುದು ಬಹಳ ಕಷ್ಟವಾಗಿತ್ತು. ತುಂಬಾ ತುಂಟತನ ಇತ್ತು. ಆದರೆ ನಂತರ ಹೇಳಿದ ಮಾತು ಕೇಳುತ್ತಿದ್ದ ಎಂದು ಸ್ವಾಮಿ ಸಿಂಬಾ ಜೊತೆ ಕಳೆದ ಕ್ಷಣಗಳನ್ನು ನೆನೆಸಿಕೊಂಡಿದ್ದಾರೆ.

ಸಿಂಬಾ ನಿಧನದ ವಿಚಾರವನ್ನು ತಮ್ಮ ಸಾಮಾಜಿಕ ಜಾಲಾತಾಣ ಖಾತೆಯಲ್ಲಿ ಸ್ವಾಮಿ ಹಂಚಿಕೊಂಡಿದ್ದು, ಮುದ್ದಾದ ಕೆಲ ಫೋಟೋಗಳನ್ನು ಸಹ ಶೇರ್ ಮಾಡಿಕೊಂಡಿದ್ದಾರೆ.

ಸಿಂಬಾನಿಗೆ ಕೇವಲ ಒಂದು ವರ್ಷವಿದ್ದಾಗ ಮಲಯಾಳಂನ ಅದ್ಭುತ ಚಿತ್ರ ಬೆಂಗಳೂರು ಡೇಸ್​ ಗೆ ಆಫರ್​ ಬಂದಿತ್ತು. ಅದರ ನಂತರ ಸಿನೆಮಾಗಳಲ್ಲಿ ಆಪರ್​ ಬರಲು ಆರಂಭವಾಗಿತ್ತು ಎಂದಿದ್ದಾರೆ.

ಇನ್ನು ನಾನು ಮತ್ತು ಗುಂಡ ಸಿನೆಮಾದ ಶಿವರಾಜ್​ ಕೆ.ಆರ್​.ಪೇಟೆ ಸಹ ಸಿಂಬಾ ನಿಧನದಿಂದ ಬೇಸರಗೊಂಡಿದ್ದು, ಪ್ರತಿಯೊಂದು ಜೀವಿಗೂ ಹುಟ್ಟು ಸಾವು ಇರುತ್ತದೆ. ನಾವು ಹೇಗೆ ಬದುಕುತ್ತೇವೆಯೋ ಬದುಕು ಎಂದು ಸಾಮಾಜಿಕ ಜಾಲಾತಾಣದಲ್ಲಿ ಬರೆದುಕೊಂಡಿದ್ದಾರೆ.

ಅಲ್ಲದೇ, ಚಿತ್ರದಲ್ಲಿ ಸಿಂಬಾ ಜೊತೆ ನಾನು ನಟನೆ ಮಾಡಿದ್ದೇನೆ. ಅವನಿಂದ ತುಂಬಾ ಕಲಿತಿದ್ದೇನೆ. ಈಗ ಅವನಿಲ್ಲ ಎಂಬ ಸುದ್ದಿ ನಂಬಲು ಸಾಧ್ಯವಾಗುತ್ತಿಲ್ಲ ಎಂದು ನೋವು ತುಂಬಿದ ನುಡಿಗಳನ್ನು ಬರೆದಿದ್ದಾರೆ.

ಸಿಂಬಾ ಶೂಟಿಂಗ್ ಸ್ಥಳಗಳಲ್ಲಿ ಹೇಳಿದಂತೆ ಕೇಳುತ್ತಿದ್ದ. ಒಂದೇ ಟೇಕ್​ ಸಾಕಿತ್ತು ಎನ್ನುತ್ತಾರೆ ವರುಣ್. ಅಲ್ಲದೇ, ಶಿವಾಜಿ ಸುತ್ಕಲ್ ಚಿತ್ರದಲ್ಲಿ ಸಹ ಸಿಂಬಾ ಕಾಣಿಸಿಕೊಂಡಿದ್ದ.

ಮಾರ್ಚ್​ನಲ್ಲಿ ಸಿಂಬಾನಿಗೆ 9 ವರ್ಷ ತುಂಬಿತ್ತು. ಏಪ್ರಿಲ್ ಕೊನೆಯಲ್ಲಿ ಜ್ವರದಿಂದ ಬಳಲುತ್ತಿದ್ದ,. ಅದೆಷ್ಟೇ ಪರೀಕ್ಷೆ ಮಾಡಿಸಿ, ಔಷಧಿ ಕೊಡಿಸಿದರೂ ಸಹ ಸಿಂಬಾ ಮೇ 9 ರಂದು ಕೊನೆಯುಸಿರೆಳೆದಿದ್ದಾನೆ.