Namma Lachhi: ಜೊತೆಯಾಗಿ ಪೋಸ್ ಕೊಟ್ಟ ಸಾರಾ-ವಿಜಯ್ ಸೂರ್ಯ! ಫುಲ್ ಸ್ಮೈಲ್

ಸ್ಟಾರ್ ಸುವರ್ಣ ಜನರಿಗೆ ಮನರಂಜನೆ ನೀಡಲು ಹೊಸ ಹೊಸ ಧಾರಾವಾಹಿಗಳನ್ನು ತೆರೆಗೆ ತರುತ್ತಿದೆ. ರಾತ್ರಿ 8 ಗಂಟೆಗೆ ನಮ್ಮ ಲಚ್ಚಿ ಎನ್ನುವ ಹೊಸ ಧಾರಾವಾಹಿ ಪ್ರಸಾರವಾಗ್ತಿದೆ. ಅಪ್ಪ-ಮಗಳ ಬಾಂಧವ್ಯದ ಕಥೆಯೇ ನಮ್ಮ ಲಚ್ಚಿ ಕಥೆ.

ಈ ಧಾರಾವಾಹಿಯ ನಾಯಕ ಸಂಗಮ್. ದೊಡ್ಡ ಸಿಂಗರ್. ಈ ಪಾತ್ರವನ್ನು ನಟ ವಿಜಯ್ ಸೂರ್ಯ ಅವರು ಮಾಡ್ತಾ ಇದ್ದಾರೆ. ಇವರು ಧಾರಾವಾಹಿಯಲ್ಲಿ ಇಬ್ಬರನ್ನು ಮದುವೆ ಆಗಿದ್ದಾರೆ.

ಸಂಗಮ್ ಗಿರಿಜಾ ಪ್ರೀತಿಯಿಂದ ದೂರವಾದ ಮೇಲೆ ದೀಪಿಕಾರನ್ನು ಮದುವೆ ಆಗಿದ್ದಾರೆ. ದೀಪಿಕಾ ಪಾತ್ರವನ್ನು ಕನ್ನಡತಿ ಧಾರಾವಾಹಿಯ ವರು ಅಂದ್ರೆ ಸಾರಾ ಅಣ್ಣಯ್ಯ ನಿರ್ವಹಿಸುತ್ತಿದ್ದಾರೆ.

ಸಂಗಮ್ ಮತ್ತು ದೀಪಿಕಾಗೆ ರಿಯಾ ಎನ್ನುವ ಮಗಳು ಹುಟ್ಟಿದ್ದಾಳೆ. ಅವಳು ದೊಡ್ಡ ಸಿಂಗರ್ ಆಗಬೇಕು ಎಂದು ದೀಪಿಕಾ ಪಟ್ಟು ಹಿಡಿದ್ದಾಳೆ.

ನಮ್ಮ ಲಚ್ಚಿ ಶೂಟಿಂಗ್ ಟೈಮ್‍ನಲ್ಲಿ ಸಾರಾ ಅಣ್ಣಯ್ಯ ಮತ್ತು ವಿಜಯ್ ಸೂರ್ಯ ಫೋಟೋಗೆ ಪೋಸ್ ನೀಡಿದ್ದಾರೆ. ಆ ಫೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾರೆ.

ಇವರ ಫೋಟೋಗಳನ್ನು ನೋಡಿ ಜನ ಮೆಚ್ಚಿಕೊಂಡಿದ್ದಾರೆ. ಇವರು ನಟಿಯಾಗಿ ತುಂಬಾ ಚೆನ್ನಾಗಿ ಅಭಿನಯಿಸುತ್ತಿದ್ದಾರೆ. ಸೂಪರ್ ಜೋಡಿ ಎಂದು ಅಭಿಮಾನಿಗಳು ಕಮೆಂಟ್ ಹಾಕಿದ್ದಾರೆ.

ಸಾರಾ ಅಣ್ಣಯ್ಯ ಅವರು ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯರಾಗಿರುತ್ತಾರೆ. ಆಗಾಗ ಫೋಟೋಗಳನ್ನು ಶೇರ್ ಮಾಡ್ತಾ ಇರ್ತಾರೆ. ಸಾರಾ ಅಣ್ಣಯ್ಯ ಅಭಿಮಾನಿಗಳಿಗೆ ಇಷ್ಟ ಆಗ್ತಾರೆ.

ಸಾರಾ ಅಣ್ಣಯ್ಯ ರೀಲ್ಸ್, ಫೋಟೋಗಳನ್ನು ಜನ ಮೆಚ್ಚಿಕೊಳ್ತಾರೆ. ವರು ರೀತಿಯೇ ದೀಪಿಕಾ ಪಾತ್ರವನ್ನೂ ಅಚ್ಚುಕಟ್ಟಾಗಿ ನಿಭಾಯಿಸುತ್ತಿದ್ದಾರೆ.