Namma Lachhi: ಮೊದಲ ದಿನವೇ ಮನಮುಟ್ಟಿದ 'ನಮ್ಮ ಲಚ್ಚಿ', ಕನ್ನಡತಿ ವರೂಧಿನಿ ಪಾತ್ರವೇನು?

ಸ್ಟಾರ್ ಸುವರ್ಣದಲ್ಲಿ ಜನರಿಗೆ ಮನರಂಜನೆ ನೀಡಲು ಹೊಸ ಹೊಸ ಧಾರಾವಾಹಿಗಳನ್ನು ತೆರೆಗೆ ತುರುತ್ತಿದೆ. ರಾತ್ರಿ 8 ಗಂಟೆಗೆ ನಮ್ಮ ಲಚ್ಚಿ ಎನ್ನುವ ಹೊಸ ಧಾರಾವಾಹಿ ಪ್ರಸಾರವಾಗ್ತಿದೆ.

ಅಪ್ಪ-ಮಗಳ ಬಾಂಧವ್ಯದ ಕಥೆಯೇ ನಮ್ಮ ಲಚ್ಚಿ ಕಥೆ. ಅಪ್ಪ ದೊಡ್ಡ ಸಿಂಗರ್. ಆದ್ರೆ ಇವರ ಜೊತೆಗೆ ಇಲ್ಲ. ಮಗಳಿಗೂ ಅಪ್ಪನಂತೆ ಹಾಡುವ ಗುಣ ಬಂದಿದೆ.

ಗಿರಿಜಾ ಪಾತ್ರವನ್ನು ಲಕ್ಷ್ಮಿ ಬಾರಮ್ಮ ಖ್ಯಾತಿಯ ನೇಹಾ ಗೌಡ ಮಾಡ್ತಿದ್ದಾರೆ. ಸಂಗಮ್ ಮತ್ತು ಗಿರಿಜಾ ಇಬ್ಬರು ಪ್ರೀತಿ ಮಾಡ್ತಾ ಇರ್ತಾರೆ. ಮದುವೆ ಆಗಬೇಕು ಎಂದುಕೊಂಡಿರುತ್ತಾರೆ. ಆಗ ಸಂಗಮ್ ಸಿಂಗರ್ ಆಗಲು ಸಿಟಿಗೆ ಹೋಗ್ತಾನೆ. ವಾಪಸ್ ಬಂದಿಲ್ಲ.

ಇಬ್ಬರ ಪ್ರೀತಿಯ ಸಂಕೇತವಾಗಿ ಲಚ್ಚಿ ಹುಟ್ಟಿದ್ದಾಳೆ. ಗಿರಿಜಾ ಅತ್ತಿದೆ ಅಪ್ಪ ಇಲ್ಲದೇ ಇರುವ ಮಗಳು ಎಂದು ಲಚ್ಚಿ ಮತ್ತು ಅವರಮ್ಮನಿಗೆ ಅವಮಾನ ಮಾಡ್ತಾನೆ ಇರ್ತಾಳೆ. ಅಪ್ಪ ಗೊತ್ತೋ ಇಲ್ಲವೋ ಹೇಳು ಎಂದು ಗಿರಿಜಾಗೆ ಪ್ರಶ್ನೆ ಮಾಡ್ತಿದ್ದಾಳೆ.

ಸಂಗಮ್ ಹಳ್ಳಿಯಿಂದ ಹೋದ ಮೇಲೆ ದೊಡ್ಡ ಸಿಂಗರ್ ಆಗಿದ್ದಾರೆ. 10 ವರ್ಷಗಳಿಂದ ಇವರನ್ನು ಬಿಟ್ಟರೆ ಬೇರೆ ಹಾಡುಗಾರರು ಇಲ್ಲ ಎನ್ನುವಂತಾಗಿದೆ. ಸಂಗಮ್ ಗಿರಿಜಾ ಳನ್ನು ಮರೆತು ಬೇರೆ ಮದುವೆ ಆಗಿದ್ದಾನೆ. ಸಂಗಮ್ ಹೆಂಡ್ತಿ ಪಾತ್ರವನ್ನು ಕನ್ನಡತಿಯ ವರೂಧಿನಿ ಮಾಡ್ತಾ ಇದ್ದಾರೆ.

ದೊಡ್ಡ ಹೆಸರು ಮಾಡಿದ ಮೇಲೆ ಸಂಗಮ್‍ಗೆ ಗಿರಿಜಾ ನೆನಪಿಲ್ವಾ. ಅಥವಾ ನೆನಪಿದ್ರೂ ಸುಮ್ಮನಿದ್ದಾರಾ? ಸಂಗಮ್‍ಗೆ ಮದುವೆ ಆಗಿ ಒಬ್ಬಳು ಮಗಳು ಹುಟ್ಟಿದ್ದಾಳೆ.

ಸಂಗಮ್ ಅವರ ಹೆಂಡ್ತಿ ಮಗುವಿಗೆ ತುಂಬಾ ಗೌರವ ಸಿಗುತ್ತಿದೆ. ಎಲ್ಲಾ ಕಡೆ ಇವರನ್ನು ತುಂಬಾ ಪ್ರೀತಿಯಿಂದ ಕಾಣ್ತಾರೆ. ವರು ಸಹ ತುಂಬಾ ಚೆನ್ನಾಗಿ ನಟನೆ ಮಾಡಿದ್ದಾರೆ.

ಸಂಗಮ್ ಅವರ ಒಬ್ಬ ಮಗಳಿಗೆ ಸನ್ಮಾನ ಆಗ್ತಿದ್ರೆ, ಇನ್ನೊಬ್ಬ ಮಗಳು ಲಚ್ಚಿಗೆ ದಿನ ಅವಮಾನ ಆಗ್ತಿದೆ. ಅಪ್ಪ ಗೊತ್ತಿಲ್ಲದ ಮಗಳು ನೀನು ದೇವಸ್ಥಾನಕ್ಕೆ ಬರಬೇಡ ಎನ್ನುತ್ತಿದ್ದಾರೆ.