Namma Lachhi: ಸ್ಟಾರ್ ಸುವರ್ಣದಲ್ಲಿ ಬರ್ತಿದ್ದಾಳೆ 'ನಮ್ಮ ಲಚ್ಚಿ', ಫೆಬ್ರವರಿ 6 ರಿಂದ ರಾತ್ರಿ 8ಕ್ಕೆ ಹೊಸ ಧಾರಾವಾಹಿ

ಸ್ಟಾರ್ ಸುವರ್ಣದಲ್ಲಿ ಜನರಿಗೆ ಮನರಂಜನೆ ನೀಡಲು ಹೊಸ ಹೊಸ ಧಾರಾವಾಹಿಗಳನ್ನು ತೆರೆಗೆ ತುರುತ್ತಿದೆ. ಫೆಬ್ರವರಿ 6 ರಿಂದ ರಾತ್ರಿ 8 ಗಂಟೆಗೆ ನಮ್ಮ ಲಚ್ಚಿ ಎನ್ನುವ ಹೊಸ ಧಾರಾವಾಹಿ ಶುರುವಾಗಲಿದೆ.

ಅಪ್ಪ-ಮಗಳ ಬಾಂಧವ್ಯದ ಕಥೆಯೇ ನಮ್ಮ ಲಚ್ಚಿ ಕಥೆ. ಅಪ್ಪ ದೊಡ್ಡ ಸಿಂಗರ್. ಆದ್ರೆ ಇವರ ಜೊತೆಗೆ ಇಲ್ಲ. ಮಗಳಿಗೂ ಅಪ್ಪನಂತೆ ಹಾಡುವ ಗುಣ ಬಂದಿದೆ.

ನಟ ಪಾತ್ರದಲ್ಲಿ ವಿಜಯ್ ಸೂರ್ಯ ಅವರು ಪಾತ್ರ ನಿರ್ವಹಿಸುತ್ತಿದ್ದಾರೆ. ಅಗ್ನಿಸಾಕ್ಷಿ ಖ್ಯಾತಿಯ ವಿಯಯ್ ಸೂರ್ಯ ಇದರಲ್ಲಿ ದೊಡ್ಡ ಸಿಂಗರ್ ಆಗಿದ್ದಾರೆ.

ನಟಿಯ ಪಾತ್ರದಲ್ಲಿ ಲಕ್ಷ್ಮಿ ಬಾರಮ್ಮ ಖ್ಯಾತಿಯ ಗೊಂಬೆ ನೇಹಾ ಗೌಡ ನಟಿಸುತ್ತಿದ್ದಾರೆ.ನೇಹಾ ಅವರು ಗಿರಿಜಾ ಪಾತ್ರವನ್ನು ಮಾಡುತ್ತಿದ್ದು, ನಿಮ್ಮ ಪ್ರೀತಿ ಮತ್ತು ಬೆಂಬಲವನ್ನು ಗಿರಿಜಾಗೆ ಧಾರೆ ಎರೆಯುವ ಸಮಯ ಬಂದಿದೆ ಎಂದಿದ್ದಾರೆ.

ಗಿರಿಜಾಗೆ ಮಗಳು ಎಂದ್ರೆ ತುಂಬಾ ಇಷ್ಟ. ಮಗಳೇ ಪ್ರಪಂಚ. ಆದ್ರೆ ಆಕೆ ಹಾಡುವುದು ಮಾತ್ರ ಗಿರಿಜಾಗೆ ಇಷ್ಟ ಇಲ್ಲ. ಆದ್ರೆ ಮಗಳಿಗೆ ಹಾಡುವುದು ಇಷ್ಟ.

ಧಾರಾವಾಹಿಯಲ್ಲಿ ಸ್ಟಾರ್ ಸಿಂಗರ್ ಜೂನಿಯರ್ ಆಡಿಷನ್ ನಡೆಯುತ್ತಿದೆ. ಅದನ್ನು ವಿಜಯ್ ಸೂರ್ಯ ನಡೆಸಿಕೊಡ್ತಾ ಇದ್ದಾರೆ. ಅದರಲ್ಲಿ ಭಾಗವಹಿಸಬೇಕು ಎಂದು ಲಚ್ಚಿ ಆಸೆ ಇಟ್ಟುಕೊಂಡಿದ್ದಾಳೆ.

ಗಿರಿಜಾ ಮತ್ತು ಸಂಗಮ್ ಮದುವೆ ಆಗಿದ್ದರೂ, ಯಾಕೋ ದೂರವಾಗಿದ್ದಾರೆ. ಗಿರಿಜಾ ಮಗಳನ್ನು ಅಪ್ಪನಿಂದ ದೂರುವಿಟ್ಟು ಬೆಳೆಸುತ್ತಿದ್ದಾಳೆ. ಆದ್ರೆ ಹಾಡು ಕಲೆ ಮಾತ್ರ ಲಚ್ಚಿಗೆ ಬಂದಿದೆ.

ಇವರ ಮದುವೆ ಯಾವಾಗ ಆಯ್ತು. ಏಕೆ ದೂರ ದೂರ ಇದ್ದಾರೆ? ಲಚ್ಚಿ ಹಾಡೋ ಕನಸು ನನಸಾಗುತ್ತಾ? ಮುಂದೇನಾಗುತ್ತೆ ಅಂತ ನೋಡೋಕೆ ನಮ್ಮ ಲಚ್ಚಿ ಧಾರಾವಾಹಿಗಾಗಿ ಕಾಯಬೇಕು.