Ninaad Harithsa: ಹೆಂಡತಿ ಜೊತೆ ಫೋಟೋಶೂಟ್​ನಲ್ಲಿ ತ್ರಿಶೂಲ್​ ಮಿಂಚಿಂಗ್ - ನೂರ್ ಕಾಲ ಒಟ್ಟಿಗೆ ಬಾಳಿ ಎಂದ ಅಭಿಮಾನಿಗಳು

ನಾಗಿಣಿ 2 ಧಾರಾವಾಹಿಯು ಸೀರಿಯಲ್​ ಪ್ರಿಯರ ನೆಚ್ಚಿನ ಧಾರಾವಾಹಿ ಎನ್ನಬಹುದು. ಇದರಲ್ಲಿ ತ್ರಿಶೂಲ್​ ಫಾತ್ರ ಮಾಡುತ್ತಿರುವ ನಿನಾದ್​ ಎಂದರೆ ಬಹಳ ಜನರಿಗೆ ಇಷ್ಟ.

ಮುಗ್ಧ ಅಭಿನಯ, ಕ್ಯೂಟ್​ ಲುಕ್​ ಮೂಲಕ ಹೆಸರುವಾಸಿಯಾಗಿರುವ ಈ ನಿನಾದ್​ ಇತ್ತೀಚೆಗಷ್ಟೇ ಸಪ್ತಪದಿ ತುಳಿದಿದ್ದಾರೆ. ಇದೀಗ ಅವರ ಮತ್ತು ಅವರ ಹೆಂಡತಿಯ ಮುದ್ದಾದ ಫೋಟೋಗಳು ವೈರಲ್​ ಆಗುತ್ತಿದ್ದು, ಅಭಿಮಾನಿಗಳು ಫಿದಾ ಆಗಿದ್ದಾರೆ.

ಬಹಳ ದಿನಗಳ ಗೆಳತಿ ರಮ್ಯಾ ಅವರನ್ನು ನಿನಾದ್​ ಇದೇ ಮೇ 20ರಂದು ಹಿರಿಯರ ಸಮ್ಮುಖದಲ್ಲಿ ಮದುವೆಯಾಗಿದ್ದು, , ಇದು ಲವ್ ಕಮ್ ಅರೇಂಜ್​ ಮ್ಯಾರೇಜ್​ ಎನ್ನಬಹುದು.

ಇನ್ನು ನಿನಾದ್​ ಮದುವೆಯಾಗಿರುವ ಹುಡುಗಿ ರಮ್ಯಾ ಅವರಿಗೆ ಯಾವುದೇ ಸಿನೆಮಾ ಅಥವಾ ಸೀರಿಯಲ್​ ಸಂಪರ್ಕವಿಲ್ಲ. ಅವರು ಸಿಎ ಮಾಡ್ತಿದ್ದಾರೆ. ಅಭಿಮಾನಿಗಳು ಈ ಜೋಡಿಯನ್ನು ನೋಡಿ ಬಹಳ ಇಷ್ಟಪಟ್ಟಿದ್ದಾರೆ.

ರಮ್ಯಾ ಮತ್ತು ನಿನಾದ್ ಇಬ್ಬರು ಒಬ್ಬ ಕಾಮನ್ ಫ್ರೆಂಡ್ ಮೂಲಕ ಪರಿಚಯ ಆಗಿದ್ದಾರೆ. ನಂತರ ಅವರ ಸ್ನೇಹ ಪ್ರೀತಿಯಾದ ಬಳಿಕ ಮದುವೆಯ ನಿರ್ಧಾರ ಮಾಡಿ, ಹಿರಿಯರ ಒಪ್ಪಿಗೆ ಮೇರೆ ಹಸೆಮಣೆ ಏರಿದ್ದಾರೆ.

ಇನ್ನು ಈ ಇಬ್ಬರ ಜೋಡಿ ಅಭಿಮಾನಿಗಳು ಶುಭಾಶಯಗಳ ಮಹಾಪೂರವನ್ನೇ ಹರಿಸಿದ್ದು, ನೂರು ಕಾಲ ಸುಖವಾಗಿ ಬಾಳಿ ಎಂದು ಆಶೀರ್ವದಿಸಿದ್ದಾರೆ.

ಇನ್ನು ನಿನಾದ್​ ತಾಯಿ ಕೂಡ ಕಿರುತೆರೆಯ ಜನಪ್ರಿಯ ನಟಿಯಾಗಿದ್ದು, ಕನ್ನಡತಿ ಸೇರಿದಂತೆ ಅನೇಕ ಧಾರಾವಾಹಿಗಳಲ್ಲಿ ನಟಿಸಿದ್ದಾರೆ.

ಇನ್ನು ನಾಗಿಣಿ ಧಾರಾವಾಹಿಯಲ್ಲಿ ಬ್ಯುಸಿ ಇರುವ ನಿನಾದ್​ಗೆ ವೆಬ್​ ಸೀರಿಸ್​ ಸೇರಿದಂತೆ ಹಲವಾರು ಆಫರ್​ ಬರುತ್ತಿದ್ದು, ಸಿನೆಮಾದತ್ತ ನಿನಾದ್​ ಆಸಕ್ತಿ ಹೊಂದಿದ್ದಾರೆ.