Naga Chaitanya: ಬ್ಯಾಚುಲರ್ ಪಾರ್ಟಿ ಬಗ್ಗೆ ನಾಗ ಚೈತನ್ಯ ಸೂಪರ್ ಕಾಮೆಂಟ್​, ಏನ್ ಹಿಂಗಂದ್ರಿ ಅಂತ ಹುಬ್ಬೇರಿಸಿದ ಫ್ಯಾನ್ಸ್

ಟಾಲಿವುಡ್‌ನ ಯಂಗ್ ಹೀರೋ, ಅಕ್ಕಿನೇನಿ ಉತ್ತರಾಧಿಕಾರಿ ನಾಗ ಚೈತನ್ಯ ಸರಣಿ ಚಿತ್ರಗಳಲ್ಲಿ ಬ್ಯುಸಿಯಾಗಿದ್ದಾರೆ. ಒಂದೆಡೆ ಸಿನಿಮಾ ಮಾಡುತ್ತಿದ್ದರೆ ಇನ್ನೊಂದೆಡೆ ವೆಬ್ ಸಿರೀಸ್ ನಲ್ಲಿ ನಟಿಸುತ್ತಿದ್ದಾರೆ.  ಬಾಲಿವುಡ್‌ನಲ್ಲೂ ಸಿನಿಮಾ ಮಾಡುತ್ತಿದ್ದಾರೆ. ಆದರೆ ಅವರ ಇತ್ತೀಚಿನ ಸಿನಿಮಾ ಪ್ರಚಾರದ ಭಾಗವಾಗಿ, ಅವರು ಕೆಲವು ವಿಷಯಗಳನ್ನು ಮಾತನಾಡಿ ಎಲ್ಲರನ್ನು ಅಚ್ಚರಿಗೊಳಿಸಿದರು.

ನಾಗ ಚೈತನ್ಯ ಮತ್ತು ರಾಶಿ ಖನ್ನಾ ಅಭಿನಯದ ಚಿತ್ರ ಥ್ಯಾಂಕ್ಯೂ ಇದೇ ತಿಂಗಳ 22 ರಂದು ಬಿಡುಗಡೆಯಾಗುತ್ತಿದೆ. ಪ್ರಚಾರ ಕಾರ್ಯಕ್ರಮಗಳನ್ನು ಚಿತ್ರತಂಡ ಚುರುಕುಗೊಳಿಸಿದೆ. ನಾಯಕ ನಾಯಕಿಯರಾದ ನಾಗ ಚೈತನ್ಯ ಮತ್ತು ರಾಶಿ ಖನ್ನಾ ಈ ಪ್ರಚಾರ ಕಾರ್ಯಕ್ರಮಗಳಲ್ಲಿ ಸಕ್ರಿಯವಾಗಿ ಭಾಗವಹಿಸುತ್ತಿದ್ದಾರೆ

ಇತ್ತೀಚಿನ ಸಂದರ್ಶನವೊಂದರಲ್ಲಿ, ನಾಯಕಿ ರಾಶಿ ಖನ್ನಾ ಮತ್​ತು ನಾಗ ಚೈತನ್ಯ ಕೆಲವು ಬೋಲ್ಡ್ ಕಾಮೆಂಟ್‌ಗಳನ್ನು ಮಾಡಿದ್ದಾರೆ. ಕೆಲವು ರ್ಯಾಪಿಡ್ ಫೈರ್ ಪ್ರಶ್ನೆಗಳನ್ನು ಆಂಕರ್  ಕೇಳಿದ್ದು, ನಂತರ  ಅವರ ಮಾತುಗಳು ವೈರಲ್ ಆಗಿದೆ.

ಬ್ಯಾಚುಲರ್ ಪಾರ್ಟಿ ವಿಚಾರವಾಗಿ ಪ್ರಶ್ನೆ ಕೆಳಿದ್ದು,  ನಾಗ ಚೈತನ್ಯ ಬೋಲ್ಡ್ ಕಾಮೆಂಟ್ ಮಾಡಿದ್ದಾರೆ. ಆ್ಯಂಕರ್ ಪ್ರಶ್ನೆಗೆ ನಾಗ ಚೈತನ್ಯ ಕೊಟ್ಟ ಉತ್ತರ ಕೇಳಿ ಪಕ್ಕದಲ್ಲಿದ್ದ ರಾಶಿ ಖನ್ನಾ ಬೆಚ್ಚಿಬಿದ್ದಿದ್ದಾರೆ. ಈ ಸಂದರ್ಶನ ವೈರಲ್ ಆಗಿದೆ.

ಬ್ಯಾಚುಲರ್ ಪಾರ್ಟಿಗಳಲ್ಲಿ ಹೆಚ್ಚಾಗಿ ನಡೆಯುವ ಮೂರು ವಿಷಯಗಳ ಬಗ್ಗೆ ಆಂಕರ್ ಪ್ರಶ್ನೆ ಕೇಳಿದಾಗ ರಾಶಿ ಖನ್ನಾ ಮೊದಲು ಪ್ರತಿಕ್ರಿಯಿಸಿದರು. ಡ್ರಿಂಕ್ಸ್, ಡ್ಯಾನ್ಸ್, ಎಂಜಾಯ್ ಮಾಡಿ​ ಎಂದಿದ್ದಾರೆ.  ಆದರೆ ನಂತರ ಅದೇ ಪ್ರಶ್ನೆಗೆ ನಾಗ ಚೈತನ್ಯ ನೀಡಿದ ಉತ್ತರ ಎಲ್ಲರನ್ನು ಅಚ್ಚರಿಗೊಳಿಸಿದೆ.

ಇಂತಹ ಪಾರ್ಟಿಗಳಲ್ಲಿ ಬಟ್ಟೆ ಇರುವುದಿಲ್ಲ ಎಂದಿದ್ದಾರೆ. ಬಾಟಲ್ ಕಾಲಿಯಾಗುತ್ತದೆ. ಯಾರೂ ಮಲಗುವುದಿಲ್ಲ ಎಂದು ಧೈರ್ಯವಾಗಿ ಉತ್ತರಿಸಿದ್ದಾರೆ ನಾಗ್ ಚೈತನ್ಯ. ಇದನ್ನು ಕೇಳಿದ ರಾಶಿ ಖನ್ನಾ ಶಾಕ್ ಆದರು.

ವಿಕ್ರಮ್ ಕೆ.ಕುಮಾರ್ ನಿರ್ದೇಶನದ ಥ್ಯಾಂಕ್ಯೂ ಸಿನಿಮಾದಲ್ಲಿ ನಾಗ ಚೈತನ್ಯ ಮೂರು ವಿಭಿನ್ನ ಲುಕ್ ಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ರಾಶಿ ಖನ್ನಾ, ಮಾಳವಿಕಾ ನಾಯರ್ ಮತ್ತು ಅವಿಕಾ ಗೋರ್ ನಟಿಸಿದ್ದಾರೆ. ಮನಂ ಸಿನಿಮಾದ ನಂತರ ವಿಕ್ರಮ್-ಚೈತನ್ಯ ಕಾಂಬೋ ಬರುತ್ತಿರುವುದರಿಂದ ಈ ಸಿನಿಮಾದ ಬಗ್ಗೆ ಜನರಲ್ಲಿ ನಿರೀಕ್ಷೆ ಹೆಚ್ಚಿದೆ. ಈ ಚಿತ್ರಕ್ಕಾಗಿ ಅಕ್ಕಿನೇನಿ ಅಭಿಮಾನಿಗಳು ಕಾಯುತ್ತಿದ್ದಾರೆ.