RRR: ಆಸ್ಕರ್ ವೇದಿಕೆಯಲ್ಲಿ 'ನಾಟು ನಾಟು' ಹಾಡಿಗೆ ಸ್ಟೆಪ್ ಹಾಕಲಿದ್ದಾರೆ ಈ ಹಾಲಿವುಡ್ ನಟಿ, ಜೂನಿಯರ್ NTR ಕೊಟ್ರು ಕ್ಲಾರಿಟಿ

ರಾಜಮೌಳಿ ನಿರ್ದೇಶನದ  RRR ಚಿತ್ರ ವಿಶ್ವದಾದ್ಯಂತ ಟ್ರೆಂಡ್ ಆಗಿದೆ. ದೊಡ್ಡ ಮಟ್ಟದ ಕಲೆಕ್ಷನ್ ಪಡೆದು ಹಲವಾರು ಅಂತರಾಷ್ಟ್ರೀಯ ಪ್ರಶಸ್ತಿಗಳನ್ನು ಬಾಚಿಕೊಂಡಿರುವ ಈ ಸಿನಿಮಾ ಈಗ ಆಸ್ಕರ್ ರೇಸ್ ನಲ್ಲಿದೆ.  ಇಡೀ RRR ತಂಡ ಅಮೆರಿಕಾದಲ್ಲಿದೆ. ನಾಟು ನಾಟು ಹಾಡು ಆಸ್ಕರ್ ಪ್ರಶಸ್ತಿ ಗೆಲ್ಲಲಿ ಎಂದು ಇಡೀ ಭಾರತ ಹಾರೈಸುತ್ತಿದೆ. 

ಈ ಬಾರಿ ಆಸ್ಕರ್ ವೇದಿಕೆಯಲ್ಲಿ NTR ಮತ್ತು ರಾಮ್ ಚರಣ್ ಒಟ್ಟಿಗೆ ನಾಟು ನಾಟು ಹಾಡಿಗೆ ಹೆಜ್ಜೆ ಹಾಕಲಿದ್ದಾರೆ ಎಂದು ಎಲ್ಲರೂ ಭಾವಿಸಿದ್ದರು. ಆದರೆ ಸದ್ಯವಿಲ್ಲ ಎಂದು NTR ಸ್ಪಷ್ಟಪಡಿಸಿದ್ದಾರೆ. ಹಾಲಿವುಡ್ ಮಾಧ್ಯಮಕ್ಕೆ ನೀಡಿದ ಸಂದರ್ಶನದಲ್ಲಿ ಅವರು ಈ ವಿಷಯ ತಿಳಿಸಿದ್ದಾರೆ. ಆದರೆ ಆಸ್ಕರ್ ವೇದಿಕೆಯಲ್ಲಿ ಸಂಗೀತ ನಿರ್ದೇಶಕ ಕೀರವಾಣಿ, ಗಾಯಕರಾದ ಕಾಲಭೈರವ ಮತ್ತು ರಾಹುಲ್ ಸಿಪ್ಲಿಗಂಜ್ ಅವರ ಲೈವ್ ಶೋ ಇರಲಿದೆ.

ನಾಟು ನಾಟು ಹಾಡಿಗೆ ವೇದಿಕೆ ಮೇಲೆ ಚೆರ್ರಿ ಮತ್ತು NTR ಡ್ಯಾನ್ಸ್ ಮಾಡುತ್ತಿಲ್ಲ. ಬದಲಿಗೆ ಅಮೆರಿಕನ್ ನಟಿ ಮತ್ತು ನರ್ತಕಿ ಲಾರೆನ್ ಗಾಟ್ಲೀಬ್ ಅವರು ನಾಟು ನಾಟು ಹಾಡಿಗೆ ನೃತ್ಯ ಮಾಡಲಿದ್ದಾರೆ ಎಂದು Instagram ನಲ್ಲಿ ಬಹಿರಂಗಪಡಿಸಿದ್ದಾರೆ. ಅವರು ಜಲಕ್ ದಿಖಲಾಜಾ ಸೀಸನ್ 6ರ ರನ್ನರ್ ಅಪ್ ಆಗಿ ಭಾರತೀಯರಿಗೆ ಪರಿಚಿತರಾಗಿದ್ರು.

ನಾನು ಆಸ್ಕರ್​ನಲ್ಲಿ ಡ್ಯಾನ್ಸ್ ಮಾಡಲಿದ್ದೇನೆ. ವಿಶ್ವದ ಅತ್ಯಂತ ಪ್ರತಿಷ್ಠಿತ ವೇದಿಕೆಯಲ್ಲಿ ಭಾರತವನ್ನು ಪ್ರತಿನಿಧಿಸುತ್ತಿರುವುದಕ್ಕೆ ನನಗೆ ಸಂತೋಷವಾಗಿದೆ ಎಂದು ಲಾರೆನ್ ಗಾಟ್ಲೀಬ್ ಹೇಳಿದ್ದಾರೆ.

1920 ರ ಹಿನ್ನಲೆಯಲ್ಲಿ, RRR ಚಿತ್ರದಲ್ಲಿ ಎನ್​ಟಿಆರ್ ಕೊಮುರಂ ಭೀಮ್ ಮತ್ತು ರಾಮ್ ಚರಣ್ ಅಲ್ಲೂರಿ ಸೀತಾರಾಮರಾಜ್ ಪಾತ್ರದಲ್ಲಿ ನಟಿಸಿದ್ದಾರೆ. ರಾಜಮೌಳಿ ಅವರ ಟೇಕ್, ಚಿತ್ರದ ದೃಶ್ಯಗಳು ವಿಶ್ವದಾದ್ಯಂತ ಪ್ರೇಕ್ಷಕರಿಂದ ಮೆಚ್ಚುಗೆ ಪಡೆದಿವೆ. ಈ ಸಿನಿಮಾದಲ್ಲಿನ ನಾಟು ನಾಟು ಹಾಡಿಗೆ ಖಂಡಿತ ಆಸ್ಕರ್ ಸಿಗುತ್ತದೆ ಎಂಬ ವಿಶ್ವಾಸ ತೆಲುಗು ಪ್ರೇಕ್ಷಕರಲಿದೆ.

RRR ಚಿತ್ರದ ನಾಟು ನಾಟು ಹಾಡು ಒರಿಜಿನಲ್ ಸಾಂಗ್ ವಿಭಾಗದಲ್ಲಿ ಆಸ್ಕರ್​ಗೆ ನಾಮಿನೇಟ್ ಆಗಿರುವ ಹಿನ್ನೆಲೆ ಇಡೀ RRR ತಂಡ ಅಮೆರಿಕಾದಲ್ಲಿದೆ. ನಾಟು ನಾಟು ಹಾಡು ಆಸ್ಕರ್ ಪ್ರಶಸ್ತಿ ಗೆಲ್ಲಲಿ ಎಂದು ಇಡೀ ಭಾರತ ಹಾರೈಸುತ್ತಿದೆ.

ನಾಟು ನಾಟು ಹಾಡಿಗೆ ಪ್ರೇಮ್ ರಕ್ಷಿತ್ ಅವರ ನೃತ್ಯ ಸಂಯೋಜನೆಯಲ್ಲಿ ರಾಮ್ ಚರಣ್ ಮತ್ತು NTR ಅವರು ಸ್ಟೆಪ್ಸ್ ಹಾಕಿದ್ದಾರೆ. ವಿಮರ್ಶಕರು ಕೂಡ ಈ ಹಾಡಿನ ಬಗ್ಗೆ ಕೊಂಡಾಡಿದ್ದಾರೆ. ರಾಜಮೌಳಿ ಅವರ ಟೇಕ್ ಮತ್ತು ಕೀರವಾಣಿ ಟ್ಯೂನ್​ ಈ ಹಾಡಿನ ಕ್ರೇಜ್ ಹೆಚ್ಚಿಸಿವೆ.