Sooryavanshi ಸಿನಿಮಾದಲ್ಲಿ ಮುಸ್ಲಿಂರನ್ನು ಕೆಟ್ಟದಾಗಿ ತೋರಿಸಿದ್ದೀರಿ ಎಂದವರಿಗೆ Rohit Shetty ಕೊಟ್ಟ ಉತ್ತರ ಹೀಗಿದೆ..!

ರೋಹಿತ್ ಶೆಟ್ಟಿ ನಿರ್ದೇಶನದ ಸಿನಿಮಾಗಳಿಗೆ ತಮ್ಮದೇ ಆದ ಪ್ರೇಕ್ಷಕ ವರ್ಗವಿದೆ. ಫುಲ್​ ಪ್ಯಾಕ್ಡ್​ ಆ್ಯಕ್ಷನ್​ ಸಿನಿಮಾಗಳನ್ನು ಮಾಡುವ ರೋಹಿತ್ ಶೆಟ್ಟಿ ಕೋಟಿ ಕೋಟಿ ಬಾಚಿಕೊಳ್ಳುತ್ತಾರೆ. ಇಂತಹ ನಿರ್ದೇಶಕನ ಹೊಸ ಸಿನಿಮಾ ಸೂರ್ಯವಂಶಿ ದೀಪಾವಳಿ ಹಬ್ಬಕ್ಕೆ ರಿಲೀಸ್​ ಆಗಿದೆ.

ದೀಪಾವಳಿ ಹಬ್ಬದ ಪ್ರಯುಕ್ತ ತೆರೆಕಂಡ ಸೂರ್ಯವಂಶಿ ಸಿನಿಮಾ ಮೊದಲ ದಿನವೇ 26.29 ಕೋಟಿ ಗಳಿಕೆ ಮಾಡುವ ಮೂಲಕ ಬಾಕ್ಸಾಫಿಸ್​ನಲ್ಲಿ ಖಾತೆ ತೆರೆಯಿತು. ನಂತರವೂ ಸಹ ಈ ಸಿನಿಮಾ ಗಳಿಕೆ ವಿಷಯದಲ್ಲಿ ಹಿಂದೆ ಬೀಳಲಿಲ್ಲ.

ಬಾಲಿವುಡ್​ನಲ್ಲಿ ಕೋಟಿಗಳ ಸರದಾರ ಎಂದೇ ಕರೆಸಿಕೊಳ್ಳುವ ನಿರ್ದೇಶಕ ರೋಹಿತ್ ಶೆಟ್ಟಿ ಅವರ ಸೂರ್ಯವಂಸಿ ಸಿನಿಮಾ ಐದು ದಿನಗಳಲ್ಲಿ ಭಾರತದಲ್ಲಿ ನೂರು ಕೋಟಿ ಗಳಿಕೆ ಮಾಡಿದೆ. ಹೌದು, ಒಟ್ಟು 102.81 ಕೋಟಿ ಗಳಿಕೆ ಮಾಡಿದ್ದು, 150 ಕೋಟಿಯತ್ತ ಮುನ್ನುಗ್ಗುತ್ತಿದೆ.

ಹೀಗಿರುವಾಗಲೇ ಸಿನಿಮಾ ಸಕ್ಸಸ್​ ಖುಷಿಯಲ್ಲಿರುವ ರೋಹಿತ್ ಶೆಟ್ಟಿ ಸಂದರ್ಶನಗಳನ್ನು ನೀಡುತ್ತಿದ್ದಾರೆ. ಹೀಗೆ ಸಂದರ್ಶನವೊಂದರಲ್ಲಿ ಸಿನಿಮಾದಲ್ಲಿ ಮುಸ್ಲಿಂರನ್ನು ಕೆಟ್ಟದಾಗಿ ತೋರಿಸಲಾಗಿದೆ ಎಂಬ ಪ್ರಶ್ನೆ ಎದುರಾಗುತ್ತದೆ.

ಆ ಪ್ರಶ್ನೆಗೆ ಉತ್ತರಿಸಿರುವ ನಿರ್ದೇಶಕ ರೋಹಿತ್ ಶೆಟ್ಟಿ, ಸಿನಿಮಾಗಳನ್ನು ಸಿನಿಮಾಗಳ ತರ ನೋಡಿ, ಯಾವುದೇ ಪಾತ್ರಗಳನ್ನು ಧರ್ಮಕ್ಕೆ ನಂಟು ಹಾಕಬೇಡಿ. ಈ ಹಿಂದೆ ನನ್ನ ಸಿನಿಮಾಗಳಲ್ಲಿ ಹಿಂದೂಗಳನ್ನು ಖಳನಾಯಕರನ್ನಾಗಿ ಮಾಡಿದ್ದೇನೆ. ಆಗ ಏಕೆ ಸಮಸ್ಯೆ ಆಗಲಿಲ್ಲ ಎಂದಿದ್ದಾರೆ.

ಸಿಂಗಂ ಚಿತ್ರದಲ್ಲಿ ವಿಲನ್ ಪಾತ್ರದ ಹೆಸರು ಜಯಕಾಂತ್ ಶಿಕ್ರೆ, ಒಬ್ಬ ಹಿಂದೂ. ಮತ್ತೊಂದು ಸಿನಿಮಾದಲ್ಲಿ ಖಳನಾಯಕನಾಗಿದ್ದು ಧಾರ್ಮಿಕ ಗುರುವಿನ ಪಾತ್ರಧಾರಿ ಸಹ ಹಿಂದೂ. ಸಿಂಬಾದಲ್ಲಿ, ದೂರ್ವಾ ಯಶವಂತ್ ರಾನಡೆ ಒಬ್ಬ ಮಹಾರಾಷ್ಟ್ರದವರು. ಈ ಮೂರು ಚಿತ್ರಗಳಲ್ಲಿ ವಿಲನ್​ ಪಾತ್ರಗಳು ಹಿಂದೂಗಳಾಗಿದ್ದವು. ಆಗ ಈ ಸಮಸ್ಯೆಯುಂಟಾಗಿರಲಿಲ್ಲ ಎಂದಿದ್ದಾರೆ ರೋಹಿತ್​ ಶೆಟ್ಟಿ.

ಇನ್ನು ಈ ಸಿನಿಮಾದಲ್ಲಿ ಪಾಕಿಸ್ತಾನದಿಂದ ಬರುವ ವಿಲನ್​ ಯಾವ ಧರ್ಮ ಅಥವಾ ಜಾತಿಯಾಗಿರುತ್ತಾನೆ. ಸಿನಿಮಾದ ಕಥೆಗೆ ಅನುಗುಣವಾಗಿ ಪಾತ್ರಗಳನ್ನು ಸೃಷ್ಟಿಸಲಾಗಿದೆ. ಇದರಲ್ಲಿ ಯಾವುದೇ ಜಾತಿ ಅಥವಾ ಧರ್ಮವನ್ನು ಬೆರೆಸುವ ಉದ್ದೇಶ ಇಲ್ಲ. ಇನ್ನು ಇದು ಸಿನಿಮಾ ನೋಡುವ ಪ್ರೇಕ್ಷಕರಿಗೆ ಸಮಸ್ಯೆಯಾಗಿ ಕಾಣುವುದಿಲ್ಲ. ಆದರೆ, ಪ್ರತಿಯೊಂದರಲ್ಲೂ ನಕಾರತ್ಮಕತೆ ಹುಡುಕುವ ಕೆಲವು ಪತ್ರಕರ್ತರಿಗೆ ಮಾತ್ರ ಸಮಸ್ಯೆಯಾಗಿ ಕಾಣುತ್ತದೆ ಎಂದು ಕೊಂಛ ಖಾರವಾಗಿ ಉತ್ತರಿಸಿದ್ದಾರೆ.

ನಿರ್ದೇಶಕ ರೋಹಿತ್​ ಶೆಟ್ಟಿ ಅವರು ಸಾಲು ಸಾಲು ಸಿನಿಮಾಗಳ ನಿರ್ದೇಶನ ಮಾಡುತ್ತಿದ್ದಾರೆ. ಒಂದು ಪೂಜಾ ಹೆಗ್ಡೆ ಹಾಗೂ ರಣವೀರ್ ಸಿಂಗ್​ ಅಭಿನಯದ ಸರ್ಕಸ್​ ಹಾಗೂ ಅಜಯ್ ದೇವಗನ್​ ಅವರ ಸಿಂಗ ಸಿನಿಮಾದ ಸರಣಿ ಚಿತ್ರ ಸಹ ಇನ್ನೇನು ಸೆಟ್ಟೇರಲಿದೆ.