Kangana Ranaut: ಮಾನಹಾನಿ ಪ್ರಕರಣ; ನಟಿ ಕಂಗನಾ ರನೌತ್​ಗೆ ನೋಟಿಸ್​ ನೀಡಿದ ಮುಂಬೈ ಪೊಲೀಸರು..!

ಸುಶಾಂತ್​ ಸಿಂಗ್​ ಸಾವಿನ ಪ್ರಕರಣಕ್ಕೆ ಸಂಬಂಧಿಸಿದಂತೆ ಕಂಗನಾ ಖಾಸಗಿ ಸುದ್ದಿ ವಾಹಿನಿಯೊಂದರಲ್ಲಿ ಈ ಹಿಂದೆ ಸಂದರ್ಶನ ನೀಡಿದ್ದರು.

ಆ ಸಂದರ್ಶನದಲ್ಲಿ ಸಾಕಷ್ಟು ಬಾಲಿವುಡ್​ ಸೆಲೆಬ್ರಿಟಿಗಳ ವಿರುದ್ಧ ಕಂಗನಾ ಸಾಕಷ್ಟು ಆರೋಪಗಳನ್ನು ಮಾಡಿದ್ದರು.

ಗೀತ ರಚನೆಕಾರ ಜಾವೇದ್​ ಅಖ್ತರ್​ ವಿರುದ್ಧ ಇದೇ ಸಂದರ್ಶನದಲ್ಲಿ ಇಲ್ಲ ಸಲ್ಲದ ಆರೋಪ ಮಾಡಿದ್ದರಂತೆ. ಈ ಸಂಬಂಧ ಜಾವೇರ್​ ಅಖ್ತರ್​ ಕಂಗನಾ ವಿರುದ್ಧ ಕಳೆದ ನವೆಂಬರ್​ನಲ್ಲಿ ಅಂದೇರಿ ಮೆಟ್ರೊಪಾಲಿಟನ್​ ನ್ಯಾಯಾಲಯದಲ್ಲಿ ಮಾನಹಾನಿ ಮೊಕದ್ದಮೆ ದಾಖಲಿಸಿದ್ದರು.

ಈಗ ಇದೇ ಮಾನಹಾನಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮುಂಬೈ ಪೊಲೀಸರು ಕಂಗನಾಗೆ ನೋಟಿಸ್​ ನೀಡಿದ್ದಾರೆ.

ಶುಕ್ರವಾರ ಜುಹು ಪೊಲೀಸರ ಮುಂದೆ ಹಾಜರಾಗುವಂತೆ ನೋಟಿಸ್​ನಲ್ಲಿ ಸೂಚಿಸಲಾಗಿದೆಯಂತೆ.

ಅಷ್ಟಕ್ಕೂ ಕಂಗನಾ ಜಾವೇದ್​ ಅಖ್ತರ್​ ಅವರ ವಿರುದ್ಧ ಮಾಡಿದ್ದ ಆರೋಪವಾದರು ಏನು ಅಂತೀರಾ..? ಹೃತಿಕ್​ ರೋಷನ್​ ಜೊತೆ ಇದ್ದ ಸಂಬಂಧದ ಬಗ್ಗೆ ಎಲ್ಲೂ ಬಾಯಿಬಿಡದಂತೆ ಮೌನವಹಿಸಬೇಕೆಂದು ಜಾವೇದ್ ಅಖ್ತರ್​ ಒತ್ತಡವೇರಿದ್ದರು ಎಂದು ಕಂಗನಾ ಸಂದರ್ಶನದಲ್ಲಿ ಆರೋಪಿಸಿದ್ದರು. ಈ ಆರೋಪ ಸುಳ್ಳು ಎಂದು ಗೀತ ರಚನೆಕಾರ ನ್ಯಾಯಾಲಯದ ಮೆಟ್ಟಿಲೇರಿದ್ದರು.

ಱಗ್ದ ಕಂಗನಾ ಅಭಿನಯಿಸುತ್ತಿರುವ ಬಹು ನಿರೀಕ್ಷಿತ ಸಿನಿಮಾ ಧಾಕಡ್​ ಮುಂದಿನ ವರ್ಷ ಅಕ್ಟೋಬರ್​ 1ಕ್ಕೆ ರಿಲೀಸ್ ಆಗಲಿದೆ.

ತಲೈವಿ ಸಿನಿಮಾದಲ್ಲಿ ಕಂಗನಾ ಜಯಲಲಿತಾ ಅವರ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರದಲ್ಲಿನ ಕೆಲವು ಪೋಸ್ಟರ್​ ಹಾಗೂ ಸ್ಟಿಲ್​ಗಳು ಈಗಾಗಲೇ ಪ್ರೇಕ್ಷಕರ ಮನ ಗೆದ್ದಿವೆ.