Sandalwood: ಚಂದನವನದಲ್ಲಿ ಈವರೆಗೆ ಅರ್ಧ ಸಿಹಿ, ಅರ್ಧ ಕಹಿ! 6 ತಿಂಗಳ ಸಿನಿ ರಿಪೋರ್ಟ್ ಇಲ್ಲಿದೆ

ಈ ವರ್ಷ ಸ್ಯಾಂಡಲ್​ವುಡ್​ ಪಾಲಿಗೆ ಚಿನ್ನದ ಗಣಿ ಆಗಿ ಹೊರಹೊಮ್ಮಿದ್ದು, ಕನ್ನಡದ ಹೆಮ್ಮೆಯ ಯಶ್​ ಅಭಿನಯದ ಕೆಜಿಎಫ್ 2 ಚಿತ್ರ. ಏಪ್ರಿಲ್ 14ರಂದು ಪ್ರಪಂಚದಾದ್ಯಂತ ಚಿತ್ರ ಬಿಡುಗಡೆಯಾಗಿ ಬಾಕ್ಸ್ ಆಫಿಸ್ ಧೂಳಿಪಟ ಮಾಡಿದೆ. ಚಿತ್ರವು ಈವರೆಗೆ ಭರ್ಜರಿ 1250ಕೋಟಿಗೂ ಹೆಚ್ಚಿನ ಕಲೆಕ್ಷನ್ ಮಾಡುವ ಮೂಲಕ ಎಲ್ಲಾ ದಾಖಲೆಗಳನ್ನೂ ಅಳಿಸಿ ಹಾಕಿದೆ.

ಸ್ಯಾಂಡಲ್​ವುಡ್​ನ ಅಭಿಮಾನಿಗಳ ಪಾಲಿನ ಅಪ್ಪು ನಮ್ಮನ್ನು ಅಗಲಿ ಬಾರದ ಊರಿಗೆ ಹೋಗಿದ್ದಾರೆ. ಅವರ ಕೊನೇಯ ಚಿತ್ರ ಜೇಮ್ಸ್ ಇದೇ ವರ್ಷ ತೆರೆಕಂಡಿದ್ದು, ಭರ್ಜರಿ ಹಿಟ್ ಆಗಿದೆ. ಅಲ್ಲದೇ ಚಿತ್ರವು ಕೆಲ ದಿನಗಳ ಹಿಂದೆಯಷ್ಟೇ ಶತದಿನೋತ್ಸವವನ್ನೂ ಸಹ ಪೂರೈಸೂವ ಮೂಲಕ ಬಾಲಕ್ಸ್ ಆಫಿಸ್​ ನಲ್ಲಿ ಸೂಪರ್ ಹಿಟ್ ಸಾಲಿಗೆ ಸೇರಿದೆ.

ರಕ್ಷಿತ್ ಶೆಟ್ಟಿ ಅಭಿನಯದ 777 ಚಾರ್ಲಿ ಚಿತ್ರವು ಈ ವರ್ಷ ತೆರೆಕಂಡು ಎಲ್ಲಡೇ ಉತ್ತಮ ಪ್ರದರ್ಶನ ತೋರುತ್ತಿದೆ. ಸಿನಿಮಾವು ಈವರೆಗೂ 150 ಕೋಟಿ ರೂಪಾಯಿಗಳಿಗೂ ಅಧಿಕ ವ್ಯವಹಾರ ಮಾಡಿದೆ. ಜೂನ್ 10ರಂದು ತೆರೆಕಂಡಿದ್ದು, ಈಗಲೂ ಎಲ್ಲಡೆ ಉತ್ತಮವಾಗಿ ಪ್ರದರ್ಶನ ಕಾಣುತ್ತಿದೆ.

ಡಾರ್ಲಿಂಗ್ ಕೃಷ್ಣ, ಮಿಲನಾ ನಾಗರಾಜ್ ಜೋಡಿ 'ಲವ್ ಮಾಕ್‌ಟೇಲ್ 2' ಸಿನಿಮಾವು ಬಾಕ್ಸ್ ಆಫೀಸ್ ಹಿಟ್ ಎನಿಸಿಕೊಂಡಿದೆ. ಲವ್​ ಮಾಕ್ಟೆಲ್​ ಚಿತ್ರದ ಸೀಕ್ವೇಲ್ ಆಗಿರುವ ಈ ಚಿತ್ರಕ್ಕಾಗಿ ಕನ್ನಡ ಸಿನಿ ಪ್ರೇಮಿಗಳು ಕಾತುರದಿಂದ ಕಾಯುತ್ತಿದ್ದರು. ಚಿತ್ರವೂ ಸಹ ಎಲ್ಲಡೆ ಉತ್ತಮವಾಗಿ ಪ್ರದರ್ಶನ ಕಂಡಿತ್ತು.

ಶ್ರೀನಿಯ 'ಓಲ್ಡ್‌ಮಾಂಕ್' ಚಿತ್ರ ಈ ವರ್ಷವೇ ತೆರೆಕಂಡು ಸಿನಿ ಪ್ರೇಮಿಗಳು ಚಿತ್ರಕ್ಕೆ ಉತ್ತಮ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದರು. ಕಾಮಿಡಿ ಡ್ರಾಮಾ ಆಗಿ ತೆರೆಕಂಡ ಚಿತ್ರವು ಬಾಕ್ಸ್ ಆಫೀಸ್​ನಲ್ಲಿ ನಿರ್ಮಾಪಕರಿಗೆ ಚಿತ್ರ ಯಾವ ಮೋಸವನ್ನೂ ಮಾಡಲಿಲ್ಲ.

ನಟ ಶಿವರಾಜ್​ಕುಮಾರ್ ಮತ್ತು ಡಾಲಿ ಧನಂಜಯ್ ಅಭಿನಯದ ಭೈರಾಗಿ ಚಿತ್ರವೂ ಸಹ ತೆರಕಂಡು ಸಕತ್ ಪ್ರದರ್ಶನ ಕಾಣುತ್ತಿದೆ. ಬಾಕ್ಸ್ ಆಫೀಸ್​ನಲ್ಲಿ ಸಹ ಭರ್ಜರಿ ಕಲೆಕ್ಷನ್​ ಮಾಡುತ್ತಿದೆ. ಇನ್ನು, ಸಿನಿಮಾ ತೆರೆಗೆ ಬರುವ ಮೊದಲೇ ಟಿವಿ ಹಕ್ಕು 10 ಕೋಟಿ ರೂ ಗೆ ಮಾರಾಟವಾಗಿತ್ತು.

ಇನ್ನು, 6 ತಿಂಗಳಲ್ಲಿ ಸುಮಾರು 50 ಕನ್ನಡ ಚಿತ್ರಗಳು ತೆರೆಕಂಡಿವೆ. ಏಕ್ ಲವ್ ಯಾ, ಬೈ ಟು ಲವ್, ಹೋಮ್ ಮಿನಿಸ್ಟರ್, ಹರಿಕಥೆ ಅಲ್ಲ ಗಿರಿ ಕಥೆ, ಅವತಾರ ಪುರುಷ, ಕ್ರಿಟಿಕಲ್‌ ಕೀರ್ತನೆಗಳು, ತಲೆದಂಡ ಸೇರಿದಂತೆ ಅನೇಕ ಸಿನಿಮಾಗಳು ತೆರೆಕಂಡಿವೆ. ಆದರೆ ಇವುಗಳಲ್ಲಿ ಕೆಲವುಗಳು ಬಾಕ್ಸ್ ಆಫೀಸ್​ನಲ್ಲಿ ಅಷ್ಟಾಗಿ ಸಕ್ಸಸ್​ ಕಾಣಲಿಲ್ಲ. ಸಿನಿಮಾಗಳಿಗೆ ಒಳ್ಳೆಯ ವಿಮರ್ಶೆ ಸಿಕ್ಕಿದೆ.