Mothers Day 2022: 'ತಾಯಿ ದೇವರು' ಎಂದ 'ಜೋಗಿ'! 'ಅಮ್ಮ'ನ ಪ್ರೀತಿ ಸಾರಿದ ಕನ್ನಡ ಸಿನಿಮಾಗಳಿವು

ತಾಯಿ ಸೆಂಟಿಮೆಂಟ್ ಅಂದರೆ ಮೊದಲಿಗೆ ನೆನಪಿಗೆ ಬರುವುದೇ ಜೋಗಿ ಸಿನಿಮಾ. ಹ್ಯಾಟ್ರಿಕ್ ಹೀರೋ ಶಿವರಾಜ್‌ ಕುಮಾರ್ ಹಾಗೂ ಹಿರಿಯ ನಟಿ, ರಂಗಕರ್ಮಿ ಅರುಂಧತಿ ನಾಗ್ ತಾಯಿ-ಮಗನಾಗಿ ಅಭಿನಯಿಸಿದ್ದ ಈ ಸಿನಿಮಾ ಇಂದಿಗೂ ಕನ್ನಡಿಗರ ಅಚ್ಚುಮೆಚ್ಚಿನ ಚಿತ್ರ. ಪ್ರೇಮ್ ನಿರ್ದೇಶನದ ಈ ಸಿನಿಮಾ 2005ರಲ್ಲಿ ತೆರೆ ಕಂಡು ಬಾಕ್ಸ್ ಆಫೀಸ್‌ನಲ್ಲಿ ಚಿಂದಿ ಉಡಾಯಿಸಿತ್ತು. ಮ್ಯೂಸಿಕ್, ಹಿನ್ನೆಲೆ ಗಾಯನ, ಕಥೆ, ಚಿತ್ರಕಥೆ, ಸಂಭಾಷಣೆ ಮೂಲಕ ಮನಗೆದ್ದ ಈ ಸಿನಿಮಾದಲ್ಲಿ ತಾಯಿ-ಮಗನ ಬಾಂಧವ್ಯವೇ ಹೈಲೆಟ್ಸ್.

ನಟಸಾರ್ವಭೌಮ ಡಾ. ರಾಜ್ಕುಮಾರ್ ಅಭಿನಯದ ಪ್ರಮುಖ ಸಿನಿಮಾಗಳಲ್ಲಿ ತಾಯಿಗೆ ತಕ್ಕ ಮಗ ಕೂಡ ಒಂದು. 1978ರಲ್ಲಿ ತೆರೆಗೆ ಬಂದ ಈ ಸಿನಿಮಾ ನಿರ್ದೇಶಿಸಿದ್ದು ಸೋಮಶೇಖರ್. ಆಂಜನೇಯ ಪುಷ್ಪಾನಂದ್ ಬರೆದ ಕಥೆಯನ್ನು ಆಧರಿಸಿದ ಇದನ್ನು ನಿರ್ಮಾಣ ಮಾಡಿದ್ದ ಪಾರ್ವತಮ್ಮ ರಾಜ್ಕುಮಾರ್. ಅಂದಿನ ಖ್ಯಾತ ನಟಿ ಸಾವಿತ್ರಿ ಈ ಸಿನಿಮಾದಲ್ಲಿ ತಾಯಿ ಪಾತ್ರದಲ್ಲಿ ಮನೋಜ್ಞ ಅಭಿನಯ ನೀಡಿದ್ದರು.

ತಾಯಿ ದೇವರು ಶಿವಂ ಬರೆದ ಮತ್ತು ಸಿದ್ದಲಿಂಗಯ್ಯ ನಿರ್ದೇಶಿಸಿದ ಸಿನಿಮಾ. 1971 ರಲ್ಲಿ ತೆರೆತಂಡ ಇದರಲ್ಲಿ ಡಾ. ರಾಜ್ಕುಮಾರ್, ಎಂ.ವಿ. ರಾಜಮ್ಮ ಹಾಗೂ ಭಾರತಿ ಸೇರಿದಂತೆ ಪ್ರಮುಖರು ನಟಿಸಿದ್ದಾರೆ. ಇದೂ ಕೂಡ ತಾಯಿ ಕುರಿತಾಗಿ ಬಂದ ಅದ್ಭುತ ಕನ್ನಡ ಸಿನಿಮಾಗಳಲ್ಲಿ ಒಂದು.

ಸದ್ಯ ಸಿನಿರಂಗದಲ್ಲಿ ಸಂಚಲನ ಉಂಟು ಮಾಡಿರುವ ಕೆಜಿಎಫ್ ಹಾಗೂ ಕೆಜಿಎಫ್ 2 ಸಿನಿಮಾ ಕೂಡ ತಾಯಿ ಸೆಂಟಿಮೆಂಟ್ ಹೊಂದಿರುವ ಸಿನಿಮಾನೇ. ಪುಟ್ಟ ಬಾಲಕ ರಾಕಿ ಎದೆಯಲ್ಲಿ ಧೈರ್ಯ ತುಂಬುವ ತಾಯಿ, ಆತನ ಸಾಧನೆಗೆ ಸ್ಫೂರ್ತಿಯಾಗುತ್ತಾಳೆ. ಸಿನಿಮಾದಲ್ಲಿ ರಾಕಿಂಗ್ ಸ್ಟಾರ್ ಯಶ್ಗಿಂತ ಚಿಕ್ಕವರಾದ ಅರ್ಚನಾ ಜೋಯಿಶ್ ತಾಯಿ ಪಾತ್ರ ಮಾಡಿ ಸೈ ಎನಿಸಿಕೊಂಡರು.

1994ರಲ್ಲಿ ತೆರೆಗೆ ಬಂದ ಈ ಸಿನಿಮಾ ನೋಡಿ ಕಣ್ಣೀರು ಸುರಿಸದ ಕನ್ನಡಿಗರೇ ಇಲ್ಲ ಎಂದರೆ ತಪ್ಪಾಗಲಿಕ್ಕಿಲ್ಲ. ನಟಿ ವಿನಯಾಪ್ರಸಾದ್ ಹಾಗೂ ಟೈಗರ್ ಪ್ರಭಾಕರ್ ಅಭಿನಯದ ಈ ಸಿನಿಮಾಕ್ಕೆ ಸಂಗೀತ ನೀಡಿದ್ದು ಹಂಸಲೇಖ. ಕ್ಯಾನ್ಸರ್ ಪೀಡಿತ ತಾಯಿಯಾಗಿ, ಗಂಡ ಇಲ್ಲದ ಹೆಂಡತಿಯಾಗಿ ವಿನಯ ಪ್ರಸಾದ್ ಅಭಿನಯ ಸದಾ ಸ್ಮರಣೀಯ.

ಅಮ್ಮ.. ಕನ್ನಡದ ಖ್ಯಾತ ಜೋಡಿ ಅನಂತ್ ನಾಗ್ ಹಾಗೂ ಲಕ್ಷ್ಮೀ ಮತ್ತೆ ಒಂದಾದ ಸಿನಿಮಾ. ಚಿತ್ರದ ಹೆಸರೇ ಹೇಳುವಂತೆ ಚಿತ್ರ ತಾಯಿ ಪ್ರಧಾನ. ಮಾತೆಯ ಮಮತೆಯ ಸುತ್ತಾ ಹೆಣೆದ ಕಥೆ. ಬಿಡುವಿಲ್ಲದೆ ದುಡಿಯುವ ತಾಯಿ ಹೇಗೆ ನಿರ್ಲಕ್ಷಿಸಲ್ಪಡುತ್ತಾಳೆ ಎಂಬುದು ಕಥಾವಸ್ತು. ಇತ್ತೀಚೆಗೆ ಚಿತ್ರದ ಮೊದಲ ದೃಶ್ಯದ ಚಿತ್ರೀಕರಣ ಡಿ. ರಾಜೇಂದ್ರ ಬಾಬು ನಿರ್ದೇಶನದಲ್ಲಿ ಬಂದ ಈ ಸಿನಿಮಾ ರಿಲೀಸ್ ಆಗಿದ್ದು 2013ರಲ್ಲಿ.

2008ರಲ್ಲಿ ರಿಲೀಸ್ ಆದ ಈ ಸಿನಿಮಾದಲ್ಲಿ ಲಕ್ಷ್ಮೀ ಹಾಗೂ ಪವರ್ ಸ್ಟಾರ್ ಪುನೀತ್ ರಾಜ್‌ಕುಮಾರ್ ತಾಯಿ-ಮಗನಾಗಿ ಅಭಿನಯಿಸಿದ್ದಾರೆ. ಸಣ್ಣಪುಟ್ಟ ಕಾರಣಗಳಿಗೂ ಯಾವುದೇ ಸಂದರ್ಭದಲ್ಲಿ ಕೋಪಗೊಳ್ಳುವ ವಂಶಿ, ತೊಂದರೆಗೆ ಸಿಲುಕುತ್ತಾರೆ. ಅದರಿಂದ ಹೇಗೆ ಹೊರಕ್ಕೆ ಬರುತ್ತಾರೆ ಎನ್ನುವುದೇ ಚಿತ್ರದ ಕಥೆ.

2016 ರಲ್ಲಿ ಬಿಡುಗಡೆ ಆದ ತಮಿಳಿನ 'ಪಿಚೈಕ್ಕಾರನ್' ಸಿನಿಮಾದ ರೀಮೇಕ್ ಆದರೂ, 'ಅಮ್ಮ ಐ ಲವ್ ಯು' ಚಿತ್ರವನ್ನ ಕನ್ನಡ ಮಣ್ಣಿನ ಸೊಗಡಿಗೆ ತಕ್ಕ ಹಾಗೆ ತಯಾರು ಮಾಡಲಾಗಿದೆ. ಅಮ್ಮ-ಮಗನ ಅನುಬಂಧ ಸಾರುವ 'ಅಮ್ಮ ಐ ಲವ್ ಯು' ಚಿತ್ರ ಹೆಂಗಳೆಯರ ಮನಮಿಡಿಯುವಲ್ಲಿ ಯಶಸ್ವಿ ಆಗಿತ್ತು. ಹಿರಿಯ ನಟಿ ಸಿತಾರಾ, ನಟ ಚಿರಂಜೀವಿ ಸರ್ಜಾ ಮುಖ್ಯ ಭೂಮಿಕೆಯಲ್ಲಿದ್ದರು.

ಈ ಚಿತ್ರವು ಒಬ್ಬ ಅಸಹಾಯಕ ಹೆಣ್ಣಿನ ಜೀವನವನ್ನು ಬಿಂಬಿಸುವ ಈ ಸಿನಿಮಾ 1993ರಲ್ಲಿ ತೆರೆಗೆ ಬಂತು. ಹಿರಿಯ ನಟಿ ಲಕ್ಷ್ಮೀ, ಬಾಲ ನಟಿ ಬೇಬಿ ಶ್ಯಾಮಿಲಿ ಅಭಿನಯ ಈ ಚಿತ್ರದ ಹೈಲೈಟ್ಸ್. ಎಸ್.ವಿ. ರಾಜೇಂದ್ರ ಸಿಂಗ್ ಬಾಬು ನಿರ್ದೇಶಿಸಿದ್ದ ಈ ಸಿನಿಮಾಕ್ಕೆ ಸಂಗೀತ ನೀಡಿದ್ದು ಹಂಸಲೇಖ. ಡಾ.ರಾಜ್ಕುಮಾರ್ ಹಾಡಿದ್ದ ತಾಯಿ ತಾಯಿ ಹಾಡು ಇಂದಿಗೂ ಜೀವಂತವಾಗಿದೆ.

ಇತ್ತೀಚಿಗೆ ಬಂದ ತಾಯಿ ಪ್ರೀತಿಯ ಕಥೆ ಹೇಳುವ ಸಿನಿಮಾ ರತ್ನನ್ ಪ್ರಪಂಚ. ನೀವೆಲ್ಲ ಅಮೆಜಾನ್ ಪ್ರೈಮ್ನಲ್ಲಿ (Amazon Prime) ರಿಲೀಸ್ (Release) ಆಗಿದ್ದ, ನಟ ಡಾಲಿ ಧನಂಜಯ್ (Dali Dhananjay), ಉಮಾಶ್ರೀ (Umshri) ಅಭಿನಯದ ‘ರತ್ನನ್ ಪ್ರಪಂಚ’ (Ratnan Prapancha) ಸಿನಿಮಾ ನೋಡಿರುತ್ತೀರಿ. ಅಮ್ಮನೇ (Mother) ಸರ್ವಸ್ವ ಎಂದುಕೊಂಡಿದ್ದ ಮಗ (Son), ಆ ಅಮ್ಮ ನನ್ನ ಸ್ವಂತ ಅಮ್ಮ ಅಲ್ಲ ಎನ್ನುವುದು ಗೊತ್ತಾದಾಗ ತೊಳಲುವ ಪರಿ, ಮಗನಿಗೆ ಸತ್ಯ (Truth) ಗೊತ್ತಾಯ್ತು ಅಂತ ಆತಂಕಗೊಳ್ಳುವ ಅಮ್ಮ, ತನ್ನ ಹೆತ್ತ ಅಮ್ಮನನ್ನು ಹುಡುಕಿಕೊಂಡು ಹೋಗುವ ಕಥಾ ನಾಯಕ (Hero).. ಇವೆಲ್ಲ ನೋಡಿ ನೀವೂ ಕಣ್ಣೀರು ಹಾಕಿರುತ್ತೀರಿ.