Kantara-Prithviraj Sukumaran: ಕಾಂತಾರ ಮೆಚ್ಚಿ ಹೊಗಳಿದ ಮಾಲಿವುಡ್ ನಟ! ಕನ್ನಡ ಸಿನಿಮಾ ಬಗ್ಗೆ ಹೇಳಿದ್ದಿಷ್ಟು

ಕಾಂತಾರ ಸಿನಿಮಾ ಬಗ್ಗೆ ಪ್ರೇಕ್ಷಕರ ಮೆಚ್ಚುಗೆ ಹೆಚ್ಚುತ್ತಲೇ ಇದೆ. ಈ ಸಿನಿಮಾ ವಿಚಾರದಲ್ಲಿ ಪ್ರೇಕ್ಷಕರು ಕೊಟ್ಟ ವಿಮರ್ಶೆ ಸಿಕ್ಕಾಪಟ್ಟೆ ವರ್ಕೌಟ್ ಆಗುತ್ತಿದೆ.

ಕಾಂತಾರ ಸಿನಿಮಾ ನೋಡಿದ ಜನರ ವಿಮರ್ಶೆಯಿಂದಲೇ ಮತ್ತಷ್ಟು ಜನರು ಚಿತ್ರಮಂದಿರಕ್ಕೆ ಬರುತ್ತಿದ್ದಾರೆ. ನಟ ರಿಷಬ್ ಶೆಟ್ಟಿ ನಿರ್ದೇಶಿಸಿ ಅಭಿನಯಿಸಿದ ಈ ಸಿನಿಮಾವನ್ನು ಹೊಂಬಾಳೆ ಫಿಲ್ಮ್ಸ್ ನಿರ್ಮಿಸಿದೆ.

ಈ ಸಿನಿಮಾ ಬಗ್ಗೆ ಸ್ಟಾರ್ ನಟರು ಪ್ರತಿಕ್ರಿಯಿಸುತ್ತಿದ್ದಾರೆ. ಪ್ರಭಾಸ್, ಕಿಚ್ಚ ಸುದೀಪ್ ನಂತರ ಈಗ ಮಾಲಿವುಡ್ ನಟ ಪೃಥ್ವಿರಾಜ್ ಸುಕುಮಾರನ್ ಅವರೂ ಸಿನಿಮಾ ಮೆಚ್ಚಿ ಹೊಗಳಿದ್ದಾರೆ.

ಕಾಂತಾರ ಒಂದು ಅಮೋಘ ಸಿನಿಮಾ ಸಾಧನೆ! ರಿಷಬ್ ಶೆಟ್ಟಿ ಕ್ಯಾಮೆರಾ ಮುಂದೆ ಮತ್ತು ಹಿಂದೆ ಎರಡೂ ಕಡೆ ಸಂಪೂರ್ಣ ಪ್ರತಿಭೆ! ಹೊಂಬಳೆ ಫಿಲ್ಮ್ಸ್ ನೀವು ನಿರ್ಮಿಸುತ್ತಿರುವ ಕಂಟೆಂಟ್‌ ಮನಸ್ಸಿಗೆ ಮುದ ನೀಡುವ ಪೋರ್ಟ್‌ಫೋಲಿಯೊ. ಹೊಸದಾರಿ ತೋರಿದ್ದಕ್ಕಾಗಿ ಧನ್ಯವಾದಗಳು! ಅದ್ಭುತಕ್ಕೂ ಮೀರಿದ ಕೊನೆಯ 20 ನಿಮಿಷ ಸುಂದರವಾಗಿತ್ತು ಎಂದಿದ್ದಾರೆ.

ಸಿನಿಮಾ ಬಗ್ಗೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗುತ್ತಿದ್ದು ಎಲ್ಲೆಡೆ ಸಿನಿ ಪ್ರಿಯರು ಸಿನಿಮಾ ವೀಕ್ಷಿಸಿ ಪ್ರತಿಕ್ರಿಯಿಸುತ್ತಿದ್ದಾರೆ.

ಸ್ಯಾಂಡಲ್​ವುಡ್ ನಟ ಕಿಚ್ಚ ಸುದೀಪ್ ಅವರೂ ಸಿನಿಮಾ ನೋಡಿ ಮೆಚ್ಚಿ ಒಂದು ಪತ್ರವನ್ನು ಬರೆದಿದ್ದರು. ನಿರ್ದೇಶಕ ದೃಷ್ಟಿಕೋನವನ್ನು, ಅವರ ಕಲ್ಪನೆಯನ್ನೂ ಮೆಚ್ಚಿ ಹೊಗಳಿದ್ದರು.

[caption id="attachment_854296" align="alignnone" width="1600"] ನಟ ಪ್ರಭಾಸ್ ಕೂಡಾ ಸಿನಿಮಾ ರಿಲೀಸ್ ಆಗಿ ಎರಡನೇ ದಿನಕ್ಕೆ ಸಿನಿಮಾಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ವಿಶೇಷವಾಗಿ ಕೊನೆಯ 20 ನಿಮಿಷವನ್ನು ಹೊಗಳಿದ್ದರು.

ಮುಂಬೈನ ಮರಾಠ ಮಂದಿರ ಚಿತ್ರಮಂದಿರದಲ್ಲಿ ಇದೇ ಮೊದಲಬಾರಿಗೆ ಮೂಲಭಾಷೆಯಲ್ಲಿ ರಿಲೀಸ್ ಆದ ಮೊದಲ ಸೌತ್ ಸಿನಿಮಾ ಎಂಬ ಹೆಗ್ಗಳಿಕೆಗೂ ಕಾಂತಾರ ಪಾತ್ರವಾಗಿದೆ.