Milkha Singh-Farhan Akhtar: ಮಿಲ್ಕಾ ಸಿಂಗ್​ ಸದಾ ಜೀವಂತವಾಗಿರುತ್ತಾರೆ: ಫರ್ಹಾನ್​ ಅಖ್ತರ್​..!

ಬಾಲಿವುಡ್​ನಲ್ಲಿ ಮಿಲ್ಕಾ ಸಿಂಗ್​ ಅವರ ಜೀವನದ ಆಧರಿಸಿ ತೆಗೆದ ಭಾಗ್​ ಮಿಲ್ಕಾ ಭಾಗ್ ಸಿನಿಮಾ ತೆರೆಕಂಡು ಯಶಸ್ಸು ಕಂಡಿದ್ದು ಗೊತ್ತೇ ಇದೆ.

ಭಾಗ್​ ಮಿಲ್ಕಾ ಭಾಗ್​ ಸಿನಿಮಾದಲ್ಲಿ ಫರ್ಹಾನ್​ ಅಖ್ತರ್​ ನಟಿಸಿದ್ದಾರೆ.

ನಿನ್ನೆ ರಾತ್ರಿ 11.30ಕ್ಕೆ ಕೊನೆಯುಸಿರೆಳೆದ ಮಿಲ್ಕಾ ಸಿಂಗ್ ಅವರ ನಿಧನಕ್ಕೆ ಫರ್ಹಾನ್​ ಅಖ್ತರ್​ ಸಂತಾಪ ಸೂಚಿಸಿದ್ದಾರೆ.

ಮಿಲ್ಕಾ ಸಿಂಗ್​ ಅವರು ಇಹಲೋಕ ತ್ಯಜಿಸಿದ್ದಾರೆ ಎಂದು ನನಗೆ ಇನ್ನೂ ನಂಬಲಾಗುತ್ತಿಲ್ಲ ಎಂದಿದ್ದಾರೆ ಫರ್ಹಾನ್​.

ಭಾಗ್​ ಮಿಲ್ಕಾ ಭಾಗ್​ ಸಿನಿಮಾ ಮಾಡುವಾಗಿನಿಂದ ಅವರೊಂದಿಗೆ ಒಡನಾಟ ಹೊಂದಿದ್ದ ಫರ್ಹಾನ್​ ಅವರು ಇಂದು ಒಂದು ಪುಟ್ಟ ನೋಟ್ ಅನ್ನು ಪೋಸ್ಟ್​ ಮಾಡಿದ್ದಾರೆ.

ಮಿಲ್ಕಾ ಜೀ ನೀವು ಇಲ್ಲ ಎಂದು ನನಗೆ ಇನ್ನೂ ನಂಬಲಾಗುತ್ತಿಲ್ಲ. ನೀವು ನಿಜಕ್ಕೂ ಓರ್ವ ಛಲವಾಗಿ ಏನನ್ನಾದರೂ ಮಾಡಲು ನಿರ್ಧರಿಸಿದರೆ, ಅದು ಪೂರ್ಣಗೊಳ್ಳುವವರೆಗೂ ಬಿಡುತ್ತಿರಲಿಲ್ಲ. ಈ ಗುಣವನ್ನು ನಿಮ್ಮಿಂದ ಕಲಿತಿದ್ದೇನೆ. ನೀವು ಸದಾ ಜೀವಂತವಾಗಿರುತ್ತೀರಾ..! ಎಂದು ಭಾವುಕರಾಗಿ ಕೆಲವು ಸಾಲುಗಳನ್ನು ಬರೆದುಕೊಂಡಿದ್ದಾರೆ ಫರ್ಹಾನ್​ ಅಖ್ತರ್​.

1960ರ ರೋಮ್ ಒಲಿಂಪಿಕ್ಸ್‌ನಲ್ಲಿ 400 ಮೀಟರ್‌ ಅಂತರವನ್ನು 45.6 ಸೆಕೆಂಡ್‌ಗಳಲ್ಲಿ ಕ್ರಮಿಸಿ ದಾಖಲೆ ನಿರ್ಮಿಸಿದರು.

ಮಿಲ್ಕಾ ಸಿಂಗ್‌ ಅವರ ಈ ರಾಷ್ಟ್ರೀಯ ದಾಖಲೆಯನ್ನು 1998ರ ಒಲಿಂಪಿಕ್ಸ್‌ನಲ್ಲಿ ಪರಮ್‌ಜೀತ್ ಸಿಂಗ್‌ ಮುರಿದರು.

ಓಟದ ಸ್ಪರ್ಧೆಯಲ್ಲಿ ಆಗ ಹೆಸರು ಮಾಡಿದ್ದ ಕ್ರೀಡಾಪಟು ಅಬ್ದುಲ್ ಖಲೀಕ್​​ ಅವರನ್ನು ಸೋಲಿಸಿದ ನಂತರ 1960ರಲ್ಲಿ ಪಾಕಿಸ್ತಾನದ ಜನರಲ್ ಅಯೂಬ್ ಖಾನ್, ಮಿಲ್ಕಾ ಸಿಂಗ್​ ಅವರಿಗೆ ಫ್ಲೈಯಿಂಗ್​ ಸಿಖ್​ ಅನ್ನೋ ಬಿರುದನ್ನು ನೀಡಿದ್ದರು. ಅಂದಿನಿಂದ ಫ್ಲೈಯಿಂಗ್​ ಸಿಖ್​ ಎಂದೇ ಖ್ಯಾತರಾದರು.