Isha Ambani: ಮೆಟ್​ಗಾಲಾದಲ್ಲಿ ಮಿಂಚಿದ ಅಂಬಾನಿ ಪುತ್ರಿ! ಇಶಾ ಜೊತೆ ದಿಯಾ ಮೆಹ್ತಾ

2023 ಮೆಟ್ ಗಾಲಾ ರೆಡ್ ಕಾರ್ಪೆಟ್​ನಲ್ಲಿ ಹೆಜ್ಜೆ ಹಾಕಿದವರಲ್ಲಿ ಮುಕೇಶ್ ಅಂಬಾನಿ ಹಾಗೂ ನೀತಾ ಅಂಬಾನಿ ಅವರ ಪುತ್ರಿ ಇಶಾ ಅಂಬಾನಿಯೂ ಒಬ್ಬರು. ನ್ಯೂಯಾರ್ಕ್ ಸಿಟಿಯ ಮೆಟ್ರೋಪೊಲಿಟನ್ ಮ್ಯೂಸಿಯಂನಲ್ಲಿ ನಡೆದ ಇವೆಂಟ್​ನಲ್ಲಿ ಇಶಾ ಅಂಬಾನಿ ಸುಂದರವಾಗಿ ಕಂಡುಬಂದರು.

ಇವೆಂಟ್​ನಲ್ಲಿ ಭಾಗವಹಿಸಿದ ಭಾರತೀಯ ಸೆಲೆಬ್ರಿಟಿಗಳಲ್ಲಿ ಇಶಾ ಅಂಬಾನಿ ಹೈಲೈಟ್ ಆದರು. ಇಶಾ ಅಂಬಾನಿ ಅವರು ಇಂಡಿಯನ್ ಟಚ್ ಇರುವಂತಹ ಡ್ರೆಸ್ ಧರಿಸಿ ಕರ್ಲ್ ಲೇಜರ್​ಫೆಲ್ಡ್ ಅವರಿಗೆ ಗೌರವ ಸಲ್ಲಿಸಿದರು. ವಿದೇಶಿ ಡಿಸೈನರ್​ಗೆ ಇಂಡಿಯನ್ ಟಚ್ ಇರುವ ಉಡುಗೆ ಮೂಲಕ ಟ್ರಿಬ್ಯೂಟ್ ಸಲ್ಲಿಸಿದರು.

ಸೀರೆಯ ಶೈಲಿಯಿಂದ ಪ್ರೇರೇಪಿಸಲ್ಪಟ್ಟ ಡ್ರೆಸ್ ಧರಿಸಿದ್ದರು ಇಶಾ ಅಂಬಾನಿ. ಈ ಡ್ರೆಸ್ ಬ್ಲ್ಯಾಕ್ ಮತ್ತು ವೈಟ್ ಕಾಂಬಿನೇಷನ್​ನಲ್ಲಿತ್ತು.- ಇದರಲ್ಲಿ ಹೊಳೆಯುವಂತಹ ಮುತ್ತುಗಳನ್ನು ನೀಟಾಗಿ ಪೋಣಿಸಲಾಗಿತ್ತು.

ಇಶಾ ಅಂಬಾನಿ ಸಿಂಪಲ್ ಹೇರ್​ಸ್ಟೈಲ್ ಮಾಡಿಕೊಂಡಿದ್ದರು. ನೆತ್ತಿ ಬೈತಲೆ ಮಾಡಿ ಎರಡೂ ಕಡೆ ಕೂದಲು ಬಿಟ್ಟಿದ್ದರು.ಮೇಕಪ್ ಕೂಡಾ ಸಿಂಪಲ್ ಆಗಿತ್ತು.

ಹೈಲೈಟ್ ಆಗಿದ್ದು ಇಶಾ ಅಂಬಾನಿ ಕೈಯಲ್ಲಿದ್ದಂತಹ ಬ್ಯಾಗ್. ಇಶಾ ಅವರ ಬ್ಯಾಗ್ ಅವರ ಡ್ರೆಸ್​ ಜೊತೆಗೆ ಮತ್ತೊಂದು ಹೈಲೈಟ್ ಆಗಿತ್ತು. 2012 ಪ್ಯಾರಿಸ್ ಬಾಂಬೆ ಕಲೆಕ್ಷನ್​ನಿಂದ ಈ ಬ್ಯಾಗ್ ಚೂಸ್ ಮಾಡಲಾಗಿದೆ.

ನಟಿ ಈ ಡ್ರೆಸ್ ಜೊತೆಗೆ ಡೈಮಂಡ್ ಆಭರಣಗಳನ್ನು ಧರಿಸಿದ್ದರು. Lorraine Schwartz ಅವರು ಡಿಸೈನ್ ಮಾಡಿದ ಚೋಕರ್, ಲೇಯರ್ಡ್ ನೆಕ್​ಪೀಸ್, ಹ್ಯಾಂಡ್​ಪೀಸ್, ಇಯರಿಂಗ್ಸ್, ಹಾಗೂ ರಿಂಗ್ ಧರಿಸಿದ್ದರು ನಟಿ.

ಇಶಾ ಧರಿಸಿದ್ದ ಗ್ರ್ಯಾಂಡ್ ಜ್ಯುವೆಲ್ಸ್ ಆಕರ್ಷಕವಾಗಿತ್ತು. ಬ್ಲ್ಯಾಕ್ ಡ್ರೆಸ್ ಮೇಲೆ ವಜ್ರಾಭರಣಗಳು ಮತ್ತಷ್ಟು ಹೈಲೈಟ್ ಆದವು. ಇಶಾ ಅವರು ವಜ್ರದ ಉಂಗುರವನ್ನೂ ಧರಿಸಿದ್ದರು.

ಇಶಾ ಅಂಬಾನಿ ಅವರು ಸುಂದರವಾದ ಲುಕ್ ಮೂಲಕ ಮೆಟ್ ಗಾಲಾದಲ್ಲಿ ಹೈಲೈಟ್ ಆದರು. ಅವರ ಆಕರ್ಷಕ ಲುಕ್, ಫೋಟೋಗಳು ಈಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ.

ಮೆಟ್ ಗಾಲಾದಲ್ಲಿ ಇಶಾ ಅಂಬಾನಿ ಜೊತೆ ಶ್ಲೋಕಾ ಮೆಹ್ತಾ ಅವರ ಸಹೋದರಿ ದಿಯಾ ಮೆಹ್ತಾ ಜಟಿಯಾ ಕೂಡಾ ಭಾಗವಹಿಸಿದ್ದರು. ಫ್ಯಾಷನ್ ಕನ್ಸಲ್ಟೆಂಟ್ ಹಾಗೂ ಇನ್ಫ್ಲುಯೆನ್ಸರ್ ಆಗಿರುವ ದಿಯಾ ಮೆಟ್​ಗಾಲಾದಲ್ಲಿ ಭಾಗವಹಿಸಿದರು. ಅವರು ರೆಡ್ ಕಾರ್ಪೆಟ್​ನಿಂದ ಇಶಾ ಅಂಬಾನಿ ಜೊತೆಗಿನ ಫೋಟೋಸ್ ಶೇರ್ ಮಾಡಿದ್ದಾರೆ.

ಶ್ಲೋಕಾ ಮೆಹ್ತಾ ಇಶಾ ಅಂಬಾನಿ ಸಹೋದರ ಆಕಾಶ್ ಅಂಬಾನಿ ಅವರ ಪತ್ನಿ. ದಿಯಾ ಇಶಾ ಅವರ ಪೋಸ್ಟ್ ರೀಶೇರ್ ಮಾಡಿ ಲೈಫ್ ಮತ್ತು ಕ್ರೈಂನಲ್ಲಿ ನನ್ನ ಫೇವರಿಟ್ ಪಾರ್ಟ್​ನರ್ ಎಂದು ಬರೆದಿದ್ದಾರೆ.