Meghana Raj: ಮೊಬೈಲ್​ ಬಿಡಿ, ಮೈದಾನಕ್ಕೆ ನಡಿ - ಮಗನ ವಿಡಿಯೋ ಮೂಲಕ ಮಕ್ಕಳಿಗೆ ಮೇಘನಾ ರಾಜ್​ ಕರೆ

ಕನ್ನಡ ಚಿತ್ರರಂಗ ಕಂಡ ಪ್ರತಿಭಾನ್ವಿತ ಹಾಗೂ ಸುಂದರ ನಟಿಯರಲ್ಲಿ ಮೇಘನಾ ರಾಜ್ ಕೂಡ ಒಬ್ಬರು. ಹಿರಿಯ ನಟ ಸುಂದರ್ ರಾಜ್ ಹಾಗೂ ಹಿರಿಯ ನಟಿ ಪ್ರಮಿಳಾ ಜೋಷಾಯ್ ಅವರ ಪುತ್ರಿ ಮೇಘನಾ ರಾಜ್. ಮೇಘನಾ ಕನ್ನಡ ಚಿತ್ರರಂಗಕ್ಕೆ ಬರುವ ಮುನ್ನವೇ ಮಲಯಾಳಂ, ತಮಿಳು ಹಾಗೂ ತೆಲುಗಿನಲ್ಲೂ ಹೆಸರು ಮಾಡಿದ್ದರು. (ಫೋಟೋ ಕೃಪೆ: Instagram)

ಮದುವೆ ಬಳಿಕವೂ ಮೇಘನಾ ರಾಜ್ ಸಿನಿಮಾದಲ್ಲಿ ಅಭಿನಯಿಸುವುದನ್ನು ಮುಂದುವರೆಸಿದ್ದರು. ಮೇಘನಾ ಅವರ ಅಧಿಕೃತ ಫೇಸ್ಬುಕ್ ಪುಟವು 2.5 ದಶಲಕ್ಷಕ್ಕೂ ಹೆಚ್ಚು ಲೈಕ್ಗಳನ್ನು ಪಡೆದಿದೆ. ಕೇರಳದ ಪ್ರತಿಷ್ಠಿತ ಕೊಚ್ಚಿ ಟೈಮ್ಸ್ 'ಅತ್ಯಂತ ಅಪೇಕ್ಷಣೀಯ ಮಹಿಳೆ 2015' ಸಮೀಕ್ಷೆಯಲ್ಲಿ ಅವರು ನಂ .19ನೇ ಸ್ಥಾನ ಪಡೆದರು. ಬೆಂಗಳೂರು ಟೈಮ್ಸ್ನ 'ಅತ್ಯಂತ ಅಪೇಕ್ಷಣೀಯ ಮಹಿಳೆ 2015'ರ ಸಮೀಕ್ಷೆಯಲ್ಲಿ ಮೇಘನಾ ರಾಜ್ 10ನೇ ಸ್ಥಾನದಲ್ಲಿದ್ದಾರೆ. (ಫೋಟೋ ಕೃಪೆ: Instagram)

ಸಾಮಾಜಿಕ ಜಾಲಾತಾಣದಲ್ಲಿ ಇಷ್ಟೆಲ್ಲಾ ಅಭಿಮಾನಿಗಳನ್ನು ಹೊಂದಿರುವ ಈ ನಟಿ, ತಮ್ಮ ಮಗನ ವಿಡಿಯೋ ಹಾಗೂ ಶೂಟಿಂಗ್ ವಿಡಿಯೋಗಳನ್ನು ಆಗಾಗಾ ಹಂಚಿಕೊಳ್ಳುತ್ತಿರುತ್ತಾರೆ.

ಇದೀಗ ಮತ್ತೊಂದು ವಿಡಿಯೋ ಹಂಚಿಕೊಂಡಿದ್ದು, ಅದರ ಸಂದೇಶ ಬಹಳ ಅದ್ಭುತವಾಗಿದೆ. ಇದರಲ್ಲಿ ಮಕ್ಕಳಿಗೆ ಮೊಬೈಲ್ ಕೊಡುವುದನ್ನ ಕಡಿಮೆ ಮಾಡಿ ಎಂದು ಹೇಳಲಾಗಿದೆ.

ಮೊಬೈಲ್​ ಬಿಡಿ, ಮೈದಾನಕ್ಕೆ ನಡಿ ಎಂಬ ಸಂದೇಶವನ್ನು ಈ ವಿಡಿಯೋ ಮೂಲಕ ಮೇಘನಾ ರಾಜ್​ ನೀಡಿದ್ದು, ಮಗ ರಸ್ತೆಯಲ್ಲಿ ಮಕ್ಕಳ ಜೊತೆ ಆಡುವ ವಿಡಿಯೋವನ್ನು ಹಾಕಿದ್ದಾರೆ.

ನಾನು ಮತ್ತು ಚಿರು ಬೆಳದ ರೀತಿಯೇ ಮಗ ರಾಯನ್​ ಅನ್ನು ಬೆಳೆಸುತ್ತಿದ್ದು, ನಮ್ಮಂತೆಯೇ ಹೊರಗೆ ಆಟವಾಡುವುದನ್ನ ಕಲಿಸುತ್ತಿದ್ದೇನೆ ಎಂದಿದ್ದಾರೆ.

ಅಲ್ಲದೇ, ಅವನಿಗೆ ಸ್ವಲ್ಪ ಹೊತ್ತು ಕಾರ್ಟೂನ್​ ನೋಡಲು ಸಹ ಅವಕಾಶವಿದೆ, ಆದರೆ ಸಾಧ್ಯವಾದಷ್ಟು ಹಳೆಯ ರೀತಿ, ಬೇರೆಯವರೊಂದಿಗೆ ಬೆರೆತು, ಆಡುವುದನ್ನ ಸಹ ನಾನು ಕಲಿಸಲು ಇಷ್ಟಪಡುತ್ತೇನೆ ಎಂದು ಹಾಕಿಕೊಂಡಿದ್ದು, ಮೊಬೈಲ್ ಬಿಡಿ ಮೈದಾನಕ್ಕೆ ಬನ್ನಿ ಎಂದಿದ್ದಾರೆ.

2021, ಅಕ್ಟೋಬರ್ 22ರಂದು ಮೇಘನಾ ರಾಜ್ ಗಂಡು ಮಗುವಿಗೆ ಜನ್ಮ ನೀಡಿದರು. ಮೇಘನಾ ತಮ್ಮ ಮಗನಿಗೆ ರಾಯನ್ ರಾಜ್ ಅಂತ ಹೆಸರಿಟ್ಟಿದ್ದಾರೆ. ಸರ್ಜಾ ಫ್ಯಾಮಿಲಿಯ ಕನಸಿನ ಕೂಸಾದ ರಾಯನ್, ಈಗ ಮನೆಯವರೆಲ್ಲರ ಅಚ್ಚುಮೆಚ್ಚು. ಸಾಮಾಜಿಕ ಜಾಲತಾಣಗಳಲ್ಲೂ ರಾಯನ್​ಗೆ ಅಸಂಖ್ಯಾತ ಫ್ಯಾನ್ಸ್ ಇದ್ದಾರೆ.