Raayan Raj Sarja: ಚಿರು ಸರ್ಜಾ-ಮೇಘನಾ ರಾಜ್​ ಮಗನ ಹೆಸರು ರಾಯನ್ ರಾಜ್ ಸರ್ಜಾ: ಹೆಸರಿನ ಅರ್ಥ ಹೀಗಿದೆ..!

ಚಿರಂಜೀವಿ ಸರ್ಜಾ ಹಾಗೂ ಮೇಘನಾ ರಾಜ್​ ಅವರ ಮುದ್ದಿನ ಮಗನಿಗೆ ಇಂದು ನಾಮಕರಣ ಮಾಡಲಾಯಿತು. ಬೆಂಗಳೂರಿನ ಚಾನ್ಸರಿ ಪೆವಿಲಿಯನ್ ಹೊಟೆಲ್ ನಲ್ಲಿ ನಾಮಕರಣ ಕಾರ್ಯಕ್ರಮ ಅದ್ಧೂರಿಯಾಗಿ ನಡೆದಿದ್ದು, ಕಾರ್ಯಕ್ರಮದಲ್ಲಿ ಸರ್ಜಾ ಹಾಗೂ ಮೇಘನಾ ರಾಜ್​ ಕುಟಂಬವರು ಭಾಗಿಯಾಗಿದ್ದರು.

ಕಳೆದ 10 ತಿಂಗಳಳಿನಿಂತ ಜೂನಿಯರ್ ಚಿರು ಹೆಸರು ಇಂದು ರಿವೀಲ್ ಆಗುತ್ತೆ, ನಾಳೆ ರಿವೀಲ್​ ಮಾಡಲಾಗುತ್ತದೆ ಎಂದು ಕಾಯುತ್ತಿದ್ದರು ಅಭಿಮಾನಿಗಳು. ಅಭಿಮಾನಿಗಳ ಕಾತರಕ್ಕೆ ಈಗ ಬ್ರೇಕ್​ ಬಿದ್ದಿದೆ.

ನಿನ್ನೆಯೇ ಮೇಘನಾ ರಾಜ್ ಅವರು ಸಾಮಾಜಿಕ ಜಾಳತಾಣದಲ್ಲಿ ಒಂದು ವಿಡಿಯೋ ಹಂಚಿಕೊಳ್ಳುವ ಮೂಲಕ ಮಗನ ನಾಮಕರಣದ ವಿಷಯದ ಬಗ್ಗೆ ಪೋಸ್ಟ್​ ಮಾಡಿದ್ದರು. ಅದರಲ್ಲಿ ನಾಳೆ ಯುವರಾಜ ಹೆಸರು ರವೀಲ್​ ಮಾಡುವುದಾಗಿಯೂ ತಿಳಿಸಿದ್ದರು. ಇಂದು ಹೇಳಿದಂತೆಯೇ ಹೆಸರನ್ನು ಬಹಿರಂಗ ಮಾಡಿದ್ದಾರೆ.

ಮೇಘನಾ ರಾಜ್​ ಹಾಗೂ ಚಿರು ಅವರ ಮಗನಿಗೆ ಜೂನಿಯರ್ ಚಿರು ಎಂದೇ ಕರೆಯಲಾಗುತ್ತಿತ್ತು. ಬಹಳಷ್ಟು ಜನರು ಚಿರಂಜೀವಿ ಎಂದೇ ಅವರಿಗೆ ನಾಮಕರಣ ಮಾಡಲಿದ್ದಾರೆ ಎಂದು ಊಹಿಸಿದ್ದರು. ಆದರೆ, ಎಲ್ಲರ ನಿರೀಕ್ಷೆಗೆ ಮೀರಿ ಈಗ ಮಗನಿಗೆ ಸಖತ್ ರಾಯಲ್​ ಆಗಿರುವ ಹೆಸರನ್ನೇ ಇಟ್ಟಿದ್ದಾರೆ. ಅದೇ ರಾಯನ್​ ರಾಜ್​ ಸರ್ಜಾ.

ಮೇಘನಾ ರಾಜ್​ ಅವರು ಮಗನಿಗೆ ರಾಯನ್ ಎಂದು ಹೆಸರಿಟ್ಟಿದ್ದಾರೆ. ರಾಯನ್ ಎಂದರೆ ಅರ್ಥ ಏನು ಗೊತ್ತಾ..? ಸಂಸ್ಕೃತದಲ್ಲಿ ರಾಯನ್​ ಎಂದರೆ ಯುವರಾಜ ಎಂದರ್ಥ. ಮೇಘನಾ-ಚಿರು ಅವರ ಯುವರಾಜ ಈ ರಾಯನ್​.

ಜೂನಿಯರ್​ ಚಿರುವನ್ನು ನಾನಾ ರೀತಿಯ ಹೆಸರುಗಳಿಂದ ಕರೆಯಲಾಗುತ್ತಿತ್ತು. ಮೇಘನಾ ರಾಜ್​ ಅವರ ತಂದೆ ಸುಂದರ್​ ರಾಜ್​ ಅವರು ಚಿಂಟು ಎಂದು ಕರೆಯುತ್ತಿದ್ದರು. ಅಷ್ಟೇ ಅಲ್ಲದೇ ಚಿರು ಬಚ್ಚ, ಚಿರು ಬೇಬಿ, ಶಿಷ್ಯ, ಮಿನಿಮಮ್​, ಬರ್ಫಿ, ಕುಟ್ಟಿ ಪಾಪ, ಮಂಚೆ, ಮರಿ ಸಿಂಗ, ಲಿಟ್ಲ್​ ಚಿರು, ಸಿಂಬಾ, ದಿಷ್ಟೋ ಎಂದೂ ಕರೆಯಲಾಗುತ್ತಿತ್ತು.

ಮಗನ ಹೆಸರನ್ನು ರಿವೀಲ್​ ಮಾಡುವ ವಿಷಯ ಹಂಚಿಕೊಳ್ಳುವ ಸಲುವಾಗಿ ಒಂದು ಪುಟ್ಟ ವಿಡಿಯೋ ಮಾಡಿದ್ದ ಮೇಘನಾ ರಾಜ್​ ಅದರಲ್ಲಿ ಮಗನ ಅಡ್ಡ ಹೆಸರುಗಳನ್ನು ಬಹಿರಂಗ ಪಡಿಸಿದ್ದರು.

ಈಗ ಅದೇ ವಿಡಿಯೋವನ್ನು ಕೊಂಚ ಎಡಿಟ್​ ಮಾಡಿದ್ದು, ಅದರಲ್ಲಿ ಮಗನ ಹೆಸರನ್ನು ಸೇರಿಸಿ, ಮತ್ತೆ ಅದೇ ವಿಡಿಯೋವನ್ನು ತಮ್ಮ ಇನ್​ಸ್ಟಾಗ್ರಾಂನಲ್ಲಿ ಪೋಸ್ಟ್​ ಮಾಡಿದ್ದಾರೆ.

ಕಳೆದ ವರ್ಷ ಜೂನ್ 7ರಂದು ಚಿರಂಜೀವಿ ಸರ್ಜಾ ನಿಧನರಾದರು. ಅವರ ಅಗಲಿಕೆಯಿಂದ ಆಘಾತದಲ್ಲಿದ್ದ ಚಿರು ಹಾಗೂ ಮೇಘನಾ ಕುಟುಂಬದಲ್ಲಿ ಸಂತೋಷ ಹಾಗೂ ಸಂತಸ ತಂದಿದ್ದು ಜೂನಿಯರ್ ಚಿರು. ಹೌದು, ಜೂನಿಯರ್ ಚಿರುವಿನಲ್ಲೇ ಚಿರಂಜೀವಿ ಅವರನ್ನು ಕಾಣುತ್ತಾ ಎಲ್ಲರೂ ನೋವನ್ನು ಮರೆಯುತ್ತಿದ್ದಾರೆ.

ಮೇಘನಾ ಅವರು ಮಗನಿಗೆ 9 ತಿಂಗಳು ತುಂಬಿದಾಗ ಮತ್ತೆ ಬಣ್ಣ ಹಚ್ಚುವ ಮೂಲಕ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದರು.

ಚಿರಂಜೀವಿ ಸರ್ಜಾ ಮತ್ತು ಮೇಘನಾ ರಾಜ್ ಅವರ ಮುದ್ದು ಮಗನಿಗೆ 10 ತಿಂಗಳು ತುಂಬಿದೆ. ಅಕ್ಟೋಬರ್ 22ಕ್ಕೆ ಜೂನಿಯರ್ ಚಿರುಗೆ ಒಂದು ವರ್ಷ ತುಂಬಲಿದೆ

ಹೃದಯಾಘಾತದಿಂದ ಚಿರು ಸರ್ಜಾ ಅವರು ಮೃತಪಟ್ಟಾಗ ಮೇಘನಾ ರಾಜ್ ನಾಲ್ಕು ತಿಂಗಳು ಗರ್ಭಿಣಿಯಾಗಿದ್ದರು. ನಂತರ ಅಕ್ಟೋಬರ್ 22 ರಂದು ಗಂಡು ಮಗುವಿಗೆ ಜನ್ಮ ಕೊಟ್ಟರು.

ನಂತರದಲ್ಲಿ ಮೇಘನಾ ರಾಜ್​ ಕುಟುಂಬದಲ್ಲಿ ಎಲ್ಲರಿಗೂ ಕೊರೋನಾ ಸೋಂಕಾಗಿತ್ತು. ಮಗು ಸೇರಿದಂತೆ ಎಲ್ಲರೂ ಚಿಕಿತ್ಸೆ ಪಡೆದು ಗುಣಮುಖರಾದರು.

ಆಗಾಗ ಸಾಮಾಜಿಕ ಜಾಲತಾಣದಲ್ಲಿ ಮಗನ ಫೋಟೋಗಳನ್ನು ಹಂಚಿಕೊಳ್ಳುವ ಮೇಘನಾ ಅವರು, ಕೃಷ್ಣಜನ್ಮಾಷ್ಟಮಿಯಂದು ಮಗನಿಗೆ ಬಾಲ ಕೃಕ್ಷ್ಣನಂತೆ  ಸಿಂಗರಿಸಿ ಸಂತಸ ಪಟ್ಟಿದ್ದರು.