Megha Shetty: ದಾವಣಿ ಚೆಲುವೆಯಾದ ನಟಿ! ರಶ್ಮಿಕಾ ಬೇಡ, ಪುಷ್ಪ ಸಿನಿಮಾಗೆ ಮೇಘ ಹೀರೋಯಿನ್ ಆಗ್ಬೇಕು ಎಂದ ಫ್ಯಾನ್ಸ್

ಜೊತೆ ಜೊತೆಯಲಿ ಧಾರವಾಹಿ ಖ್ಯಾತಿಯ ಮೇಘ ಶೆಟ್ಟಿ ಹೊಸ ಫೋಟೊಸ್​ಗಳನ್ನು ಇನ್​ಸ್ಟಾಗ್ರಾಮ್​ನಲ್ಲಿ ಶೇರ್ ಮಾಡಿದ್ದಾರೆ.

ಅಭಿಮಾನಿಗಳ ಜೊತೆ ಮೂರು ಸೆಟ್ ಆಫ್ ಫೋಟೋಸ್ ಹಂಚಿಕೊಂಡ ನಟಿ ಅಪ್ಪಟ ಹಳ್ಳಿ ಹುಡುಗಿಯಾಗಿ ಕಾಣಿಸಿಕೊಂಡಿದ್ದಾರೆ.

ಪಕ್ಕಾ ಟ್ರೆಡೀಷನಲ್ ಲುಕ್​ನಲ್ಲಿ ಕಾಣಿಸಿಕೊಂಡಿರುವ ಮೇಘ ಶೆಟ್ಟಿ ಕ್ಯೂಟ್ ಸ್ಮೈಲ್​ನೊಂದಿಗೆ ಫೋಟೋಗೆ ಪೋಸ್ ಕೊಟ್ಟಿದ್ದಾರೆ.

ನಟಿಯ ಈ ಫೋಟೋಸ್ ನೋಡಿದ ಜನ ಮಾತ್ರ ಇದ್ಯಾವ ಸೀರಿಯಲ್ ಹೇಳಿ, ಅಥವಾ ಇದ್ಯಾವ ಮೂವಿ ಹೇಳಿ ಎಂದು ಕಾಮೆಂಟ್ ಮಾಡುತ್ತಿದ್ದಾರೆ.

ನೀಲಿ ಬಣ್ಣದ ಬ್ಲೌಸ್ ಹಾಗೂ ಅರಶಿನ ಬಣ್ಣದ ದಾವಣಿ ಉಟ್ಟ ನಟಿ ನೀಟಾಗಿ ತಲೆ ಬಾಚಿ ಮುಡಿ ತುಂಬ ಮಲ್ಲಿಗೆ ಮುಡಿದು ಕಾಣಿಸಿಕೊಂಡಿದ್ದು ಹೀಗೆ

ನಟಿಯ ಲಂಗ ದಾವಣಿ ಫೋಟೋಸ್ ನೋಡಿದ ಅಭಿಮಾನಿಗಳು ಪುಷ್ಪ ಸಿನಿಮಾವನ್ನು ನೆನಪಿಸಿಕೊಂಡು ಒಂದು ವಿಶೇಷ ಬೇಡಿಕೆಯನ್ನು ಮುಂದಿಟ್ಟಿದ್ದಾರೆ.

ಈ ಬೇಡಿಕೆ ಸ್ವಲ್ಪ ವಿಶೇಷವಾಗಿದ್ದರೂ ಮೇಘ ಶೆಟ್ಟಿ ಅವರ ಅಭಿಮಾನಿಗಳು ವಿಭಿನ್ನವಾಗಿ ಯೋಚನೆ ಮಾಡಿ ನಟಿಯ ಕುರಿತ ಕ್ರೇಜ್ ವ್ಯಕ್ತಪಡಿಸಿದ್ದಾರೆ.

ರಶ್ಮಿಕಾ ಅವರನ್ನು ತೆಗೆದು ಮೇಘ ಅಕ್ಕನನ್ನು ಪುಷ್ಪ ಸಿನಿಮಾಗೆ ಹೀರೋಯಿನ್ ಮಾಡಬೇಕು ಎಂದು ಅಭಿಮಾನಿಯೊಬ್ಬರು ಕಾಮೆಂಟ್ ಮಾಡಿದ್ದಾರೆ.

ಮೇಘ ಶೆಟ್ಟಿ ಫ್ಯಾನ್ ಕ್ರೇಜ್ ಯಾವ ಮಟ್ಟಿನಲ್ಲಿ ಇದೆ ಎನ್ನುವುದಕ್ಕೆ ಅವರ ಅಭಿಮಾನಿಗಳ ಕಾಮೆಂಟ್​ಗಳೇ ಸಾಕ್ಷಿ. ಅವರ ಈ ಫೋಟೋಸ್ ವೈರಲ್ ಆಗಿದೆ.

ನಟಿಯ ಈ ಎಲ್ಲ ಫೋಟೋಗಳು 58 ಸಾವಿರಕ್ಕೂ ಹೆಚ್ಚು ಲೈಕ್ಸ್ ಪಡೆದಿದ್ದು ನೂರಾರು ಜನರು ನಟಿಯ ಅಂದವನ್ನು ಹೊಗಳಿ ಕಾಮೆಂಟ್ ಮಾಡುತ್ತಿದ್ದಾರೆ.

ಮೇಘ ಶೆಟ್ಟಿ ಈಗಾಗಲೇ ಕನ್ನಡ ಸಿನಿಮಾ ತ್ರಿಬಲ್ ರೈಡಿಂಗ್​ನಲ್ಲಿ ಗೋಲ್ಡನ್ ಸ್ಟಾರ್ ಗಣೇಶ್ ಜೊತೆ ನಟಿಸಿ ಸೈ ಎನಿಸಿಕೊಂಡಿದ್ದಾರೆ.

ಅವರ ಜೊತೆ ಜೊತೆಯಲಿ ಧಾರವಾಹಿಯಂತೂ ಸಖತ್ ಇಂಟ್ರೆಸ್ಟಿಂಗ್ ಆಗಿ ಮೂಡಿಬರುತ್ತಿದೆ. ನಟಿಗೆ ಈ ಧಾರವಾಹಿ ಹೆಚ್ಚು ಖ್ಯಾತಿ ತಂದುಕೊಟ್ಟಿದೆ.

ಜೊತೆ ಜೊತೆಯಲಿ ಧಾರವಾಹಿಯಲ್ಲಿ ಮೇಘ ಶೆಟ್ಟಿ ಅನು ಸಿರಿಮನೆ ಪಾತ್ರದಲ್ಲಿ ಸಖತ್ತಾಗಿ ಮಿಂಚಿದ್ದಾರೆ. ನಟಿ ಸೋಷಿಯಲ್ ಮಿಡಿಯಾದಲ್ಲಿಯೂ ಆ್ಯಕ್ಟಿವ್ ಆಗಿದ್ದಾರೆ.

ಮೇಘ ಶೆಟ್ಟಿ ಸದ್ಯ ಇನ್​ಸ್ಟಾಗ್ರಾಮ್​ನಲ್ಲಿ 1 ಮಿಲಿಯನ್ ಫಾಲೋವರ್ಸ್​ಗಳನ್ನು ಹೊಂದಿದ್ದು ಅವರ ಅಭಿಮಾನಿಗಳ ಸಂಖ್ಯೆ ಹೆಚ್ಚುತ್ತಲೇ ಇದೆ.