Chiranjeevi: ಚಿರಂಜೀವಿ ಖರೀದಿಸಿದ ದುಬಾರಿ ಕಾರಿನ ಬೆಲೆ ಎಷ್ಟು? ಫ್ಯಾನ್ಸಿ ನಂಬರ್​ಗಾಗಿ ಕೊಟ್ರು ಭಾರೀ ಹಣ!

ಟಾಲಿವುಡ್ ನ ಹಿರಿಯ ಟಾಪ್ ಹೀರೋ ಚಿರಂಜೀವಿ ಮನೆಗೆ ಹೊಸ ಅತಿಥಿ ಆಗಮಿಸಿದ್ದಾರೆ. ಚಿರಂಜೀವಿ ಈ ಕಪ್ಪು ಬಣ್ಣದ ಕಾರನ್ನು ನಿನ್ನೆ (ಬುಧವಾರ) ಹೈದರಾಬಾದ್​ನಲ್ಲಿ ನೋಂದಾಯಿಸಿದ್ದಾರೆ. ಈ ಕಾರಿನ ವಿವರಗಳು ಈಗ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿವೆ.

ಇದೀಗ ಚಿರಂಜೀವಿ ಅವರ ಹೊಸ ಐಷಾರಾಮಿ ಕಾರು ಟೊಯೊಟಾ ವೆಲ್ ಫೈರ್ ಕಾರಿನ ರೇಟ್ ಎಷ್ಟು ಎಂದು ಅಭಿಮಾನಿಗಳು ಗೂಗಲ್​ನಲ್ಲಿ ಹುಡುಕುತ್ತಿದ್ದಾರೆ. ಈ ಕಾರಿನ ಬೆಲೆ ಸುಮಾರು ರೂ. 1 ಕೋಟಿ 19 ಲಕ್ಷ ಇದೆ. ಈ ವಾಹನದ ನೋಂದಣಿಗಾಗಿ ರಜನಿಕಾಂತ್ ಖೈರತಾಬಾದ್ RTA ಕಚೇರಿಗೆ ಭೇಟಿ ನೀಡಿದ್ರು.

ಈ ವಾಹನವನ್ನು ಕೊನಿಡೇಲ ಚಿರಂಜೀವಿ ಹೆಸರಿನಲ್ಲಿ ನೋಂದಾಯಿಸಲಾಗಿದೆ. ಈ ಕಾರಿನ ಫ್ಯಾನ್ಸಿ ನಂಬರ್​ಗೆ ಸುಮಾರು ರೂ. 4.7 ಲಕ್ಷ ಪಾವತಿಸಲಾಗಿದೆ ಎಂದು ವರದಿಯಾಗಿದೆ. ಈ ಕಾರಿಗೆ RGA ಮೂಲಕ TS09GB 1111 ಸಂಖ್ಯೆಯನ್ನು ನಿಗದಿಪಡಿಸಲಾಗಿದೆ.

ವಾಹನ ನೋಂದಣಿಗೆ ಡಿಜಿಟಲ್ ಸಹಿ ಬೇಕಿರುವುದರಿಂದ ಚಿರಂಜೀವಿ ಖೈರತಾಬಾದ್ RTO ಕಚೇರಿಗೆ ಬಂದು ಸಹಿ ಹಾಕಿದ್ದಾರೆ. ಕಚೇರಿಯಲ್ಲಿ ಚಿರಂಜೀವಿ ನೋಡಿದ ಅಧಿಕಾರಿಗಳು, ಅಭಿಮಾನಿಗಳು ಸೆಲ್ಫಿಗೆ ಮುಗಿಬಿದ್ದರು. (ಫೈಲ್/ಫೋಟೋ)

ದುಬಾರಿ ಬ್ಲ್ಯಾಕ್ ಕಲರ್ ಕಾರಿನ ಬಗ್ಗೆ ಅಭಿಮಾನಿಗಳು ಮತ್ತು ನೆಟಿಜನ್​ಗಳು ಗೂಗಲ್​ನಲ್ಲಿ ಹುಡುಕುತ್ತಿದ್ದಾರೆ. ಈ ಕಾರಿನಲ್ಲಿ ಸ್ವಯಂಚಾಲಿತ ಗೇರ್ ವ್ಯವಸ್ಥೆ ಇದೆಯಂತೆ. ಈ ಕಾರು ಕೆಲವು ವಿಐಪಿಗಳ ಬಳಿ ಮಾತ್ರ ಇದೆ. ಈ ಕಾರು ಇತ್ತೀಚೆಗೆ ಸಣ್ಣ ಗ್ಯಾರೇಜ್​ಗೆ ಸೇರಿಕೊಂಡಿರುವುದು ಗಮನಾರ್ಹವಾಗಿದೆ. (ಫೈಲ್/ಫೋಟೋ)'

ಚಿರಂಜೀವಿ ಈ ವರ್ಷ 'ವಾಲ್ತೇರು ವೀರಯ್ಯ' ಸಿನಿಮಾ ಮಾಡಿ ಗೆದ್ದಿದ್ದಾರೆ. ಮೆಹರ್ ರಮೇಶ್ ನಿರ್ದೇಶನದಲ್ಲಿ ‘ಭೋಲಾ ಶಂಕರ್’ ಚಿತ್ರ ಮಾಡುತ್ತಿದ್ದಾರೆ. ಚಿರಂಜೀವಿ ಹುಟ್ಟುಹಬ್ಬದ ದಿನವಾದ ಆಗಸ್ಟ್ 11 ರಂದು ಚಿತ್ರ ಬಿಡುಗಡೆಯಾಗಲಿದೆ. ಇದು ಅಜಿತ್ ಅಭಿನಯದ ತಮಿಳಿನ 'ವೇದಾಲಂ' ಚಿತ್ರದ ರಿಮೇಕ್ ಆಗಿದೆ. ಈ ಚಿತ್ರದಲ್ಲಿ ತಮನ್ನಾ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಮತ್ತೊಂದೆಡೆ, ಕೀರ್ತಿ ಸುರೇಶ್ ಚಿರಂಜೀವಿ ಅವರ ತಂಗಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

‘ಭೋಲಾ ಶಂಕರ್’ ಸಿನಿಮಾದ ನಂತರ ಬಿಂಬಿಸಾರ ಚಿತ್ರದ ಮೂಲಕ ಯಶಸ್ವಿ ನಿರ್ದೇಶಕರಾಗಿ ಖ್ಯಾತಿ ಗಳಿಸಿದ್ದ ವಶಿಷ್ಠ ಅವರ ಜತೆ ಚಿರಂಜೀವಿ ಮುಂದಿನ ಪ್ರಾಜೆಕ್ಟ್ ಮಾಡಲಿದ್ದಾರೆ. ಈ ಬಗ್ಗೆ ಅಧಿಕೃತ ಮಾಹಿತಿ ಇನ್ನಷ್ಟೇ ಹೊರಬೀಳಬೇಕಿದೆ. (ಚಿರಂಜೀವಿ ಟ್ವಿಟರ್)