Vanshika Birthday: ವನ್ಷಿಕಾ ಬರ್ತ್​ಡೇ, ಎರೆಡೆರೆಡು ರಿಯಾಲಿಟಿ ಶೋ ಗೆದ್ದ ಪುಟ್ಟ ಪೋರಿ

ವನ್ಷಿಕಾ ಕಳೆದ ಒಂದೂವರೆ ವರ್ಷದಿಂದ ತುಂಬಾ ಚಾಲ್ತಿಯಲ್ಲಿರುವ ಹೆಸರು. ಎಲ್ಲರೂ ಇವಳತ್ತ ತಿರುಗಿ ನೋಡುವಂತೆ ಮಾಡಿದ ಅದ್ಭುತ ಪ್ರತಿಭೆ. ಮಾಸ್ಟರ್ ಆನಂದ್ ಮಗಳು ವನ್ಷಿಕಾ ಹುಟ್ಟುಹಬ್ಬ ಇಂದು.

ಕಲರ್ಸ್ ಕನ್ನಡ ವಾಹಿನಿಯಲ್ಲಿ ಕಳೆದ ಬಾರಿ ಪ್ರಸಾರವಾಗಿದ್ದ ನನ್ನಮ್ಮ ಸೂಪರ್ ಸ್ಟಾರ್ ಮೊದಲ ಸೀಸನ್‍ನಲ್ಲಿ ವಂಶಿ ಮತ್ತು ಯಶಸ್ವಿನಿ ಭಾಗವಹಿಸಿದ್ದರು. ಮೊದಲ ದಿನವೇ ಈಕೆ ಕನ್ನಡಿಗರ ಮನಸ್ಸು ಕದ್ದಿದ್ದಳು. ತನ್ನ ಮಾತಿನಿಂದ ಮೋಡಿ ಮಾಡಿದ್ದಳು.

ಅಂದಿನಿಂದ ವನ್ಷಿಕಾ ಎಂದ್ರೆ ಒಂದು ಕ್ರೇಜ್ ಸ್ಟಾರ್ಟ್ ಆಯ್ತು ಎಲ್ಲರೂ ವನಿಕ್ಷಾ ನಟನೆ, ಮಾತು, ಅವಳ ಕ್ಯೂಟ್‍ನೆಸ್‍ಗೆ ಬೋಲ್ಡ್ ಆಗಿದ್ದಾರೆ. ಅಲ್ಲದೇ ಎಷ್ಟು ದೊಡ್ಡ ಸ್ಕಿಟ್ ಆದ್ರೂ ಲೀಲಾ ಜಾಲವಾಗಿ ಮಾಡ್ತಾಳೆ.

ನನ್ನಮ್ಮ ಸೂಪರ್ ಸ್ಟಾರ್ ನಲ್ಲಿ ಚೆನ್ನಾಗಿ ಆಟವಾಡಿ ಆ ರಿಯಾಲಿಟಿ ಶೋ ವಿನ್ ಆದರು. ಆ ಶೋನಲ್ಲಿ ವಂಶಿ ಈ ರೀತಿ ಹೇಳಿದ್ದಳು. ನನ್ನನ್ನು ಮಾಸ್ಟರ್ ಆನಂದ್ ಮಗಳು ಎನ್ನಬಾರದು, ವಂಶಿ ಅಪ್ಪ ಮಾಸ್ಟರ್ ಆನಂದ್ ಎನ್ನಬೇಕು ಎಂದು. ಅದೇ ರೀತಿ ಬೆಳೆದಿದ್ದಾಳೆ.

ನಂತರ ಶುರುವಾಗ ಗಿಚ್ಚಿ ಗಿಲಿಗಿಲಿ ಸೀಸನ್ 1 ನಲ್ಲೂ ವಂಶಿಕಾಳದ್ದೇ ಕಾರುಬಾರು. ಮಜಾಭಾರತದ ಕಲಾವಿದ ಶಿವು ಅವರ ಜೊತೆ ಸೇರಿ ಜನರನ್ನು ನಗಿಸಿ ಆ ಶೋ ಸಹ ಗೆದ್ದರು.

ಎರೆಡೆರೆಡು ರಿಯಾಲಿಟಿ ಶೋ ಗೆದ್ದ ವಂಶಿಕಾಗೆ ನನ್ನಮ್ಮ ಸೂಪರ್ ಸ್ಟಾರ ಸೀಸನ್ 2 ನಲ್ಲಿ ನಿರೂಪಕಿ ಆಗುವ ಅವಕಾಶ ದೊರೆಯಿತು. ಅದರ ನಿರೂಪಣೆಯನ್ನೂ ಮಾಡ್ತಾ ಇದ್ದಾರೆ.

ವಸಿಷ್ಠ ಸಿಂಹ ನಟನೆಯ 'ಲವ್ ಲಿ' ಸಿನಿಮಾದಲ್ಲಿ ವನ್ಷಿಕಾ ನಟಿಸುತ್ತಿದ್ದಾರೆ. ಶಾಲೆಯ ಜೊತೆ ಸಿನಿಮಾ ಶೂಟಿಂಗ ಸಹ ಮಾಡ್ತಾ ಇದ್ದಾರೆ. ರಿಯಾಲಿಟಿ ಶೋ ನಿರೂಪಣೆಯನ್ನೂ ಮಾಡ್ತಾ ಇದ್ದಾರೆ.

ವನ್ಷಿಕಾ ಹುಟ್ಟುಹಬ್ಬಕ್ಕೆ ಹಲವು ಕಲಾವಿದರು ವಿಶ್ ಮಾಡ್ತಾ ಇದ್ದಾರೆ. ನಿನಗೆ ಒಳ್ಳೆಯದಾಗಲಿ ಪುಟಾಣಿ ಇನ್ನಷ್ಟು ಎತ್ತರಕ್ಕೆ ಬೆಳೆ ಎಂದು ಆಶೀರ್ವಾದ ಮಾಡ್ತಾ ಇದ್ದಾರೆ.