Martin-Dhruva Sarja: ಇದು ಸಿನಿಮಾ ಕಣ್ರಪ್ಪಾ, ಮೆತ್ತಗೆ ಹೊಡೀರಿ! ಆ್ಯಕ್ಷನ್ ಸೀನ್ ಶೂಟಿಂಗ್ ಬಗ್ಗೆ ಧ್ರುವ ಹೇಳಿದ್ದಿಷ್ಟು

ಮಾರ್ಟಿನ್ ಸಿನಿಮಾ ಈಗಾಗಲೇ ಸಿಕ್ಕಾಪಟ್ಟೆ ಹೈಪ್ ಕ್ರಿಯೇಟ್ ಮಾಡಿದೆ. ಸಿನಿಮಾ ಟೀಸರ್ ಬಗ್ಗೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ಇದೀಗ ಇದರಲ್ಲಿ ಕಾಣಿಸಿಕೊಳ್ಳುವ ಇಬ್ಬರು ನಟರ ಬಗ್ಗೆ ಎಲ್ಲರಲ್ಲೂ ಕುತೂಹಲ ಹೆಚ್ಚಾಗಿದೆ.

ಚಿತ್ರದಲ್ಲಿ ಧ್ರುವ ವಿರುದ್ಧ ಇಬ್ಬರು ಅಂತಾರಾಷ್ಟ್ರೀಯ ಹೆವಿವೇಯ್ಟ್‌ ಪರ್ಸನಾಲಿಟಿ ಫೀಲ್ಡ್​​ಗೆ ಇಳಿಯುವುದನ್ನು ಕಾಣಬಹುದು. ಅವರೊಂದಿಗೆ ಧ್ರುವ ಸರ್ಜಾ ಫೈಟ್ ಮಾಡುತ್ತಾರೆ.

ಅವರ ಜೊತೆ ಫೈಟ್ ಮಾಡುವ ಬಗ್ಗೆ ಪ್ರತಿಕ್ರಿಯಿಸಿದ ನಟ ಧ್ರುವ ಸರ್ಜಾ ಅವರು, ನಾನು ಅವರೊಂದಿಗೆ ನಟಿಸಬೇಕೆಂದು ನನಗೆ ಮೊದಲೇ ಗೊತ್ತಿರಲಿಲ್ಲ. ಅದರಲ್ಲಿ ಒಬ್ಬರು ನೆಕ್ಸಿಲಾ ಅವರು ಉದ್ದನೆ ಕುತ್ತಿಗೆ ಹೊಂದಿದ್ದಾರೆ.

ಇನ್ನೊಬ್ಬ ವ್ಯಕ್ತಿ ನನ್ನ ಫೇವರಿಟ್ ನಥನ್ ಜಾನ್ಸ್. ಅವರು ಮಾಜಿ ಯುಎಫ್​ಸಿ ಚಾಂಪಿಯನ್. ಅವರ ಜೊತೆ ನಾನು ಫೈಟ್ ಮಾಡಬೇಕೆಂದು ಅಂದುಕೊಂಡಿರಲೇ ಇಲ್ಲ ಎಂದಿದ್ದಾರೆ.

ನನ್ನನ್ನು ತೂಕ ಹೆಚ್ಚಿಸಿಕೊಳ್ಳುವಂತೆ ಹೇಳಿದರು. ನಾನು ಕೂಡಾ ಅವರನ್ನು ಮ್ಯಾಚ್ ಮಾಡುವಂತೆ ತೂಕ ಹೆಚ್ಚಿಸಿಕೊಂಡು ಬೀಸ್ಟ್​ನಂತೆ ಕಾಣಬೇಕಾಗಿತ್ತು.

ಈ ಫೈಟ್ ನಿಜವಾದ ಫೈಟ್ ಅಲ್ಲ, ನಟನೆ ಮಾತ್ರ ಎಂದು ನಾನು ಆಗಾಗ ಅವರಿಬ್ಬರಿಗೂ ನೆನಪಿಸಬೇಕಾಗಿತ್ತು, ರಿಕ್ವೆಸ್ಟ್ ಮಾಡಬೇಕಾಗಿತ್ತು ಎಂದಿದ್ದಾರೆ.

ಮಾರ್ಟಿನ್ ಟೀಸರ್ ರಿಲೀಸ್ ಆಗಿ 12 ಗಂಟೆಗಳಲ್ಲಿ 12 ಮಿಲಿಯನ್ ವ್ಯೂಸ್ ಗಳಿಸಿತ್ತು. ಟೀಸರ್ ನೋಡಿ ಸಿನಿ ಪ್ರಿಯರು ಮೆಚ್ಚಿಕೊಂಡಿದ್ದಾರೆ.

ಪತ್ರಕರ್ತರು ಕೇಳಿದರು ಧ್ರುವ ಸರ್ಜಾ ಹೇಳಿದರು!