Samantha-Manoj Bajpayee: ಸಮಂತಾ ಇಂತಹ ಸಾಹಸಕ್ಕೆ ಕೈ ಹಾಕಬೇಡಿ; ಸ್ಯಾಮ್​ಗೆ ಸಲಹೆ ಕೊಟ್ಟ 'ಫ್ಯಾಮಿಲಿ ಮ್ಯಾನ್'

ನಟಿ ಸಮಂತಾ ವರ್ಕೌಟ್ ಮಾಡ್ತಿರುವ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗಿದೆ. ಫಿಟ್ ಆಗಿಲು ಸಮಂತಾ ಹೆವಿ ವರ್ಕೌಟ್ ಮಾಡ್ತಿದ್ದಾರೆ. ಈಗಷ್ಟೇ ಆರೋಗ್ಯದಲ್ಲಿ ಚೇತರಿಕೆ ಕಂಡಿರುವ ಸಮಂತಾ ಜಿಮ್ ನಲ್ಲಿ ಬೆವರಿಳಿಸುತ್ತಿದ್ದಾರೆ.

ನಟಿ ಸಮಂತಾ ಮೈಯೋಸಿಟಿಸ್ ಎಂಬ ಉರಿಯೂತದ ಸ್ನಾಯು ಸೆಳೆತದ ಕಾಯಿಲೆಯಿಂದ ಬಳಲುತ್ತಿದ್ದು, ಅದಕ್ಕೆ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಈ ಕಾಯಿಲೆಯಿಂದಲೇ ಸಮಂತಾ ಕೆಲ ತಿಂಗಳ ಕಾಲ ಸಿನಿಮಾಗೆ ಬ್ರೇಕ್ ಕೊಟ್ಟಿದ್ರು.

ಅಷ್ಟೇ ಅಲ್ಲದೇ ಸಮಂತಾಗೆ ದೇವರ ಮೇಲೆ ಅಪಾರ ನಂಬಿಕೆ ಕೂಡ ಇದೆ. ಇತ್ತೀಚೆಗೆ ಪಳನಿ ಮುರುಗನ್ ದೇವಸ್ಥಾನಕ್ಕೆ ಭೇಟಿ ನೀಡಿದ ಸಮಂತಾ ಆರೋಗ್ಯಕ್ಕಾಗಿ ಪ್ರಾರ್ಥಿಸಿದ್ರು ಜೊತೆಗೆ 600 ಮೆಟ್ಟಿಲುಗಳನ್ನು ಹತ್ತಿ ಪೂಜೆ ಸಲ್ಲಿಸಿದರು.

ಇದೀಗ ಬಾಲಿವುಡ್ ವೆಬ್ ಸೀರಿಸ್​ನಲ್ಲಿ ಸಮಂತಾ ನಟಿಸುತ್ತಿದ್ದಾರೆ. ಫ್ಯಾಮಿಲಿ ಮ್ಯಾನ್ ನಿರ್ದೇಶಕರಾದ ರಾಜ್ ಮತ್ತು ಡಿಕೆ ನಿರ್ದೇಶನದ ಸಿಟಾಡೆಲ್​ನಲ್ಲಿ ವರುಣ್ ಧವನ್ ಜೊತೆ ಕಾಣಿಸಿಕೊಳ್ಳಲಿದ್ದಾರೆ.

ಸಿಟಾಡೆಲ್ ಶೂಟಿಂಗ್ ಕೂಡ ಶುರುವಾಗಿದ್ದು, ನಟಿ ಸಮಂತಾ ಕೂಡ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದಾರೆ. ಈ ಚಿತ್ರಕ್ಕಾಗಿ ನಟಿ ಸಮಂತಾ ಕಠಿಣ ಕಸರತ್ತು ನಡೆಸುತ್ತಿರುವ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

ದಿ ಫ್ಯಾಮಿಲಿ ಮ್ಯಾನ್ 2 ವೆಬ್ ಸೀರಿಸ್ ಮೂಲಕ ಬಾಲಿವುಡ್​ನಲ್ಲಿ ಜನಪ್ರಿಯತೆ ಪಡೆದಿದ್ರು. ವೆಬ್ ಸೀರಿಸ್​ನಲ್ಲಿ ಬಾಲಿವುಡ್ ನಟ ಮನೋಜ್ ಬಾಜಪೇಯಿ ಜೊತೆ ಸಮಂತಾ ನಟಿಸಿದ್ದಾರೆ. ಇದೀಗ ನಟ ಮನೋಜ್ ಬಾಜಪೇಯಿ ಸ್ಯಾಮ್ ಬಗ್ಗೆ ಮಾತಾಡಿದ್ದಾರೆ.

ಸಂದರ್ಶನವೊಂದರಲ್ಲಿ ಸಮಂತಾ ಬಗ್ಗೆ ಮಾತನಾಡಿರುವ ಮನೋಜ್, ಸಮಂತಾ ತುಂಬಾ ಕಠಿಣ ಪರಿಶ್ರಮಿ ಎಂಬುದು ನನಗೆ ಗೊತ್ತು ಎಂದಿದ್ದಾರೆ. ಸಮಂತಾ ಜೊತೆ ಕೆಲಸ ಮಾಡಿದ್ದೇನೆ ಅವರ ಬಗ್ಗೆ ತಿಳಿದುಕೊಂಡಿದ್ದೇನೆ ಎಂದ್ರು.

ಇತ್ತೀಚಿಗಷ್ಟೇ ಸಮಂತಾ ಚೇತರಿಸಿಕೊಂಡಿದ್ದಾರೆ. ಹೀಗಾಗಿ ಹೆವಿ ವರ್ಕೌಟ್ ಹಾಗೂ ನೋವಿನ ವ್ಯಾಯಾಮವನ್ನು ತಪ್ಪಿಸಬೇಕು. ಅವರು ಸರಳ ವ್ಯಾಯಾಮಗಳನ್ನು ಮಾತ್ರ ಮಾಡಬೇಕು ಎಂದು ಸ್ಯಾಮ್​ಗೆ ಮನೋಜ್ ಬಾಜಪೇಯಿ ಸಲಹೆ ನೀಡಿದ್ದಾರೆ.